Power’ Food carnival

*ಪವರ್ ಫುಡ್ ಕಾರ್ನಿವಲ್ – ಉಡುಪಿ*

ಉಡುಪಿದ  ಮಹಿಳಾ ಉದ್ಯಮಿಲೆನ ಸಂಘಟನೆಯಾಯಿನ POWER ವತಿಡ್ದ್  ಉಂದುವೇ ಬರ್ಪಿನ ಸುರುತ ಸರ್ತಿಗ್ ಪವರ್ ಫುಡ್ ಕಾರ್ನಿವಲ್  ನ್  ಆಯೋಜನೆ ಮಲ್ದುಂಡ್..

POWER ಸಂಸ್ಥೆ ಕರಿನ  ಕೆಲವು ವರ್ಷಡಿಂಚಿ ಮಹಿಳಾ ಉದ್ಯಮಿಲೆಗ್  ವೇದಿಕೆ ಒದಗಿಸಾವುನ ಉದ್ದೇಶಡ್ ಕಾರ್ಯನಿರ್ವಹಣೆ ಮಲ್ತೊಂದಿತ್ತುದ್, ಇದಮುಟ ಪವರ್ ಪರ್ಬಾ ಕಾರ್ಯಕ್ರಮದ ಐನ್  ಯಶಸ್ವಿ ಆವೃತ್ತಿಲೆನ್ ಯಶಸ್ವಿಯಾದ್ ನಡಪಾದುಂಡ್. ಇತ್ತೆ ‘ಪವರ್ ಪರ್ಬಾ’ ಪನ್ಪಿನ ಪುದರು ತನ್ನನೇ  ಆಯಿನ ಗುರುತಾದ್  ಜನಮಾನಸಡ್  ಸ್ಥಾನ ಪಡೆದುಂಡ್. ಅವ್ವೇ ಆತ್ಮವಿಶ್ವಾಸ  ಬೊಕ್ಕ ಜನಕ್ಲೆನ ನಂಬಿಕೆಡ್  ಪ್ರೇರಿತವಾದ್  POWER ಇತ್ತೆ ಪೊಸ ಪರಿಕಲ್ಪನೆದೊಟ್ಟುಗ್ *ಪವರ್ ಫುಡ್ ಕಾರ್ನಿವಲ್* ನ್ ಆಯೋಜನೆ ಮಲ್ದುಂಡ್.

ಈ ಫುಡ್ ಕಾರ್ನಿವಲ್‌ ದ ಮುಖ್ಯ ಉದ್ದೇಶ ಸ್ಥಳೀಯ ಆಹಾರ ಉದ್ಯಮಿಲು,, ಮಹಿಳಾ ಆಹಾರ ಉದ್ಯಮಿಲು ಬೊಕ್ಕ ಆಹಾರ ಪ್ರಿಯೆರೆಗ್ ಒಂಜೇ ವೇದಿಕೆಡ್ ಒಂಜಿ ಮಲ್ಪುನವ್ವ್. ಇಲ್ಲದ ರುಚಿಡ್ದ್   ವಿಶಿಷ್ಟ ಆಹಾರ ಪರಿಕಲ್ಪನೆಮುಟ್ಟ  ಬೇತೆ ಬೇತೆ ರೀತಿದ ಆಹಾರ ತೆನಸುಲೆನ್ ಜನಪರಿಚಯ ಮಲ್ಪುನ ಪ್ರಯತ್ನ .

ಪವರ್ ಫುಡ್ ಕಾರ್ನಿವಲ್ ಕಾರ್ಯಕ್ರಮ
*ಜನವರಿ 10 ಬೊಕ್ಕ 11ಗ್  ಉಡುಪಿದ ಅಜ್ಜರಕಾಡು ಪಾರ್ಕ್‌ ಡ್  ನಡಪರೆಗುಂಡ್.
60ಕ್ಕ್ ಲಾ  ಜಾಸ್ತಿ ಆಹಾರ ಸ್ಟಾಲ್‌ , 100ಕ್ಕ್ ಲಾ  ಜಾಸ್ತಿ ವಿಭಿನ್ನ ಆಹಾರ ಪದಾರ್ಥಲು, ಬೊಕ್ಕ 10ಕ್ಕ್ ಲಾ ಜಾಸ್ತಿ  ಸಂವಹನಾತ್ಮಕ ಅನುಭವೊಲು ಪವರ್ ಫುಡ್ ಕಾರ್ನಿವಲ್‌ನ ವಿಶೇಷ ಆಕರ್ಷಣೆಯಾದುಂಡ್.

ಪಚ್ಚೆ ಪರಿಸರ, ವಿಶಾಲವಾಯಿನ  ಜಾಗೆ  ಬೊಕ್ಕ ಕುಟುಂಬ ಸ್ನೇಹಿ ವಾತಾವರಣನ್  ಗಮನಡ್  ಈ ಜಾಗೆನ್  ಆಯ್ಕೆ ಮಲ್ದುಂಡ್.. ಸಾರ್ವಜನಿಕೆರೆಗ್  ಸುಖಕರ ಅನುಭವ ಒದಗಿಸಾವುನ ಒಟ್ಟು ಗ್ , ಆಹಾರ ಉದ್ಯಮಿಲೆಗ್ ಎಡ್ಡೆ ವ್ಯಾಪಾರ ಅವಕಾಶ ಕಲ್ಪಿಸಾವುನವ್ ಈ ಕಾರ್ಯಕ್ರಮದ ಉದ್ದೇಶವಾದುಂಡ್.

ಕಾರ್ಯಕ್ರಮ  ಮಾತಾ ಅಗತ್ಯ ಅನುಮತಿದೊಟ್ಟುಗ್ , ವೃತ್ತಿಪರ ಯೋಜನೆದ  ಮೂಲಕ, ಸ್ವಚ್ಛತೆ, ಸುರಕ್ಷತೆ ಬೊಕ್ಕ ಗುಣಮಟ್ಟಗ್  ಹೆಚ್ಚಿಗೆ ಮಹತ್ವ ಕೊರ್ದು ಆಯೋಜನೆ ಮಲ್ದುಂಡ್.

ಮಹಿಳಾ ಉದ್ಯಮಶೀಲತೆನ್  ಉತ್ತೇಜನ ಮಲ್ಪುನ್, ಸ್ಥಳೀಯ ಪ್ರತಿಭೆಲೆಗ್  ಬೊಲ್ಪು ಕೊರ್ಪಿನ  ಬೊಕ್ಕ ಸಮುದಾಯ ಆಧಾರಿತ ಕಾರ್ಯಕ್ರಮಲೆನ್  ರೂಪಿಸಾವುನ್  POWER ಸಂಸ್ಥೆದ  ಮೂಲ ಆಶಯವಾದುಂಡ್.. ಪವರ್ ಪರ್ಬಾ ಎಂಚ ಉಡುಪಿಡ್  ಒಂಜಿ ಪ್ರಮುಖ ಕಾರ್ಯಕ್ರಮವಾದ್ ರೂಪಿಸಾದುಂಡಾ , ಅವ್ವೇ  ರೀತಿಡ್ *ಪವರ್ ಫುಡ್ ಕಾರ್ನಿವಲ್ ಲಾ  ಉಡುಪಿದ ಪ್ರಮುಖ ಆಹಾರ ಉತ್ಸವವಾದ್ ಬುಳೆದ್ ಬರ್ಪುಂಡ್  ಪನ್ಪಿನ ನಂಬಿಕೆ POWER ದೀಯೊಂದುಂಡ್.


ಉಂದುವೇ ಸಂದರ್ಭಡ್  ಆಹಾರ ಉದ್ಯಮಿಲು ಬೊಕ್ಕ ಫುಡ್ ಬ್ರಾಂಡ್‌ ಲೆನ್  POWER ಆಹ್ವಾನ ಮಲ್ದಿತ್ತುದ್, ಪವರ್ ಫುಡ್ ಕಾರ್ನಿವಲ್‌ ಡ್ ಪಾಲ್ ಪಡೆಯರೆಗ್ ನೋಂದಣಿ ಪ್ರಕ್ರಿಯೆ ಪ್ರಸ್ತುತ ನಡತೊಂದುಂಡ್.. ಕಾರ್ಯಕ್ರಮದ ವ್ಯವಸ್ಥೆ ಬೊಕ್ಕ  ಜಾಗವೆಂದು ಮಿತಿನ್  ಗಮನದಲ್ಲಿಟ್ಟುಕೊಂಡು, ಪ್ರದರ್ಶಕರ *ನೋಂದಣಿಯನ್ನು ಈ ತಿಂಗೊಲ್ದ ಅಂತ್ಯದುಲಾಯಿ  ಮಲ್ಪೊಡ್.* ಆಸಕ್ತ ಆಹಾರ ಉದ್ಯಮಿಲು ಮಹಿಳಾ ಉದ್ಯಮಿಲು ಬೊಕ್ಕ ಫುಡ್ ಸ್ಟಾಲ್ ಮಾಲೀಕೆರು ಈ ಅವಕಾಶನ್ ಸದುಪಯೋಗ ಮಲ್ತೊನರೆಗ್ POWER ವಿನಂತಿ ಮಲ್ದುಂಡ್.

ಪತ್ರಿಕಾಗೋಷ್ಠಿಡ್  POWER ಸಂಸ್ಥೆಧ  ಅಧ್ಯಕ್ಷೆ ಬೊಕ್ಕ ಪವರ್ ಫುಡ್ ಕಾರ್ನಿವಲ್ ಅಧ್ಯಕ್ಷೆ ಶ್ರೀಮತಿ ಪ್ರಿಯಾ ಎಸ್. ಕಾಮತ್ , ಕಾರ್ಯಕ್ರಮ ಸಂಯೋಜಕಿ ಶ್ರೀಮತಿ ರೇಣು ಜಯರಾಮ್, ಕಾರ್ಯಕ್ರಮ ಕಾರ್ಯದರ್ಶಿ ಶ್ರೀಮತಿ ತೃಪ್ತಿ ನಾಯಕ್, ಪ್ರದರ್ಶಕರ (ಎಕ್ಸಿಬಿಟರ್‌) ಸಂಯೋಜಕಿ ಶ್ರೀಮತಿ ಶಾಲಿನಿ ಬಂಗೇರಾ,  ಕಾರ್ಯಕ್ರಮ ಮಾರುಕಟ್ಟೆ (marketing) ಸಂಯೋಜಕಿ ಶ್ರೀಮತಿ ರೇವತಿ ನಾಡಗೀರ್, ಕಾರ್ಯಕ್ರಮ ಪ್ರಾಯೋಜಕತ್ವ (sponsorship) ಸಂಯೋಜಕಿ ಶ್ರೀಮತಿ ತಾರಾ ತಿಮ್ಮಯ್ಯ  ಉಪಸ್ಥಿತರಿತ್ತೆರು.