Say No To Drugs

ಇಂದ್ರಾಳಿ ಯಕ್ಷಗಾನ ಕೇಂದ್ರಡ್ ‘ಬೇಡ ಬ್ರೋ – SAY NO TO DRUGS’ ಜಾಗೃತಿ ಕಾರ್ಯಕ್ರಮ

ಯುವಜನತೆಡ್  ಮಾದಕ ದ್ರವ್ಯಲೆನ ದುಷ್ಪರಿಣಾಮದ ಬಗ್ಗೆ ಅರಿವು ಮೂಡಿಸಾವುನ ಉದ್ದೇಶಡಾದ್  ಮಣಿಪಾಲ ಠಾಣೆದ  ವತಿಡ್ದ್ ಇಂದ್ರಾಳಿ ಯಕ್ಷಗಾನ ಕೇಂದ್ರಡ್  ಯಕ್ಷಗಾನ ಕಲ್ಪುನ ಜೋಕ್ ಲೆಗ್  ‘ಬೇಡ ಬ್ರೋ – SAY NO TO DRUGS’ ಪನ್ಪಿನ ಮಾದಕ ದ್ರವ್ಯ ವಿರೋಧಿ ಜಾಗೃತಿ ಕಾರ್ಯಕ್ರಮೊನ್  ಆಯೋಜನೆ ಮಲ್ದಿತ್ತೆರ್..

ಯುವಜನತೆ, ವಿಶೇಷವಾದ್  ವಿದ್ಯಾರ್ಥಿಲು ಮಾದಕ ದ್ರವ್ಯಡ್ ದೂರವಿತ್ತುದ್ , ಸಮಾಜಡ್  ಎಡ್ಡೆ ಸಂದೇಶನ್ ಪರಪುನಂಚ ಪ್ರೇರೇಪಣೆ ಮಲ್ಪುನ ನಿಟ್ಟುಡ್ ಕಾರ್ಯಕ್ರಮೊನ್ ಆಯೋಜನೆ ಮಲ್ದಿತ್ತೆರ್.. ಯಕ್ಷಗಾನದಂಚಿನ ಸಾಂಸ್ಕೃತಿಕ ಕಲಾ ಮಾಧ್ಯಮದ ಮೂಲಕ ಸಮಾಜಡ್ ಜಾಗೃತಿ ಪುಟ್ಟಾವುನ ಮಹತ್ವನ್ ಜೋಕ್ ಲೆಗ್  ತೆರಿಪಾದ್ ಕೊರಿಯೆರ್..

ಕಾರ್ಯಕ್ರಮಡ್ ಪಾತೆರಿನ  ಮಣಿಪಾಲ ಠಾಣೆದ ಎಎಸ್‌ಐ ರಾಮಪ್ರಭು ಮೇರು, “ಮಾದಕ ದ್ರವ್ಯಲೆನ  ವಿರುದ್ಧ ಹೋರಾಟ ಮಲ್ಪುನ ವಿದ್ಯಾರ್ಥಿಲೆನ  ಪಾತ್ರ  ಪ್ರಮುಖವಾದುಂಡ್. ಯುವಜನತೆ ಜಾಗೃತರಾಯೆರೆಡ ಆರೋಗ್ಯಕರ ಸಮಾಜ ನಿರ್ಮಾಣ ಸಾಧ್ಯ. ಸಮಾಜದ ಅಂಕುಡೊಂಕುಲೆನ್ ತಿದ್ದುನ  ಯಕ್ಷಗಾನ ಮಹತ್ವದ ಪಾತ್ರ ವಹಿಸಾದುಂಡ್” ಪಂಡೆರು.

ಕಾರ್ಯಕ್ರಮಡ್ ಎಎಸ್‌ಐ ಗಣೇಶ್ ದೇವಾಡಿಗ, ಹೆಡ್ ಕಾನ್ಸ್‌ಟೇಬಲ್ ಚೇತನ್, ಉಮೇಶ್ ಸುವರ್ಣ, ಕೃಷ್ಣಮೂರ್ತಿ ಭಟ್, ಬಸವ ಮುಂಡಾಡಿ, ನಾಗರಾಜ್ ಬೊಕ್ಕ ಶಂಕರ್ ನಾರಾಯಣ್ ಸೇರಿನಂಚ ಕೆಲವ್ ಗಣ್ಯೆರ್ ಉಪಸ್ಥಿತರಿತ್ತೆರು.