ಕಯ್ಯಾರ ಕಿಞ್ಞಣ್ಣ ರೈ ನೆಂಪು ಕಿನ್ಯ ಜೋಕ್ಲೆಡ್ದ್ ಸೊರ ಸಂಪು.

ತುಳು ನಾಡುಗ್ ನಾಡೋಜ ಕಯ್ಯಾರ ಕಿಞ್ಞಣ್ಣ ರೈಕ್ಲೆನ ಕೊಡುಗೆ ಅಪಾರ : ಬಿ.ಜಯಕರ ಶೆಟ್ಟಿ ಇಂದ್ರಾಳಿ.

ರೇಡಿಯೋ ಮಣಿಪಾಲ ಸಮುದಾಯ ಬಾನುಲಿ ಕೇಂದ್ರ ಬೊಕ್ಕ ತುಳುಕೂಟ ಉಡುಪಿ ಸಹಯೋಗಡ್ ನಾಡೋಜ ಕಯ್ಯಾರ ಕಿಞ್ಞಣ್ಣ ರೈ ನೆಂಪುಡ್ “ಕಿನ್ಯ ಜೋಕ್ಲೆಡ್ದ್ ಸೊರ ಸಂಪು”ಕಾರ್ಯಕ್ರಮ ಉಡುಪಿದ ಮುಕುಂದ ಕ್ರಪಾ ಶಾಲೆಡ್ ನಡತುಂಡ್.. ತುಳು ಭಾಷೆ ಸಂಸ್ಕೃತಿದ ಬುಲೆಚ್ಚಿಲ್ ಗಾದ್ ಪೊಸ ಪಜ್ಜೆ  ದೀಪಿನ  ನಿಟ್ಟುಡ್  ಈ ಕಾರ್ಯಕ್ರಮನ್ ಉಡುಪಿದ ಮಾತಾ ಶಾಲೆಲೆಡ್ ಆಯೋಜನೆ ಮಲ್ಪುನ ಯೋಜನೆನ್  ತುಳುಕೂಟ ಉಡುಪಿ ಬೊಕ್ಕ ರೇಡಿಯೋ ಮಣಿಪಾಲ್ ಪಾಡೊಂದುಂಡ್.. ಈ ನಿಟ್ಟುಡ್ ಮುಕುಂದ ಕ್ರಪಾ ಶಾಲೆಡ್  ಈ ಕಾರ್ಯಕ್ರಮದ ಉದಿಪನ ನಡತುಂಡ್.. ತುಳುಕೂಟದ ಅಧ್ಯಕ್ಷೆರಾಯಿನ ಶ್ರೀ ಬಿ. ಜಯಕರ ಶೆಟ್ಟಿ ಇಂದ್ರಾಳಿ ಮೇರು ಕಯ್ಯಾರ ಕಿಞ್ಞಣ್ಣ ರೈ  ಮೇರ್ ಬರೆತಿನ ಪದೊನ್  ಪನ್ಪಿನ  ಮೂಲಕ ಕಾರ್ಯಕ್ರಮೊನ್ ಉದಿಪನ ಮಲ್ತೆರು. ಈ ಸಂದರ್ಭಡ್  ಪಾತೆರಿನ ಆರು  ತುಳುನಾಡುಗ್ ಕಯ್ಯಾರ ಕಿಞ್ಞಣ್ಣ ರೈ ಅರೆನ  ಕೊಡುಗೆ ಅಪಾರ. ಕರ್ನಾಟಕದ ಮಹಾಕವಿಯಾದ್, ಹಿರಿಯ ಸಾಹಿತಿಯಾದ್, ಬಹುಭಾಷಾ ವಿದ್ವಾಂಸೆರಾದ್, ಸ್ವಾತಂತ್ರ್ಯ ಹೋರಾಟಗಾರೆರಾದ್, ಕರ್ನಾಟಕ ಏಕೀಕರಣ ಚಳುವಳಿಡ್ ಮುಂಚೂಣಿಯಾದ್ ನಾಯಕೆರಾದ್, ಕಾಸರಗೋಡು ವಿಲೀನಿಕರಣ ಕ್ರಿಯಾಸಮಿತಿದ ಪ್ರಧಾನ ಸಂಚಾಲಕೆರಾದ್ ನಿರಂತರವಾದ್ ಬೆಂದಿನಾರು, ಕನ್ನಡ ಬೊಕ್ಕ ತುಳು ಭಾಷೆಗ್ ಅಪಾರವಾಯಿನ ಕೊಡುಗೆ ಕೊರ್ತಿಞ  ಕಿಞ್ಞಣ್ಣ ರೈ  ಮೆರೆನ್ ಈ ನಾಡುದ ಜನತೆ ಏಪಗುಲಾ  ಮದಪರೆ ಬಲ್ಲಿ ಪಂಡೆರು.ಕಾರ್ಯಕ್ರಮಡ್ ತುಳುಕೂಟದ ಉಪಾಧ್ಯಕ್ಷೆರು ಬೊಕ್ಕ ಕಿಞ್ಞಣ್ಣ ರೈ ಮೆರೆನ ಮರ್ಮಾಯೆ  ಶ್ರೀ ಭುವನ ಪ್ರಸಾದ್ ಹೆಗ್ಡೆ,  ತುಳುಕೂಟದ ಗೌರವ ಸಲಹೆಗಾರೆರಾಯಿನ ಶ್ರೀ ವಿಶ್ವನಾಥ ಶೆಣೈ,ರೇಡಿಯೋ ಮಣಿಪಾಲದ ಕಾರ್ಯಕ್ರಮ ಸಂಯೋಜಕೆರಾಯಿನ ಡಾ. ರಶ್ಮಿ ಅಮ್ಮೆಂಬಳ, ಮುಕುಂದ ಕ್ರಪಾ ಶಾಲೆದ ಪ್ರಾಂಶುಪಾಲೆರಾಯಿನ ಶ್ರೀಮತಿ ವಿನುತಾ ಎಸ್. ನಾಯಕ್ ಪಾತೆರಿಯೆರು. ಕಾರ್ಯಕ್ರಮದ ಸಂಚಾಲಕಿ ಶ್ರೀಮತಿ ವಿದ್ಯಾ ಸರಸ್ವತಿ ಪ್ರಾಸ್ತಾವಿಕಡ್ ಪಾತೆರ್ದ್  ತುಳು ಭಾಷೆ ಸಂಸ್ಕೃತಿದ ಬುಲೆಚ್ಚಿಲ್ ಗಾದ್ ಶಾಲೆ  ಜೋಕ್ ಲೆಗ್ ಒಲವು ಪುಟ್ಟಾವುನ ಅಗತ್ಯ ಉಂಡು.. ಆ ನಿಟ್ಟುಡ್ ಈ ಕಾರ್ಯಕ್ರಮ ಆಯೋಜನೆ ಮಲ್ತೊಂದುಲ್ಲ್  ಪಂಡೆರು. ತುಳುಕೂಟದ  ಕಾರ್ಯಕಾರಿ ಸಮಿತಿದ ಸದಸ್ಯೆ ಶ್ರೀಮತಿ ಪ್ರಭಾವತಿ ವಿಶ್ವನಾಥ್ ಬಿನ್ನೆರೆನ್ ಎದ್ಕೊಂಡೆರು., ಕಾರ್ಯಂತೆರಾಯಿನ  ಶ್ರೀ ಗಂಗಾಧರ ಕಿದಿಯೂರು ಸೊಲ್ಮೆ ಸಂದಾಯ್ತ ಮಲ್ತೆರು. ಯಶೋದಾ ಕೇಶವ್ ಕಾರ್ಯಕ್ರಮ ನಿರೂಪಣೆ ಮಲ್ತೆರು. ಶಾಲೆದ ಜೋಕುಲು  ತುಳು ಕಥೆ, ಗಾದೆ, ಕವಿತೆ ಬೊಕ್ಕ ಪದೊನ್ ಪಂಡುದ್  ಕಜ್ಜೊಗ್ ರಂಗ್ ದಿಂಜಾಯೆರು. ಜೋಕುಲು ಪಂತಿನ ತುಳು ಕಥೆ,ಪದ,ಗಾದೆಲು ರೇಡಿಯೋ ಮಣಿಪಾಲಡ್  ಪ್ರಸಾರ ಆಪುಂಡ್..