ಬಡಗಬೆಟ್ಟು ಸೊಸೈಟಿ

ಬಡಗಬೆಟ್ಟು ಕ್ರೆಡಿಟ್ ಕೋ-ಆಪರೇಟಿವ್ ಸೊಸಾಟಿ ಲಿ., ಉಡುಪಿ

2025-26 ನೇ ಸಾಲುಡ್  18.13 ಕೋ.ರೂ ಲಾಭ

ರಾಜ್ಯದ ಪ್ರತಿಷ್ಠಿತ ಸಹಕಾರ ಸಂಸ್ಥೆಯಾಯಿನ  ಉಡುಪಿದ ಬಡಗಬೆಟ್ಟು ಕ್ರೆಡಿಟ್ ಕೋ-ಆಪರೇಟಿವ್ ಸೊಸ್ಯಾಟಿ 2025-26ನೇ ಸಾಲುಡ್ ರೂ. 4062.29 ಕೋಟಿ ವಾರ್ಷಿಕ ವಹಿವಾಟು ನಡಪಾದ್  ರೂ. 18.13 ಕೋಟಿ ಲಾಭ ಮಲ್ದುಂಡ್ ಪಂಡುದು ಸಂಘದ ಅಧ್ಯಕ್ಷೆರಾಯಿನ  ಜಯಕರ ಶೆಟ್ಟಿ ಇಂದ್ರಾಳಿ ಪತ್ರಿಕಾಗೋಷ್ಠಿಡ್  ತೆರಿಪಾದೆರು.

₹1192.75 ಕೋಟಿ ವ್ಯವಹಾರ – ದಾಖಲೆ ಸಾಧನೆ

ಸಹಕಾರ ಕ್ಷೇತ್ರಡ್  108 ವರ್ಷಡ್ದ್  ಸಾರ್ಥಕ ಸೇವೆ ಸಲ್ಲಿಸಾವೊಂದುಪ್ಪುನ ಸಂಘ, 2025-26ನೇ ಆರ್ಥಿಕ, ವರ್ಷಾಂತ್ಯಗ್  22,869 ಸದಸ್ಯರೆನ್  ಇತ್ತುದ್ , ವರದಿ ವರ್ಷಾಂತ್ಯಗ್ ರೂ. 658.80 ಕೋಟಿ ಠೇವಣಿ ಸಂಗ್ರಹ ಮಲ್ತುದ್ ಕರಿನ  ಸಾಲುಡ್ದ್ ಶೇ.14.93ದಾತ್ ಏರಿಕೆ ಸಾಧಿಸಾದುಂಡ್.. ಸದಸ್ಯೆರೆಗ್  ಗೃಹನಿರ್ಮಾಣ. ವಾಹನ ಖರೀದಿ, ಜಮೀನು ಖರೀದಿ ಬೊಕ್ಕ ಅಭಿವೃದ್ಧಿ, ವಾಣಿಜ್ಯ ಸಂಕೀರ್ಣ ಬೊಕ್ಕ ವಸತಿ ಸಮುಚ್ಚಯ ನಿರ್ಮಾಣ, ಸ್ವಉದ್ಯೋಗ, ವಿದ್ಯಾಭ್ಯಾಸ, ಮದುವೆ. ಚಿನ್ನಾಭರಣೊಲೆನ ಈಡುದ ಮಿತ್ತ್  ಬೊಕ್ಕ ಮನೆವಾರ್ತೆಗ್  ಅಗತ್ಯ ದಾಖಲೆನ್  ಪಡೆತುದು ಸಾಲ ವಿತರಣೆ ಮಲ್ಪುಂಡ್.

ವರದಿ ವರ್ಷಾಂತ್ಯಗ್  ಸದಸ್ಯೆರೆನ ಹೊರಬಾಕಿ ಸಾಲ ರೂ. 533.96 ಕೋಟಿ ಆದಿತ್ತುದ್ , ಉಂದು ಕರಿನ ಸಾಲುಡ್ದ್  ಶೇ. 11.94ದಾತ್  ಏರಿಕೆಯಾತುಂಡ್. ಸಂಘ ರೂ. 117.60 ಕೋಟಿ ನಿಧಿ ಬೊಕ್ಕ  ರೂ. 268.30 ಕೋಟಿ ಹೂಡಿಕೆಲು ಇತ್ತುದ್ , ಒಟ್ಟು ರೂ. 791.46 ಕೋಟಿ  ಬಂಡವಾಳ ಉಂಡು.

ಕುಂದಾಪುರಡಾ  12ನೇ ಶಾಖೆ ಶೀಘ್ರ ಆರಂಭ

ಸಂಘ  ತನ್ನ ಕಾರ್ಯಕ್ಷೇತ್ರಡ್ 1 ಶಾಖೆ ಇತ್ತುದ್, ಉಂದೇಟ್ 8 ಶಾಖೆಲು ಸಂಘದ ಸ್ವಂತ ನಿವೇಶನಡ್ ಕಾರ್ಯನಿರ್ವಹಣೆ . ಸಂಘದ 12ನೇ ಶಾಖೆಗಾದ್  ಕುಂದಾಪುರದ ಹೃದಯಭಾಗಡ್  ಸ್ವಂತ ಕಚೇರಿ ಖರೀದಿ ಮಲ್ದಿತ್ತುದ್, ಅಯಿತ್ತ ಕಾಮಗಾರಿ ಅಂತಿಮ ಹಂತೊಡ್ ಉಂಡು.. ಅಗತ್ಯ ಸೌಲಭ್ಯದೊಟ್ಟುಗ್  ಶಾಖೆ ಶೀಘ್ರಡೇ ಗ್ರಾಹಕೆರೆನ ಸೇವೆಗ್ ಸಿದ್ಧ ಆವರೆಗುಂಡ್.

ಪ್ರಶಸ್ತಿಲು  ಬೊಕ್ಕ ಸಾಮಾಜಿಕ ಸೇವೆ

ಸಂಘ  2 ಸರ್ತಿ  ರಾಷ್ಟ್ರ ಪ್ರಶಸ್ತಿ, 9 ಬಾರಿ ರಾಜ್ಯ ಮಟ್ಟದ ಪ್ರಶಸ್ತಿ ಬೊಕ್ಕ 19 ಬಾರಿ ಆವಿಭಜಿತ ದ.ಕ ಜಿಲ್ಲಾ ಪ್ರಶಸ್ತಿಲೆನ್  ಪಡೆತುದು ಯಶಸ್ವಿ ಕ್ರೆಡಿಟ್ ಸಹಕಾರ ಸಂಸ್ಥೆಯಾದ್ ಗುರುತಿಸಾವೊಂದುಂಡ್. ವ್ಯವಹಾರ ಲಾಭದೊಟ್ಟುಗ್ ಸಾಮಾಜಿಕ ಹೊಣೆಗಾರಿಕೆನ್  ನಿಭಾಯಿಸಾವೊಂದುಪ್ಪುನ ಸಂಘ ಪ್ರತಿವರ್ಷ ಸುಮಾರು ರೂ. 25 ಲಕ್ಷೊನ್  ಶಿಕ್ಷಣ, ಆರೋಗ್ಯ ಬೊಕ್ಕ ಸಾಮಾಜಿಕ ಕಾರ್ಯಕ್ರಮಲೆಗ್  ಮೀಸಲ್ ದೀತುಂಡ್.

ಸಹಕಾರ ಮಾಣಿಕ್ಯ ಪ್ರಶಸ್ತಿ

72ನೇ ಅಖಿಲ ಭಾರತ ಸಹಕಾರ ಸಪ್ತಾಹ ರಾಜ್ಯ ಮಟ್ಟದ ಕಾರ್ಯಕ್ರಮಡ್  ಸಂಘಗ್  ‘ಸಹಕಾರ ಮಾಣಿಕ್ಯ’ ಪ್ರಶಸ್ತಿ ಲಭಿಸಾದುಂಡ್.. ಈ ಪ್ರಶಸ್ತಿದೊಟ್ಟುಗ್  ಪಣವುದ ಇನಾಮು ಬೊಕ್ಕ 5 ಗ್ರಾಂ ಬಂಗಾರದ ಪದಕ ಪಡೆದುಂಡ್. ಸಹಕಾರ ಕ್ಷೇತ್ರಡ್ ಸಂಘದ ಎಡ್ಡೆ  ಸೇವೆ. ನಿರ್ವಹಣೆ ಬೊಕ್ಕ ಸಾಧನೆನ್ ಪರಿಗಣಿಸಾದ್  ಈ ಗೌರವ ಸಿಕ್ಕುದಿತ್ತುದ್, ಉಡುಪಿ ಜಿಲ್ಲೆದ ಸುರುತ ಕ್ರೆಡಿಟ್ ಸಹಕಾರ ಸಂಘವಾದ್ ಈ ಪ್ರಶಸ್ತಿ ಪಡೆದುಂಡ್.


ಡಿಜಿಟಲ್ ಸೇವೆಲು: ಚೇತನಾ ಮೊಬೈಲ್ ಆ್ಯಪ್

ಡಿಜಿಟಲೀಕರಣದ ಭಾಗವಾದ್  ಅಭಿವೃದ್ಧಿಪಡಿಸಾಯಿನ “ಚೇತನಾ ಮೊಬೈಲ್ ಆ್ಯಪ್” ಮೂಲಕ ಗ್ರಾಹಕೆರ್  ತಮ್ಮ ಖಾತೆಲೆಗ್ ಸಂಬಂಧ ಪಟ್ಟಿನ ಕಾಸ್  ವರ್ಗಾವಣೆ, ಸಾಲ ಖಾತೆ ನಿರ್ವಹಣೆ ಬೊಕ್ಕ  ಸಂಘದ ಪೊಸ  ಯೋಜನೆದ ಮಾಹಿತಿನ್  ಪಡೆತೊನೊಲಿ. ಈ ಆ್ಯಪ್ ಗ್  ಬಳಕೆದಾರೆರೆಡ್ದ್ ಎಡ್ಡೆ ಪ್ರತಿಕ್ರಿಯೆ ತಿಕ್ಕುದುಂಡ್..

ಗೂಗಲ್ ಪ್ಲೇ ಸ್ಟೋರ್ ಬೊಕ್ಕ ಆ್ಯಪಲ್ ಆ್ಯಪ್ ಸ್ಟೋರ್‌ ಡ್ ಲಭ್ಯವಿಪ್ಪುನ  ಈ ಆ್ಯಪ್‌ ದ  ಸದುಪಯೋಗ ಪಡೆಯುನಂಚ ಬೊಕ್ಕ ಹೆಚ್ಚಿಗೆ ಮಾಹಿತಿಗಾದ್  ಕೈತಲುದ ಶಾಖೆನ್ ಸಂಪರ್ಕ ಮಲ್ಪರೆಗ್ ತೆರಿಪಾದುಂಡ್.

ಸಂಘದ ಮಾತಾ  ಶಾಖೆಲೆಡ್  ಸೇಫ್ ಲಾಕರ್, ಇ-ಸ್ಟಾಂಪಿಂಗ್, ಪಾನ್ ಕಾರ್ಡ್ ಸೇವೆ,  ಕಾಸ್ ವರ್ಗಾವಣೆ ಸೌಲಭ್ಯ, ಆರೋಗ್ಯ ಕಾರ್ಡ್, ವಿಮಾ ಸೇವೆಲು, ದೈನಿಕ ಠೇವಣಿ ಸಂಗ್ರಾಹಕರೆಗ್ ಮೊಬೈಲ್ ಮೂಲಕ ತೇವಣಿ ಸಂಗ್ರಹಣೆಗ್ ಅವಕಾಶ ಒದಗಿಸಾವುನ್. *0″ ಬ್ಯಾಲೆನ್ಸ್ ವಿದ್ಯಾನಿಧಿ ಖಾತೆ, ಮಿಸ್ಟ್ ಕಾಲ್ ಸೇವೆ  ಬೊಕ್ಕ ಉಚಿತ SMS ಸೌಲಭ್ಯಲೆನ್  ಒದಗಿಸಾವುಂಡ್.

ದುಂಬು ದ  ಗುರಿ – ₹ 5000 ಕೋಟಿ ವಾರ್ಷಿಕ ವಹಿವಾಟು, ₹1400 ಕೋಟಿ ಒಟ್ಟು ವ್ಯವಹಾರ –

ದುಂಬು ದ  ವರ್ಷಡ್  ರೂ. 750 ಕೋಟಿ ಠೇವಣೆ  ರೂ. 650 ಕೋಟಿ ಸಾಲ ವಿತರಣೆ ಸೇರಿನಂಚ ಒಟ್ಟು ರೂ. 1400 ಕೋಟಿ ವ್ಯವಹಾರ ನಡಪಾವುನ ಗುರಿನ್  ಸಂಸ್ಥೆ ಪಾಡೊಂದುಂಡ್..

ಅತ್ತಾವಂದೆ . ಉಡುಪಿದ  ಹೃದಯಭಾಗಡ್  ಖರೀದಿ ಮಲ್ದಿನ 1  ಎಕರೆ ಜಾಗೆಡ್  ಅಂದಾಜು ರೂ. 10 ಕೋಟಿ ವೆಚ್ಚಡ್  “ಸಹಕಾರ ಸೌಧ” ನಿರ್ಮಾಣದ ಯೋಜನೆಲಾ  ಉಂಡು..

ಪ್ರತಿಯೊಂಜಿ  ಶಾಖೆಡುಲಾ  ಶಾಖಾ ಸಲಹಾ ಸಮಿತಿಲೆನ್  ರಚನೆ ಮಲ್ದಿತ್ತುದ್ , ಅಯಿತ್ತ  ಮೇಲ್ವಿಚಾರಣೆಡ್  ಪೊಸ ಯೋಜನೆಲೆನ್  ಜಾರಿಗೆ ಕನದುಂಡ್  ಪಂಡುದು ತೆರಿಪಾಯೆರು.

ಉಪಾಧ್ಯಕ್ಷೆರಾಯಿನ  ಜಾರ್ಜ್ ಸಾಮ್ಯುಯೆಲ್, ಆಡಳಿತ ಮಂಡಳಿದ  ಸದಸ್ಯೆರಾಯಿನ  ಸಂಜೀವ ಕಾಂಚನ್, ಪುರುಷೋತ್ತಮ ಪಿ. ಶೆಟ್ಟಿ, ಉಮಾನಾಥ ಎಲ್, ವಿನಯ ಕುಮಾರ್ ಟಿ.ಎ. ಪದ್ಮನಾಭ ನಾಯಕ್, ಹಾಜಿ ಸೈಯದ್ ಅಬ್ದುಲ್ ರಜಾಕ್, ಸದಾಶಿವ ನಾಯ್ಕ, ಮನೋಹರ ಎಸ್. ಶೆಟ್ಟಿ, ಸಾಧು ಸಾಲ್ಯಾನ್, ಜಯಾ ಶೆಟ್ಟಿ. ಗಾಯತ್ರಿ ಎಸ್. ಭಟ್, ಪ್ರಧಾನ ವ್ಯವಸ್ಥಾಪಕೆರಾಯಿನ  ರಾಜೇಶ್ ವಿ. ಶೇರಿಗಾರ್, ಸಹಾಯಕ ಪ್ರಧಾನ ವ್ಯವಸ್ಥಾಪಕೆರಾಯಿನ  ಪ್ರವೀಣ್ ಕುಮಾರ್  ಪತ್ರಿಕಾಗೋಷ್ಠಿಡ್  ಉಪಸ್ಥಿತರಿತ್ತೆರು.