ಯುವಕರೆಗ್ ಸಂಸ್ಕೃತಿ ತೆರಿಪಾದ್ ಕೊರ್ಪಿನಲ್ಪ ಭಜನಾ ಸ್ಪರ್ಧೆಯು ಅವಶ್ಯಕವಾದುಂಡ್. ಭಜನೆದೊಟ್ಟುಗ್ ನಮ್ಮ ದೇಶದ ಸಂಸ್ಕೃತಿ, ಸಂಪ್ರದಾಯೊನ್ ಒರಿಪಾದ್ ಬುಲೆಪಾವುನ ಅಗತ್ಯ ಉಂಡು.. ಜಾಗ್ರತಿನ್ ಪುಟ್ಟಾವುನ ಕಾರ್ಯ ಯುವಜನತೆ ಮಲ್ಪೊಡಾತುಂಡ್ .ಪಂಡುದು ಶಾಂತಿ ನಿಕೇತನ ಸೌಹಾರ್ದ ಸಹಕಾರಿ ಸಂಘದ ಅಧ್ಯಕ್ಷೆರಾಯಿನ ಡಾ|ರಾಜೇಶ್ ತೆರಿಪಾದೆರು.ಆರು ಮಲ್ಪೆ ಆನಂದ ಶರಧಿಡ್ ಶ್ರೀ ಕೃಷ್ಣ ಪರಿಸರ ಪ್ರತಿಷ್ಠಾನದ ವತಿಡ್ದ ನಡತೊಂದುಪ್ಪುನ ಭಜನಾ ಸ್ಪರ್ಧೆದ ಆಜನೇ ದಿನತ್ತ ಕಾರ್ಯಕ್ರಮೊನ್ ಉದಿಪನ ಮಲ್ತುದ್ ಪಾತೆರಿಯೆರು..
ಮಲ್ಪೆ ಕರಾವಳಿ ಡ್ ಭಜನಾ ಮಹತ್ವ: ಶ್ರೀಕಾಂತ್ ಶೆಟ್ಟಿ ಅಭಿಮತ
ಮಲ್ಪೆ ಕರಾವಳಿ ನುಪ್ಪುದ ಬಟ್ಟಲು ಮಾತ್ರ ಅತ್ತ್, ಭಾರತೀಯ ಸಂಸ್ಕೃತಿದ ತೊಟ್ಟಿಲು ಪಂಡುದು ಶ್ರೀಕಾಂತ್ ಶೆಟ್ಟಿ ಅಭಿಪ್ರಾಯಪಟ್ಟೊಂಡೆರ್.
“ಈ ಸಂಸ್ಕೃತಿದ ತೊಟ್ಟಿಲಿಗ್ ಸಮುದ್ರರಾಜೆನೇ ಜೋಗುಳ ಪನೊಂದುಲ್ಲೆ. ಮೊಗವೀರ ಸಮುದಾಯ ಭಜನಾ ಮಂದಿರಲೆನ್ ನಿರ್ಮಾಣ ಮಲ್ತುದ್, ಭಜನಾ ಸಂಸ್ಕೃತಿನ್ ಒರಿಪಾವುನೊಟ್ಟುಗ್ ಕರಾವಳಿದ ಗಡಿ ಕಾಪುನ ಮಹತ್ತರ ಕಾರ್ಯೊನ್ ಮಲ್ತೊಂದುಂಡ್ ” ಪಂಡುದು ಆರು ಪಂಡೆರು.
ಹಿಂದೂ ಸಮಾಜ ಅವನತಿದ ಸಾದಿಡ್ ಸಾಗಿನಪಗ ಅವ್ವೆನ್ ಒರಿಪಾದಿನಿ ಭಜನೆ ಪಂಡುದು ಛತ್ರಪತಿ ಶಿವಾಜಿ ಮಹಾರಾಜೆರ್ ಪಂತಿನವ್ವೆನ್ ಉಲ್ಲೇಖ ಮಲ್ತಿನ ಆರು, ಭಜನೆ ಸಮಾಜೊನ್ ಒಂಜಿ ಮಲ್ಪುನ ಶಕ್ತಿಯಾದುಂಡ್ ಪಂಡೆರು.
“ದೇವೆರು ನಮನ್ ಕಾಪುವೆರ್ ಪಂಡುದು ನಮ ನಂಬುವಾ. ಆಂಡ ನಮ್ಮ ಅಂತರಂಗಡ್ ನಿಜವಾಯಿನ ಭಕ್ತಿ ಬೊಕ್ಕ ನಂಬಿಕೆ ಇತ್ತಿನಪಗ ಮಾತ್ರ ದೇವೆರೆನ ಕೃಪೆ ಸಂಪೂರ್ಣವಾದ್ ತಿಕ್ಕುಂಡ್ ಪಂಡುದು ಆರು ತೆರಿಪಾಯೆರು.
ಭಜನೆ, ಭಕ್ತಿ ಬೊಕ್ಕ ಸಂಸ್ಕೃತಿದ ಮೂಲಕ ಸಮಾಜದ ಮೌಲ್ಯನ್ ದುಂಬು ದ ಪೀಳಿಗೆಗ್ ತಲುಪಿಸಾವುನ ಕಾರ್ಯ ನಿರಂತರವಾದ್ ನಡಪೊಡ್ ಪಂಡುದು ಆರು ಪಂಡೆರು.
ವೇದಿಕೆಡ್ ನಗರಾಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷೆರಾಯಿನ ಶ್ರೀ ದಿನಕರ ಹೇರೂರು, ನಗರಸಭೆತ್ತ ಮಾಜಿ ಅಧ್ಯಕ್ಷೆರಾಯಿನ ಶ್ರೀ ದಿನಕರ ಶೆಟ್ಟಿ ಹೆರ್ಗ, ಶ್ರೀ ನಾಗರಾಜ್ ರಾವ್, ಅಂಬಲಪಾಡಿ, ಶ್ರೀ ದೇವಿ ಮುಖ್ಯ ಪ್ರಾಣ ಭಜನಾ ಮಂದಿರ ತೊಟ್ಟಂ ದ ಅಧ್ಯಕ್ಷೆರಾಯಿನ ಶ್ರೀ ಪ್ರದೀಪ್ ಕುಮಾರ್, ಮಾತ್ರ ಮಂಡಳಿ ಅಧ್ಯಕ್ಷೆ ಜ್ಯೋತಿ ಸುರೇಂದ್ರ, ಶ್ರೀಮತಿ ನಳಿನಿ ಪ್ರದೀಪ್, ಶ್ರೀ ದುರ್ಗಾಪರಮೇಶ್ವರಿ ಅಮ್ಮನವರ ದೇವಸ್ಥಾನ ಸನ್ಯಾಸಿಮಠ ದ ಮಾತ್ರ ಮಂಡಳಿ ಅಧ್ಯಕ್ಷೆ ಶ್ರೀಮತಿ ದೀಪಾ ಹರೀಶ್, ಕಾರ್ಯಕ್ರಮದ ಸಂಚಾಲಕೆರಾಯಿನ ಶ್ರೀ ದಿನೇಶ್ ಪುತ್ರನ್ ವೇದಿಕೆಡ್ ಉಪಸ್ಥಿತರಿತ್ತೆರು.ಸಂಚಾಲಕೆರಾಯಿನ ಶ್ರೀ ಗೋವಿಂದರಾಜ್ ಸ್ವಾಗತ ಮಲ್ತುದ್,ವಿಜಯ ಕೊಡವೂರು ಸೊಲ್ಮೆ ಸಂದಾಯ್ತ ಮಲ್ತೆರ್..ವಿದ್ವಾನ್ ಷಣ್ಮುಖ ಹೆಬ್ಬಾರ್ ಸಭಾಕಾರ್ಯಮದ ನಿರೂಪಣೆ ಮಲ್ತೆರು. ಭಜನಾ ಸಂಚಾಲಕ ಅರುಣ್ ಕುಂದರ್ ಪ್ರಾರ್ಥನೆ ಮಲ್ತೆರ್ .ಸಭಾಕಾರ್ಯಕ್ರಮದ ಬೊಕ್ಕ ಯುವತಿಯೆರೆನ ತಂಡದ ಭಜನಾ ಸ್ಪರ್ಧೆ ನಡತುಂಡ್.ಶ್ರೀಮತಿ ಸೌಮ್ಯಾ ಭಟ್ ಕಟೀಲು ಬೊಕ್ಕ ಶ್ರೀಮತಿ ಅಖಿಲಾ ಹೆಗ್ಡೆ ಕಟಪಾಡಿ ತೀರ್ಪುಗಾರೆರಾದ್ ಸಹಕಾರ ಮಲ್ತೆರ್..
by 