ಕೆಸರುಡ್ ಗೊಬ್ಬುಗ ಬೆನ್ನಿ ಮಲ್ಪುಗ

ಯುವ ವಿಚಾರ ವೇದಿಕೆ ಕೊಳಲಗಿರಿ- ಕೆಸರಡ್ ಗೊಬ್ಬುಗ ಬೆನ್ನಿ ಮಲ್ಪುಗ

ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಸಂಘ ಯುವವಿಚಾರ ವೇದಿಕೆ (ರಿ) ಕೊಳಲಗಿರಿ ಮೊಕ್ಲೆನ ಜನಪರ ಸಾಮಾಜಿಕ ಚಟುವಟಿಕೆಡ್ ಒಂಜಾಯಿನ  ಪಡಿಲು ಭೂಮಿ ಕೃಷಿ ಕಾರ್ಯದ ಸಾಂಕೇತಿಕ ಆರಂಭ ಬೊಕ್ಕ ಕೆಸರುಕಂಡಡ್ ಮನೋರಂಜನಾ ಆಟೋಟ ಸ್ಪರ್ಧಾ ಕಾರ್ಯಕ್ರಮ “ಕೆಸರ್ಡ್ ಒಂಜಿ ದಿನ” ಆಮ್ಮುಂಜೆ ಪರಿಸರಡ್ ನಡತುಂಡ್ .ವೇದಿಕೆದ ಅಧ್ಯಕ್ಷೆರಾಯಿನ ಸಂದೀಪ್ ಶೆಟ್ಟಿ ಅಧ್ಯಕ್ಷತೆಡ್ ನಡತಿನ ಕಾರ್ಯಕ್ರಮಡ್ ಮುಂಬೈ ಉದ್ಯಮಿ ಮೈಕಲ್ ಡಿಸೋಜ, ಉಪ್ಪೂರು ಸಹಕಾರಿ ಸಂಘದ ನಿರ್ದೇಶಕೆರಾಯಿನ ರಮೇಶ್ ಕರ್ಕೇರಾ ಉಗ್ಗೆಲ್ ಬೆಟ್ಟು, ಹಿರಿಯೆರಾಯಿನ ಮಾಧವ ಪಾಣ, ಸಂಗೀತಗಾರ ಸಂತೋಷ್ ಪಾಣ, ತುಳು ರಕ್ಷಣಾ ವೇದಿಕೆ ರೋಷನ್ ಡಿಸೋಜಾ, ಪೀಟರ್ ಡಿಸೋಜಾ ತೋಡಕಡಿ, ಅಪ್ಪಿ ಪೂಜಾರಿ ಉಪಸ್ಥಿತಿಡ್  ಉದಿಪನ ಆಯಿನ ಕಾರ್ಯಕ್ರಮಡ್  ಅಮ್ಮುಂಜೆದ ಯುವ ಕೃಷಿಕೆ ರಿತೇಶ್ ಪೂಜಾರಿನ್  ಮಾನಾದಿಗೆ ಮಲ್ತೆರ್. ಕೆಸರ್ ಕಂಡೊಡ್ ಸ್ಪರ್ಧೆಲೆನ್ ಮನೋರಂಜನ ಗೊಬ್ಬುಲು ನಡತುಂಡ್.. ಸಮಾರೋಪ ಸಮಾರಂಭ ಕಾರ್ಯಕ್ರಮಡ್ ಅಮ್ಮುಂಜೆ ಹಾಲು ಉತ್ಪಾದಕರ ಸಹಕಾರಿ ಸಂಘದ ಅಧ್ಯಕ್ಷೆರಾಯಿನ ಭಾಸ್ಕರ್ ಡಿ ಶೆಟ್ಟಿ , ಆಲ್ವಿನ್ ಡಿಸೋಜಾ, ದೈವ ನರ್ತಕೆರು ವಿಜಯ ಪಾಣ ತೋನ್ಸೆ, ಸುಷ್ಮಾ ಧೀರಜ್ ಶೆಟ್ಟಿ ಮುಖ್ಯ ಅತಿಥಿಲಾದ್  ಉಪಸ್ಥಿತರಿತ್ತುದ್ ಸ್ಪರ್ಧಾ ವಿಜೇತೆರೆಗ್ ಬಹುಮಾನ ವಿತರಣೆ ಮಲ್ತೆರು. ಯುವ ವಿಚಾರ ವೇದಿಕೆದ ಮಹತ್ವಾಕಾಂಕ್ಷಿ ಯೋಜನೆ ಯಾಯಿನ ಪಡಿಲು ಭೂಮಿ ಕೃಷಿಕ್ ಕಂಡೊಡ್ ನಟ್ಟಿ ನಡ್ಪಿನ  ಮೂಲಕ ಸಮಾರಂಭೊನ್ ಮುಗಿತೆರ್.. ಸಂಘದ ಪ್ರಧಾನ ಕಾರ್ಯದರ್ಶಿ ಸದಾಶಿವ ಕುಮಾರ್, ನಿಕಟಪೂರ್ವ ಅಧ್ಯಕ್ಷೆರಾಯಿನ ದಿನೇಶ್ ಶೆಟ್ಟಿ, ಪದಾಧಿಕಾರಿಲಾಯಿನ ಅಶೋಕ್ ಕುಮಾರ್, ರವೀಂದ್ರ ಕುಮಾರ್, ಶಶಿಕುಮಾರ್ , ಸುಕೇಶ್ ಪಾಣ, ಹೇಮಂತ್, ಶಿವಾನಂದ , ಶಕುಂತಲ ಸುಕೇಶ್, ಸೌಮ್ಯ ಶೆಟ್ಟಿ, ಶಾಂತಾ ಸೆಲ್ವರಾಜ್, ಸುಕನ್ಯಾ ಉಪಸ್ಥಿತರಿತ್ತೆರು. ಸುಬ್ರಮಣ್ಯ ಆಚಾರ್ಯ ಕಾರ್ಯಕ್ರಮ ನಿರೂಪಣೆ ಮಲ್ತೆರು.