ಶ್ರೇಷ್ಠ ವಾಯಿನ ನರಮಾನಿ ಬದುಕುಡ್ ಕೆಲವೊಂಜಿ ಸಮಸ್ಯೆಲು ಬರೊಂದುಪ್ಪುಂಡ್.ಆ ಸಮಸ್ಯೆಲೆಗ್ ಸರಿಯಾಯಿನ ಪರಿಹಾರ ತಿಕ್ಕೊಡಾಂಡ ನಮ ದೇವೆರೆಗ್ ಶರಣಾವೊಡ್.ದೇವೆರೆನ್ ನಮ ನೇರವಾದ್ ತಿಕ್ಕರೆಗ್ ಸಾಧ್ಯ ಇಜ್ಜಿ.ಅಂಚಾದ್ ದೇವೆರೆನ ರೂಪೊಡ್ ಭಗವಂತನ ಅವತಾರ ಗುರುಕುಲೆಡ ನಮ್ಮ ಕಷ್ಟೊಲೆನ್ ಪನರೆಗ್ ಸಾಧ್ಯ ಆಪುಂಡ್.ಈ ನಿಟ್ಟುಡ್ ಈ ಭೂಮಿಡ್ ಗುರುಕುಲೆನ ಸ್ರಷ್ಟಿ ಆತುಂಡ್.ಗುರುನ ಮಾರ್ಗದರ್ಶನೊಡ್ ನಡತುಂಡ ಬದುಕು ಪೊರ್ಲುಡ್ ನಡಪುಂಡ್ ಪಂಡುದ್ ಜಗದ್ಗುರು ಕಾಳಹಸ್ತೇಂದ್ರ ಸರಸ್ವತಿ ಶ್ರೀಕುಲು ಪಂಡೆರ್.
ಆರು ಒಡಿಪು ಶಂಕರಪುರದ ಶ್ರೀ ಸಾಯಿ ಸಾಂತ್ವನ ಮಂದಿರೊಡ್ ನಡತಿನ ಗುರೂಜಿ ಸಾಯಿ ಈಶ್ವರ್ ಮೆರಿಲ್ ನ ಪುಟ್ಟು ಪರ್ಬ ಬೊಕ್ಕ ದೀಕ್ಷಾದಿನೊತ್ತ ಗೌಜಿಡ್ ನಡತಿನ ಸಾಯಿ ಈಶ್ವರ್ ಗುರೂಜಿ ಬರೆತಿನ “ಗುರುವಿನ ಗುಲಾಮನಾಗುವ ತನಕ” ಬೂಕುನ್ ಬುಡುಗಡೆ ಮಲ್ತುದ್ ಆಶೀರ್ವಚನ ಮಲ್ತೆರ್.ಅನ್ನದಾನಡ್ದ್ ಶ್ರೇಷ್ಠ ದಾನ ಕುಡೊಂಜಿ ಇಜ್ಜಿ.ಅಂಚಿನ ಶ್ರೇಷ್ಠ ವಾಯಿನ “ಸಾಯಿತುತ್ತು” ಯೋಜನೆ ಈ ಮಂದಿರದ ಮುಖೇನ ನಡತೊಂದುಪ್ಪುನವ್ವ್ ಉಂದು ನಿಜವಾಯಿನ ಈಶ್ವರ ಸೇವೆ..ಈ ರೀತಿದ ಸತ್ ಚಿಂತನೆನ್ ಮಲ್ತಿನಪಗ ಮನುಷ್ಯನ ಬದುಕು ಸಾರ್ಥಕ ಆಪುಂಡ್. ಈ ನಿಟ್ಟುಡ್ ಸಾಯಿ ಈಶ್ವರ್ ಇಂಚಲಾ ಬದುಕರೆಗ್ ಸಾಧ್ಯ ಉಂಡು ಪಂಡುದ್ ಬದುಕುದ್ ತೋಜಾದೆರ್ .ಮೆರೆನ ನನ ದುಂಬುದ ಚಿಂತನೆಲು ಸಮಾಜಮುಖಿಯಾವಡ್ ಪಂಡುದ್ ಈ ಪೊರ್ತುಡ್ ಶುಭಹಾರೈಸಿಯೆರ್.
ವೇದಿಕೆಡ್ ಉಪಸ್ಥಿತೆರಿತ್ತಿನ ಮಾಜಿ ಸಚಿವೆರಾಯಿನ ಪ್ರಮೋದ್ ಮಧ್ವರಾಜ್ ಪಾತೆರ್ದ್ ಧಾರ್ಮಿಕ ಕ್ಷೇತ್ರೊಡ್ ತೊಡಗಿಸಾವೊಂದ್,ನರಮಾನಿನ ಬದುಕುಗ್ ಸಾದಿಬೊಲ್ಪು ಆತಿನಿ ಮಾತ್ರ ಅತ್ತಾವಂದೆ, ಪ್ರಾಣಿ ಪಕ್ಷಿಲೆಗ್ ಮೋಕ್ಷ ಕೊರ್ಪಾವುನ ಬೇಲೆ ಮಲ್ತುದ್ ವಿಶೇಷ ಕಾಳಜಿ ಮಲ್ಪುನ ಸಾಯಿ ಈಶ್ವರ್ ಗುರೂಜಿ ಸಮಾಜೊಗ್ ಮಲ್ಲ ಕೊಡುಗೆ ಕೊರ್ತೆರ್ ಪಂಡೆರ್.
ಕಜ್ಜೊಡ್ ಮಲ್ಪೆದ ಮತ್ಸ್ಯೋದ್ಯಮಿ ಹರಿಯಪ್ಪ ಕೋಟ್ಯಾನ್ ಉಪಸ್ಥಿತರಿತ್ತುದ್ ಗುರೂಜಿಗ್ ಎಡ್ಡೆಪ್ಪು ಬಯಕಿಯೆರ್.ಪುರಂದರ ಸಾಲ್ಯಾನ್ ಧನ್ಯವಾದ ಮಲ್ತುದ್,ದಾಮೋದರ ಶರ್ಮಾ ಕಜ್ಜೊದ ನಿರೂಪಣೆ ಮಲ್ತೆರ್.
ಗುರೂಜಿನ ಭಕ್ತೆರ್ ಪುಟ್ಟುಪರ್ಬದ ಈ ಪೊರ್ತುಡ್ ಮಾಲಾರ್ಪಣೆ ಮಲ್ಪುನ ಮುಖೇನ ಆಶೀರ್ವಾದ ಪಡೆತೊಂಡೆರ್.
by 