ಇನಿ ವಿಶ್ವದಾದ್ಯಂತ ಯೋಗ ದಿನಾಚರಣೆನ್ ಸಂಭ್ರಮಡ್ ಆಚರಣೆ ಮಲ್ಪುವೆರ್.ಉಡುಪಿ ಜಿಲ್ಲೆಡ್ ಲಾ ಮಾತಾ ಸಂಘ ಸಂಘಟನೆಲು ಇನಿ ಯೋಗ ದಿನೋತ್ಸವ ಆಚರಣೆ ಮಲ್ತೆರ್. ವಿಶೇಷವಾದ್ ಮಣಿಪಾಲದ ಸರಳೇಬೆಟ್ಟುಡುಪ್ಪುನ ಹೊಸ ಬೆಳಕು ಆಶ್ರಮಡ್ ಆಶ್ರಮವಾಸಿಲೆಗಾದ್ ಯೋಗ ಶಿಬಿರ ನಡತುಂಡ್. ಮಾನವೀಯತೆಗಾದ್ ಯೋಗ ಪನ್ಪಿನ ಧ್ಯೇಯವಾಣಿದೊಟ್ಟುಗ್ ಆಯೋಜನೆ ಮಲ್ದಿನ ಕಾರ್ಯಕ್ರಮನ್ ಕುಂದಾಪುರ ರೂರಲ್ ಆಯುರ್ವೇದ ಮೆಡಿಕಲ್ ಕಾಲೇಜ್ ನೆತ್ತ ಡೆಫ್ಯುಟಿ ಮೆಡಿಕಲ್ ಸೂಪರಿಂಟೆಂಡೆಂಟ್ ಡಾ. ವಾಣಿಶ್ರೀ ಐತಾಳ್ ಕಾರ್ಯಕ್ರಮನ್ ದೀಪ ಬೆಳಗಿಸಾದ್ ಉದಿಪನ ಮಲ್ತುದ್ ಆರ್ ಆಶ್ರಮ ಡುಪ್ಪುನ 80 ಜನ ಆಶ್ರಮವಾಸಿಲೆಗ್ ದೈನಂದಿನ ದಿನಚರಿಗ್ ಅನುಕೂಲವಾಪುನಂಚ ಯೋಗದ ಆಸನ ಬೊಕ್ಕ ವ್ಯಾಯಾಮ ಕ್ರಮ ತೆರಿಪಾದ್ ಕೊರಿಯೆರ್. ಈ ಸಂದರ್ಭ ಹೊಸ ಬೆಳಕು ಆಶ್ರಮದ ಮುಖ್ಯಸ್ಥೆ ತನುಲಾ ತರುಣ್, ಕಾರ್ಯದರ್ಶಿ ವಿನಯ್ ಚಂದ್ರ ಸಾಸ್ತಾನ, ನಿರ್ವಾಹಕ ಗೌರೀಶ್ ಉಪಸ್ಥಿತರಿತ್ತೆರ್. ಜೀವನಡ್ ಒಂಜಿ ಸರ್ತಿಲಾ ಇಂಚಿನ ಕಾರ್ಯಕ್ರಮಡ್ ಭಾಗವಹಿಸಂದಿನ ಆಶ್ರಮವಾಸಿಲು ಯೋಗಾಭ್ಯಾಸ ಮಲ್ಪುನ ಮುಖೇನ ಯೋಗ ದಿನದ ಸವಿ ಸವಿಯೆರ್.
by 