ಕುಸುಮ ಉದ್ಯಾವರಗ್ ಎಸ್ ಕೆಪಿಎ ವತಿಡ್ದ್ ಮಾನಾದಿಗೆ

ಮಸ್ತ್ ವರ್ಷೊಡಿಂಚಿ ಶಿಕ್ಷಕಿಯಾದಿತ್ತುದ್ ಅಯಿತ್ತೊಟ್ಡುಗ್ ಶಾಲೆಗ್ ಬೋಡಾಪಿನ ಅಗತ್ಯತೆಲೆಗ್ ಸದಾ ಸ್ಪಂದಿಸಾದ್ ಶಾಲೆ ಬೊಕ್ಕ ಊರುದಕ್ಲೆನೊಟ್ಟುಗ್ ಎಡ್ಡೆ ಭಾಂದವ್ಯ ದೀಯೊಂದಿನ ಕುಸುಮ. ನಿವೃತ್ತಿ ಆಯಿಬೊಕ್ಕಲಾ ಸ್ಥಳೀಯ ಶಾಲೆಡ್ ಉಚಿತ ಶಿಕ್ಷಣ ಕೊರೊಂದಿತ್ತೆರ್.

ಮೆರೆನ ಕಾರ್ಯ ಚಟುವಟಿಕೆಲೆನ್ ಗಮನಿಸಾದ್ ಸೌತ್ ಕೆನರಾ ಫೋಟೋಗ್ರಾಫರ್ಸ್ ಅಸೋಶಿಯೇಶನ್ ಉಡುಪಿ ವಲಯದ ಸದಸ್ಯೆರು 01.11.2021 ದಾನಿ ಕುಸುಮ ಮೆರೆನ ಉದ್ಯಾವರದ ಇಲ್ಲಗ್ ಪೋದ್ ಫಲ, ಶಾಲು ಬೊಕ್ಕ ಮಾನಪತ್ರ ಕೊರ್ದ್ ಗೌರವ ಮಲ್ದುಂಡ್.. ಎಸ್ ಕೆಪಿಎ ಸಕ್ರಿಯ ಸದಸ್ಯ ಪ್ರಸಾದ್ ಜತ್ತನ್ ಮೆರೆನ ಪೆರ್ಮೆದ ಮಾತೃಶ್ರೀ ಕುಸುಮ ಪಂಡುದ್ ಪನರೆಗ್ ಖುಷಿಯಾಪುಂಡ್.

ಈ ಸಂದರ್ಭೊಡ್ ವಲಯಾಧ್ಯಕ್ಷ ಜನಾರ್ದನ್ ಕೊಡವೂರು, ಕಾರ್ಯದರ್ಶಿ ಪ್ರವೀಣ್ ಕೊರೆಯ, ಉಪಾಧ್ಯಕ್ಷ ಸುರಭಿ ಸುಧೀರ್, ಕಾರ್ಯಕ್ರಮ ಸಂಯೋಜಕ ಸುರಭಿ ರತನ್, ನಿಕಟ ಪೂರ್ವಕ ಅಧ್ಯಕ್ಷ ಪ್ರಕಾಶ್ ಕೊಡಂಕೂರ್, ಸುಕೇಶ್ ಕೆ ಅಮೀನ್, ದಯಾನಂದ್, ಉದಯ ನಾಯ್ಕ್, ಪ್ರಸಾದ್ ಜತ್ತನ್, ಚಂದ್ರಿಕಾ ಪ್ರಸಾದ್, ಸುಕುಮಾರ್, ಸಂತೋಷ್ ಕೊರಂಗ್ರಪಾಡಿ, ನಾರಾಯಣ ಜತ್ತನ್, ಎಮ್ ಎಸ್ ಮಂಜು, ಸಮಾಜ ಸೇವಕ ಲಯನ್ ಪ್ರತಾಪ್ ಕುಮಾರ್ ಬೊಕ್ಕ ಕುಟುಂಬಸ್ಥೆರು ಉಪಸ್ಥಿತರಿತ್ತೆರ್.