ಪೊಸ ಧರ್ಮಾಧ್ಯಕ್ಷೆರೆನ ಪಟ್ಟ

ಉಡುಪಿ ಧರ್ಮ ಪ್ರಾಂತ್ಯದ  ಪೊಸ ಧರ್ಮಾಧ್ಯಕ್ಷೆರಾದ್  ಅತಿ ವಂ|ಡಾ|ಲೆಸ್ಲಿ ಕ್ಲಿಫರ್ಡ್ ಡಿಸೋಜಾ ಪೀಠಾರೋಹಣ

ಉಡುಪಿ: ಉಡುಪಿ ಧರ್ಮಕ್ಷೇತ್ರದ ದ್ವಿತೀಯ ಧರ್ಮಾಧ್ಯಕ್ಷೆರಾದ್ ಅತಿ ವಂ|ಡಾ|ಲೆಸ್ಲಿ ಕ್ಲಿಫರ್ಡ್ ಡಿಸೋಜಾ ಅರೆನ್  ಸೋಮವಾರ ಕಲ್ಯಾಣಪುರ ಮಿಲಾಗ್ರಿಸ್ ಪ್ರಧಾನಾಲಯದ ಕಾಲೇಜು ಮೈದಾನಡ್  ನಡತಿನ ಪವಿತ್ರ ಸಮಾರಂಭಡ್ ಅಭಿಷಿಕ್ತ ಮಲ್ತುದ್ ಪೀಠಾರೋಹಣ ಮಲ್ತೆರ್..

ಗೋವಾ ಬೊಕ್ಕ ದಮನ್ ಮಹಾಧರ್ಮಪ್ರಾಂತ್ಯದ ಮಹಾಧರ್ಮಾಧ್ಯಕ್ಷೆರು ಬೊಕ್ಕ FABC ಬೊಕ್ಕ CCBI ಅಧ್ಯಕ್ಷೆರಾಯಿನ  ಕಾರ್ಡಿನಲ್ ಫಿಲಿಪ್ ನೆರಿ ಫೆರಾವೊ ಮೇರು ಮುಖ್ಯ ಅಭಿಷೇಕಕಾರೆರಾದ್  ಧರ್ಮಾಧ್ಯಕ್ಷೆರೆನ ಅಭಿಷೇಕದ ವಿಧಿ ವಿಧಾನ ಮಲ್ತೆರು. ಬೆಂಗಳೂರು ಮಹಾಧರ್ಮಪ್ರಾಂತ್ಯದ ಮಹಾಧರ್ಮಾಧ್ಯಕ್ಷ ಡಾ. ಪೀಟರ್ ಮಚಾದೊ ಬೊಕ್ಕ ಉಡುಪಿ ಧರ್ಮಪ್ರಾಂತ್ಯದ ಪ್ರೇಷಿತ ಆಡಳಿತಾಧಿಕಾರಿ ಡಾ. ಜೆರಾಲ್ಡ್ ಐಸಾಕ್ ಲೋಬೊ ಸಹ-ಅಭಿಷೇಕಕಾರೆರಾದ್ ಪಾಲ್ ಪಡೆಯೆರ್.. ಭಾರತ ಬೊಕ್ಕ ನೇಪಾಳದ ಅಪೊಸ್ತೋಲಿಕ್ ನುನ್ಸಿಯೋ ಮಹಾಧರ್ಮಾಧ್ಯಕ್ಷ ಲಿಯೋಪೋಲ್ಡೊ ಗಿರೆಲ್ಲಿ, 30ಗುಲಾ  ಜಾಸ್ತಿ ಧರ್ಮಾಧ್ಯಕ್ಷೆರು, 250 ಧರ್ಮಗುರುಕುಲು, ಆತೇ ಸಂಖ್ಯೆದ ಧರ್ಮಭಗಿನಿಯೆರು ಬೊಕ್ಕ ದೇಶದ ಬೇತೆ ಬೇತೆ ಭಾಗಡ್ದ್  ಬತ್ತಿನ ಸುಮಾರು 6,000 ಭಕ್ತೆರು ಕಾರ್ಯಕ್ರಮಡ್  ಪಾಲ್ ಪಡೆದಿತ್ತೆರು.

ಧರ್ಮಾಧ್ಯಕ್ಷೆರೆನ ಅಭಿಷೇಕ ವಿಧಿಟ್ ಪೋಪ್ ಅರೆನ  ಅಧಿಕೃತ ನೇಮಕಾತಿ ಪತ್ರೊನ್  ಓದಿಯೆರ್. ಬೊಕ್ಕ ಪವಿತ್ರ ಧಾರ್ಮಿಕ ವಿಧಿದೊಟ್ಟುಗ್ ಧರ್ಮಾಧ್ಯಕ್ಷೆರೆನ  ಅಭಿಷೇಕ ನಡತುಂಡ್.. ಪೊಸ ಧರ್ಮಾಧ್ಯಕ್ಷೆರೆನ  ತರೆನ್ ಪವಿತ್ರ ತೈಲಡ್ ಅಭಿಷಿಕ್ತಮಲ್ತಿಬೊಕ್ಕ  ಪವಿತ್ರ ಬೈಬಲ್ ತರೆತ್ತ ಮಿತ್ತ್  ಪ್ರಾರ್ಥನೆ ಮಲ್ತೆರ್.. ಬೊಕ್ಕ ಅಧಿಕಾರದ ಉಂಗುರ ಧಾರಣೆ, ಶಿರವಸ್ತ್ರ ದಂಡೊನ್  ಹಸ್ತಾಂತರ ಅಧಿಕೃತ ಪೀಠಡ್ ಕುಲ್ಲಾದ್,ಪೊಸ ಧರ್ಮಾಧ್ಯಕ್ಷೆರಾದ್ ಪೀಠಾರೋಹಣ ಮಲ್ತುದ್ ಘೋಷಣೆ ಮಲ್ತೆರ್.

ಉಡುಪಿ ಧರ್ಮಪ್ರಾಂತ್ಯದ ಚಾನ್ಸಲರ್ ಫಾ. ಸ್ಟೀವನ್ ಡಿ’ಸೋಜಾ ಮೇರು ಪವಿತ್ರ ಕ್ಯಾಥೋಲಿಕ್ ಚರ್ಚ್ನ ಪವಿತ್ರ ಫಾದರ್ ನ ಅಧಿಕೃತ ಪತ್ರೊನ್ ಓದಿಯೆರು.

ಮುಖ್ಯ ಅಭಿಷೇಕಕೆರ್, ಸಹ ಅಭಿಷೇಕಕೆರ್,ಬಾಕಿದ ಧರ್ಮಾಧ್ಯಕ್ಷೆರು ಬೊಕ್ಕ ಪ್ರತಿನಿಧಿಲು ಶಾಂತಿದ ಸಂಕೇತೊನ್ ವಿನಿಮಯ ಮಲ್ತೊಂಡೆರು.

ಮಂಗಳೂರು ಧರ್ಮಪ್ರಾಂತ್ಯದ ಧರ್ಮಾಧ್ಯಕ್ಷೆರರಾಯಿನ   ಡಾ. ಪೀಟರ್ ಪಾಲ್ ಸಲ್ಡಾನ್ಹಾ ತಮ್ಮ ಪ್ರವಚನಡ್, “ಫಾದರ್ ನ ಆಶೀರ್ವಾದ ಅಮೂಲ್ಯ. ಇನಿತ್ತ ಸಮಾಜಡ್ ಮಸ್ತ್  ಕುಟುಂಬೊಲೆಡ್ ಫಾದರ್ ನ ಉಪಸ್ಥಿತಿ ತೋಜುಜಿ.. ದೇವೆರೆನ ಕುಟುಂಬಡ್  ಧರ್ಮಾಧ್ಯಕ್ಷೆರು ಪರಮಪಿತನ ಪ್ರತಿನಿಧಿಲು.. ವಂ. ಲೆಸ್ಲಿ ಅರೆನ ಮೂಲಕ ದೇವೆರು ಉಡುಪಿ ಧರ್ಮಪ್ರಾಂತ್ಯಗ್  ತನ್ನ ಪ್ರತಿನಿಧಿನ್  ಆಯ್ಕೆ ಮಲ್ದೆರ್. ಧರ್ಮಾಧ್ಯಕ್ಷೆರು ದೇವೆರೆನ ವಾಕ್ಯಡ್  ಭಕ್ತೆರೆನ್  ಬಿತ್ತೊಡ್ ಬೊಕ್ಕ ಮಾತೆರೆನ್ ಪ್ರೀತಿಡ್  ನಡಪಾವೊಡ್.. ಸುವಾರ್ತೆದ ಸಾರೊನ್ ಸಾರುನ್ ಪ್ರಮುಖ ಕರ್ತವ್ಯ” ಪಂಡುದು ಪಂಡೆರು.

ಪವಿತ್ರ ವಿಧಿವಿಧಾನದ ಬೊಕ್ಕ ಸಾರ್ವಜನಿಕ ಅಭಿನಂದನಾ ಸಮಾರಂಭಡ್ ಧರ್ಮಪ್ರಾಂತ್ಯದ ಪರವಾದ್ ಅಧಿಕೃತವಾದ್ ಪ್ರೇಷಿತ ಆಡಳಿತಾಧಿಕಾರಿ ವಂ|ಡಾ|ಜೆರಾಲ್ಡ್ ಐಸಾಕ್ ಲೋಬೊ ಮೇರು ನೂತನ ಧರ್ಮಾಧ್ಯಕ್ಷರೆನ್  ಗೌರವಿಸಾಯೆರು.

ಭಾರತ ಬೊಕ್ಕ ನೇಪಾಳದ ಅಪೊಸ್ತೋಲಿಕ್ ನುನ್ಸಿಯೋ ಮಹಾಧರ್ಮಾಧ್ಯಕ್ಷ ಲಿಯೋಪೋಲ್ಡೊ ಗಿರೆಲ್ಲಿ ತಮ್ಮ ಆಶೀರ್ವಚನಡ್  ಧರ್ಮಾಧ್ಯಕ್ಷೆರು ಭಕ್ತೆರೆನ್  ಮಾರ್ಗದರ್ಶನ ಮಲ್ಪರೆಗ್ ಅರೆನ  ಪೋಷಣೆಗಾದ್  ವಿಶೇಷವಾದ್ ಆಯ್ಕೆ ಆತೆರು. ಧರ್ಮಸಭೆ ಇನಿ ಕೆಲವ್ ಸವಾಲುಲೆನ್ ಎದುರಿಸಾವೊಂದ್ , ಧರ್ಮಗುರುಕುಲೆನ ಸಂಖ್ಯೆ ಕಮ್ಮಿ ಆವೊಂದಿತ್ತುದ್ ಯುವಕೆರು ನಗರ ಪ್ರದೇಶಲೆಗ್ ವಲಸೆ ಪೋಪಿನವ್ವೇ  ಪ್ರಮುಖ ಸವಾಲಾದ್ ಪರಿಣಮಿಸಾದುಂಡ್.. ನೂತನ ಧರ್ಮಾಧ್ಯಕ್ಷೆರು ಇನಿತ್ತ  ಸವಾಲುಲೆಗ್ ಪರಿಹಾರ ತೋಜಾವುನ ಹೊಣೆಗಾರಿಕೆ ಇತ್ತುದ್ ಉಡುಪಿ ಧರ್ಮಕ್ಷೇತ್ರ ಉನ್ನತ ಸ್ಥಾನಗ್  ಕೊನವರೆಗ್ ಸಹಕಾರಿಯಾವಡ್  ಪಂಡುದು ಶುಭಹಾರೈಸಿಯೆರು.

ಗೋವಾ ಬೊಕ್ಕ ದಮನ್ ಮಹಾಧರ್ಮಪ್ರಾಂತ್ಯದ ಮಹಾಧರ್ಮಾಧ್ಯಕ್ಷೆರು ಬೊಕ್ಕ FABC ಬೊಕ್ಕ CCBI ಅಧ್ಯಕ್ಷೆರಾಯಿನ ಕಾರ್ಡಿನಲ್ ಫಿಲಿಪ್ ನೆರಿ ಫೆರಾವೊ ತಮ್ಮ ಸಂದೇಶಡ್  ಅಪೋಸ್ತಲರ ಉತ್ತರಾಧಿಕಾರಿಲಾದ್ ದೆತೊಂದಿನ ಜವಾಬ್ದಾರಿನ್  ವಿವರಣೆ ಮಲ್ತೆರು. ಧರ್ಮಾಧ್ಯಕ್ಷ ಲೆಸ್ಲಿ ಅರೆನ ಸಮೃದ್ಧ ಶೈಕ್ಷಣಿಕ ಹಿನ್ನೆಲೆ, ಪಾಸ್ಟರಲ್ ಅನುಭವ ಬೊಕ್ಕ ಸರಳ ಜೀವನಶೈಲಿ ಧರ್ಮಪ್ರಾಂತ್ಯೊನ್ ಆಧ್ಯಾತ್ಮಿಕ ಬೆಳವಣಿಗೆ ಬೊಕ್ಕ ಏಕತೆದ  ದಿಕ್ಕುಡ್ ದುಂಬರಿಯರೆಗುಂಡ್ ಪಂಡೆರು.
ತಮ್ಮ ಹೃದಯಸ್ಪರ್ಶಿ ಭಾಷಣಡ್  ನೂತನ  ಧರ್ಮಾಧ್ಯಕ್ಷ ಅತೀ ವಂ|ಡಾ|ಲೆಸ್ಲಿ ಡಿಸೋಜಾ ಪಾತೆರ್ದ್   ದೇವರೆಗ್ ತನ್ನ ಕುಟುಂಬಗ್, ಗುರುಕುಲೆಗ್ ಬೊಕ್ಕ ಭಕ್ತೆರೆಗ್ ಆಳವಾಯಿನ ಕೃತಜ್ಞತೆ ಸಲ್ಲಿಸಾಯೆರು. ದುಂಬು ಬರ್ಪೀನ ಸವಾಲುಲೆನ್ ವಿನಯಡ್  ಒತ್ತೊಂಡಿನ ಆರು ದೈವಿಕ ಕೃಪೆದ ಮಿತ್ತ್  ನಂಬಿಕೆ ವ್ಯಕ್ತಪಡಿಸಾಯೆರು.

ಯಾನು ಎನ್ನ ಶಕ್ತಿಡ್  ಅತ್ತ್, ಲೆಪ್ಪುನ ಬೊಕ್ಕ ಉಂತಾವುನ ದೇವೆರೆನ  ಮಿತ್ತುಧ  ನಂಬಿಕೆಡ್  ಬರೊಂದುಲ್ಲೆ. ನಮ ಮಾತೆರ್ಲ ಸೇರ್ದ್  ಪ್ರೀತಿ, ಸೇವೆ ಬೊಕ್ಕ ಸತ್ಯದ ಮಿತ್ತ್  ನೆಲೆ ಆಯಿನ  ಚರ್ಚ್ನ್ನು ನಿರ್ಮಾಣ ಮಲ್ಪುಗ ಪಂಡುದು ಆರು ಪಂಡೆರು.

ಉಡುಪಿ ಜಿಲ್ಲೆಡ್  ಸರ್ವ ಧರ್ಮ ಸಮನ್ವಯತೆನ್ ಕಾಪಾಡುನ ನಿಟ್ಟುಡ್  ಪ್ರತಿಯೊರಿಲಾ ಪರಸ್ಪರ ಒಂಜೇ ಮನಸ್ಸುಡ್ ಕಾರ್ಯ ಪ್ರವೃತ್ತರಾಕ ಪಂಡೆರು.

ಕಾರ್ಯಕ್ರಮಡ್  ಉಡುಪಿ ಧರ್ಮಪ್ರಾಂತ್ಯದ ನಿವೃತ್ತ ಧರ್ಮಾಧ್ಯಕ್ಷೆರಾಯಿನ  ಅತಿ ವಂ|ಡಾ| ಜೆರಾಲ್ಡ್ ಐಸಾಕ್ ಲೋಬೊ ಆರು ಧರ್ಮಪ್ರಾಂತ್ಯಗ್  ಕೊರಿನ ಸೇವೆಗ್ ಗೌರವ ಸಲ್ಲಿಸಾಯೆರ್.

ಕಾರ್ಯಕ್ರಮಡ್ ಉಡುಪಿ ಶಾಸಕ ಯಶಪಾಲ ಸುವರ್ಣ, ವಿಧಾನ ಪರಿಷತ್ ಸದಸ್ಯ ಐವನ್ ಡಿಸೋಜಾ, ಮಾಜಿ ಸಚಿವೆರಾಯಿನ ವಿನಯ್ ಕುಮಾರ್ ಸೊರಕೆ, ಅಭಯಚಂದ್ರ ಜೈನ್ ಮಾಜಿ ಶಾಸಕೆ ರಘುಪತಿ ಭಟ್, ಜೆ ಆರ್ ಲೋಬೊ, ಕರಾವಳಿ ಅಭಿವೃದ್ಧಿ ಮಂಡಳಿ ಅಧ್ಯಕ್ಷೆ ಎಮ್ ಎ ಗಫೂರ್, ಕ್ರೈಸ್ತ ಅಭಿವೃದ್ಧಿ ನಿಗಮದ ನಿರ್ದೇಶಕೆ ಪ್ರಶಾಂತ್ ಜತ್ತನ್ನ ಸೇರಿನಂಚ ಕೆಲವು ರಾಜಕೀಯ ಮುಖಂಡೆರು ಉಪಸ್ಥಿತರಿತ್ತೆರು.
ವಂ|ಫರ್ಡಿನಾಂಡ್ ಗೊನ್ಸಾಲ್ವಿಸ್ ಸ್ವಾಗತ ಮಲ್ತುದ್ ವಂ|ರೋಶನ್ ಡಿಸೋಜಾ ವಂದಿಸಾಯೆರು. ಧಾರ್ಮಿಕ ವಿಧಿ ವಿಧಾನದ ಕಾರ್ಯಕ್ರಮದ ನಿರ್ವಹಣೆನ್ ವಂ|ವಿಲ್ಸನ್ ಡಿಸೋಜಾ, ಸಭಾ ಕಾರ್ಯಕ್ರಮದ ನಿರ್ವಹಣೆನ್ ವಂ|ಡೆನಿಸ್ ಡೆಸಾ ನೆರವೇರಿಸಾಯೆರ್..