ಪ್ಲಾಸ್ಟಿಕ್ ಇನಿ ನಮ್ಮ ದಿನನಿತ್ಯದ ಜೀವನದ ಅವಿಭಾಜ್ಯ ಅಂಗವಾದುಂಡ್. ಆಂಡ ಪ್ಲಾಸ್ಟಿಕ್ ಅತಿಯಾಯಿನ ಬಳಕೆಡಾದ್ ಪರಿಸರದ ಮಿತ್ತ್ ಗಂಭೀರ ದುಷ್ಪರಿಣಾಮೊಲು ಆವೊಂದುಂಡ್.. ಪ್ಲಾಸ್ಟಿಕ್ ತ್ಯಾಜ್ಯ ಮಣ್ಣು, ನೀರು ಬೊಕ್ಕ ಗಾಳಿನ್ ಕಲುಷಿತ ಮಲ್ಪುನ್ ಅತ್ತಾವಂದೆ, ಜೀವಜಗತ್ತುದ ಮಿತ್ತ್ ಹಾನಿಕಾರಕ ಪರಿಣಾಮ ಬೂರುಂಡ್..
ಈ ಹಿನ್ನೆಲೆಡ್ ಮರಕ್ಲೆನ್ ಒರಿಪಾವುನ್ ಬೊಕ್ಕ ಪರಿಸರ ಸಂರಕ್ಷಣೆಗ್ ಉತ್ತೇಜನ ಕೊರ್ಪಿನ ಉದ್ದೇಶಡಾದ್ ಪರಿಸರ ಸ್ನೇಹಿ ಪರ್ಯಾಯದ ಬಳಕೆ ಬಾರೀ ಅಗತ್ಯವಾದುಂಡ್. ಪಂಡುದ್ ಉಡುಪಿದ ಖ್ಯಾತ ವಕೀಲೆರಾಯಿನ ಶ್ರೀ ಶಾಂತಾರಾಂ ಶೆಟ್ಟಿ ಪಂಡೆರ್.ಆರ್ ಉಡುಪಿ ಡ್ ಪೊಸತಾದ್ ಆಯಿನ ವೀಕೆ ಸೊಲ್ಯೂಷನ್ಸ್ ಸಂಸ್ಥೆದ ಉದಿಪನ ಲೇಸ್ ಡ್ ಮಲ್ಲ ಬಿನ್ನೆರಾದ್ ತುಡರ್ ಅರ್ಲಾದ್ ಕಾರ್ಯಕ್ರಮಗ್ ಚಾಲನೆ ಕೊರ್ದು ಕಜ್ಜೊಗ್ ಎಡ್ಡೆಪ್ಪು ಬಯಕಿಯೆರು.ಪರಿಸರದ ಬಗ್ಗೆ ವಿಶೇಷ ಕಾಳಜಿ ದೀಯೊಂದ್ ಪರಿಸರ ಸ್ನೇಹಿ ಚೀಲೊನ್ ಗ್ರಾಹಕೆರೆಗ್ ಮುಟ್ಟಾವುನ ವೀಕೆ ಸೊಲ್ಯೂಷನ್ಸ್ ಸಂಸ್ಥೆದ ಬೇಲೆ ಶ್ಲಾಘನೀಯ ಪಂಡೆರ್.
ಕರಾವಳಿ ಅಭಿವೃದ್ಧಿ ಮಂಡಳಿದ ಅಧ್ಯಕ್ಷೆರಾಯಿನ ಶ್ರೀ ಎಂ.ಎ.ಗಪೂರ್ ಮಲ್ಲ ಬಿನ್ನೆರಾದಿತ್ತುದ್ ಪ್ಲಾಸ್ಟಿಕ್ ಬಳಕೆಡಾದ್ ಕ್ಯಾನ್ಸರ್ ದಂಚ ಮಲ್ಲ ಸೀಕ್ ಲು ದೇಶೊರ್ಮೆ ಜಾಸ್ತಿ ಆವೊಂದುಂಡ್.ಅವ್ವೆನ್ ಕಮ್ಮಿ ಮಲ್ಪರೆಗ್ ನಮ ಪ್ಲಾಸ್ಟಿಕ್ ಬಳಕೆ ನಿಷೇಧ ಮಲ್ಪೊಡ್.ಪ್ಲಾಸ್ಟಿಕ್ ದ ಬದಲುಗ್ ವೀಕೆ ಸೊಲ್ಯೂಷನ್ಸ್ ಸಂಸ್ಥೆದ ಪರಿಸರ ಸ್ನೇಹಿ ಚೀಲೊನ್ ಬಳಕೆ ಮಲ್ತುಂಡ ಆಯಿನಾತ್ ಕ್ಯಾನ್ಸರ್ ಸೀಕ್ ಬರಂದಿಲೆಕ್ಕ ತಡೆಪೊಲಿ.ಆ ನಿಟ್ಟುಡ್ ವೀಕೆ ಸೊಲ್ಯೂಷನ್ಸ್ ಸಂಸ್ಥೆದ ಬೇಲೆ ಶ್ಲಾಘನೀಯ ಪಂಡೆರ್.
ಕಜ್ಜೊಡ್ ಮಲ್ಲ ಬಿನ್ನೆರಾದ್ ಉಡುಪಿ ಉಜ್ವಲ್ ಗ್ರೂಪ್ ದ ವ್ಯವಸ್ಥಾಪಕ ನಿರ್ದೇಶಕೆರಾಯಿನ ಶ್ರೀ ಅಜಯ್ ಟಿ.ಶೆಟ್ಟಿ, ಸಂಸ್ಕೃತಿ ವಿಶ್ವ ಪ್ರತಿಷ್ಠಾನದ ಸಂಸ್ಥಾಪಕೆರಾಯಿನ ಶ್ರೀ ವಿಶ್ವನಾಥ ಪಿ.ಶೆಣೈ, ಕನ್ನಡ ಸಾಹಿತ್ಯ ಪರಿಷತ್ ದ ರವಿರಾಜ್ ಎಚ್.ಪಿ., ಕರ್ನಾಟಕ ಬ್ಯಾಂಕ್ ದ ರೀಜಿನಲ್ ಹೆಡ್ ರಮೇಶ್ ವೈದ್ಯ,ಪ್ರೊ: ದಯಾನಂದ ಶೆಟ್ಟಿ,ಸಂಜಯ್ ಕಶ್ಯಪ್,ಬಯೋ ಸ್ನೇಹಿ ಅರ್ಥ್ ಕೇರ್ ಪ್ರೈವೇಟ್ ಲಿಮಿಟೆಡ್ ಮೈಸೂರು ದ ವ್ಯವಸ್ಥಾಪಕ ನಿರ್ದೇಶಕ ಶ್ರೀ ಮನೋಹರ್ ಬಿ.ಎಂ.,ಬೊಕ್ಕ ಗಣ್ಯೆರ್ ಉಪಸ್ಥಿತರಿತ್ತೆರು.ಸಂಸ್ಥೆದ ಮುಖ್ಯಸ್ಥೆ ರಾಯಿನ ಕಾರ್ತಿಕ್ ಶಾಸ್ತ್ರಿ ಬತ್ತಿ ಬಿನ್ನೆರೆಗ್ ಪೂ ಕೊರ್ದು ಎದ್ಕೊಂಡೆರ್.ಸಂಸ್ಥೆದ ಮಾಲಕಿ ವಿದ್ಯಾ ಸರಸ್ವತಿ ಸೊಲ್ಮೆ ಸಂದಾಯ್ತ ಮಲ್ತೆರು. ಕೃತಿ ಮೂಡಬೆಟ್ಟು ಕಜ್ಜೊದ ನಿರೂಪಣೆ ಮಲ್ತೆರು.
by 