ಅಪ್ಪೆ ಜೋಕ್ಲೆಗ್ ಆರೋಗ್ಯ ಮಾಯಿತಿ

ಮಲ್ಪೆ: ಬಂಜಿನಾಲ್ ಬೊಕ್ಕ  ಅಪ್ಪೆ ಜೋಕ್ಲೆಗ್ ಆರೋಗ್ಯದ ಬಗ್ಗೆ ಅರಿವು ಕಾರ್ಯಕ್ರಮ

ಮಲ್ಪೆ ಪ್ರಾಥಮಿಕ ಆರೋಗ್ಯ ಕೇಂದ್ರ ಬೊಕ್ಕ ರೋಟರಿ ಮಲ್ಪೆ ಕರಾವಳಿದ  ಸಂಯುಕ್ತ ಆಶ್ರಯಡ್ ಬಂಜಿನಕುಲು ಬೊಕ್ಕ ಅಪ್ಪೆ ಜೋಕ್ಲೆಗ್ ಆರೋಗ್ಯದ ಬಗ್ಗೆ  ಅರಿವು ಪುಟ್ಟಾವುನ ಕಾರ್ಯಕ್ರಮ  ಜುಲೈ 30 ತಾರೀಕುಗ್ ಮಲ್ಪೆದ ಪ್ರಾಥಮಿಕ ಆರೋಗ್ಯ ಕೇಂದ್ರಡ್ ನಡತುಂಡ್.. ಕಾರ್ಯಕ್ರಮಡ್ ಬಂಜಿನಕ್ಲೆನ  ಆರೈಕೆ, ಸುರಕ್ಷಿತ ಹೆರಿಗೆ, ಪೊಸ ಬಾಲೆದ ಆರೋಗ್ಯ, ಅಪ್ಪೆನಕ್ಲೆಗ್ ಪೌಷ್ಟಿಕ ಆಹಾರ, ಲಸಿಕೆ ಬೊಕ್ಕ ಆರೋಗ್ಯಕರ ಜೀವನಶೈಲಿ ಬಗ್ಗೆ ಮಲ್ಪೆ ಪ್ರಾಥಮಿಕ ಆರೋಗ್ಯ ಕೇಂದ್ರದ ವೈದ್ಯಾಧಿಕಾರಿ ಡಾ. ಜೇಷ್ಮ ಮಾಹಿತಿ ಕೊರಿಯೆರು. ರೋಟರಿ ಮಲ್ಪೆ ಕರಾವಳಿದ ಅಧ್ಯಕ್ಷೆರಾಯಿನ  ಶ್ರೀ ಸುರೇಶ್ ಕರ್ಕೇರ ಅಧ್ಯಕ್ಷತೆಡಿತ್ತೆರು. ರೋಟರಿ ಮಲ್ಪೆ ಕರಾವಳಿದ ಜಿ. ಎಸ್. ಆರ್. ಎಮ್. ಮಹೇಶ್ ಕುಮಾರ್, ಕಾರ್ಯದರ್ಶಿ ಯಶೋದ ಕೇಶವ್, ಉಪಾಧ್ಯಕ್ಷೆರಾಯಿನ  ಗಣೇಶ್ ಕುಂದರ್, ಕೋಶಾಧಿಕಾರಿ ಪ್ರಶಾಂತ್, ಸದಸ್ಯೆರಾಯಿನ  ರಮೇಶ್ ಬೊಕ್ಕ ಪ್ರಾಥಮಿಕ ಆರೋಗ್ಯ ಕೇಂದ್ರದ ಸಿಬ್ಬಂದಿ ಮಂಜುನಾಥ್ ಬೊಕ್ಕ ಆಶಾಕಾರ್ಯಕರ್ತೆರು ಉಪಸ್ಥಿತರಿತ್ತೆರು.