ಉಡುಪಿ: ಸಂಸ್ಕಾರ ಹಿರಿಯರೆಡ್ದ್ ಬತ್ತಿನ ಬಳುವಳಿ. ಉಂದೆನ್ ದುಂಬುದ ಪೀಳಿಗೆಗ್ ಮುಟ್ಟಾವುನ ಜವಾಬ್ದಾರಿ ನಮ್ಮವ್ ಪಂಡುದು ಪೇಜಾವರ ಮಠದ ಶ್ರೀ ವಿಶ್ವಪ್ರಸನ್ನತಿರ್ಥ ಶ್ರೀಪಾದೆರು ಪಂಡೆರು.
ಮಲ್ಪೆ ಕಡಲ ತೀರದ ಆನಂದ ಶರಧಿಡ್ ಐತಾರ ಶ್ರೀಕೃಷ್ಣ ಪರಿಸರ ಪ್ರತಿಷ್ಠಾನ ಆಶ್ರಯಡ್ ಆಯೋಜನೆ ಮಲ್ದಿನ ಗ್ರಾಮೀಣ ಕ್ರೀಡಾಕೂಟ ಬೊಕ್ಕ ಭಜನಾ ಸ್ಪರ್ಧೆದ ಬಹುಮಾನ ವಿತರಣೆ ಬೊಕ್ಕ ಸಮಾರೋಪ ಸಮಾರಂಭಡ್ ಆಶೀರ್ವಚನ ಮಲ್ತೆರು.
ಪ್ರತಿ ವರ್ಷ ಈ ರೀತಿದ ಸಾಂಪ್ರದಾಯಿಕ ಉತ್ಸವ ನಡತೊಂದುಪ್ಪೊಡ್. ಪ್ರಸ್ತುತ ಕೃಷ್ಣನ ಪರಿಸರ ಮಲ್ಪೆ ಮುಟ್ಟ ವಿಸ್ತಾರ ಆತುಂಡ್.. ದುಂಬು ದ ದಿನಟ್ ಕೃಷ್ಣ ಮಠದ ರಥ ಆನಂದ ಶರಧಿಮುಟ್ಟ ಬತ್ತುಂಡಲಾ ಅಚ್ಚರಿಯಿಜ್ಜಿ ಪಂಡುದು ಪಂಡೆರು.
ಶಾಸಕ ಗುರ್ಮೆ ಸುರೇಶ್ ಶೆಟ್ಟಿ , ಪರಿಸರ ಪ್ರತಿಷ್ಠಾನದ ಕಾರ್ಯದರ್ಶಿ ರತ್ನಕುಮಾರ್, ವಾಗ್ಮಿ ಪ್ರಕಾಶ್ ಮಲ್ಪೆ, ಉದ್ಯಮಿಲಾಯಿನ ಬಾಲಾಜಿ ರಾಘವೇಂದ್ರ ಆಚಾರ್ಯ, ಗಂಗಾಪ್ರಸಾದ್, ಮನೋಹರ್ ಶೆಟ್ಟಿ, ಪ್ರಸಾದ್ರಾಜ್ ಕಾಂಚನ್, ಆನಂದ ಪಿ. ಸುವರ್ಣ, ಕೊಡವೂರು ದಿವಾಕರ ಶೆಟ್ಟಿ ತೋಟದಮನೆ , ದಕ್ಷಿಣ ಕನ್ನಡ ಮೊಗವೀರ ಮಹಾಜನ ಸಂಘದ ಅಧ್ಯಕ್ಷ ಜಯ ಸಿ. ಕೋಟ್ಯಾನ್ ಬೊಕ್ಕ ಲೆಕ್ಕಪರಿಶೋಧಕ ಗಣೇಶ್ ಹೆಬ್ಬಾರ್, ಹರಿಯಪ್ಪ ಕೋಟ್ಯಾನ್, ವಾಸುದೇವ ಭಟ್, ಶ್ರೀನಿವಾಸ ಭಟ್, ಗೀತಾ ವಾಗ್ಲೆ, ನೀತಾ ಪ್ರಭು, ಉಪಸ್ಥಿತರಿತ್ತೆರು.ಸಂಟನಾ ಕಾರ್ಯದರ್ಶಿ ಗೋವಿಂದ ರಾಜ್ ಸ್ವಾಗತ ಮಲ್ತುದ್,ಷಣ್ಮುಖ ಹೆಬ್ಬಾರ್ ಕಾರ್ಯಕ್ರಮ ನಿರೂಪಣೆ ಮಲ್ತೆರು.ವಿಜಯ ಕೊಡವೂರು ಧನ್ಯವಾದ ಸಮರ್ಪಿಸಾಯೆರು.
by 