ಉಚ್ಚಿಲ ದೇವಳಡ್ ವಿತ್ತ ಸಚಿವೆ

  ಉಚ್ಚಿಲ ಶ್ರೀ ಮಹಾಲಕ್ಷ್ಮಿ ದೇವಸ್ಥಾನಗ್ ಶನಿವಾರ ಕಾಂಡೆ ಕೇಂದ್ರ ವಿತ್ತ ಸಚಿವೆ ಶ್ರೀಮತಿ ನಿರ್ಮಲಾ ಸೀತಾರಾಮನ್ ಭೇಟಿ ಕೊರಿಯೆರು. ದೇವಸ್ಥಾನದ ವತಿಡ್ದ್ ಸಚಿವೆ ನಿರ್ಮಲಾ ಸೀತಾರಾಮನ್ ಮೆರೆನ್ ಸಮಿತಿದ ಮಹಿಳಾ ಸದಸ್ಯೆರು ಕಳಶ ದೊಟ್ಟುಗ್ ಸಚಿವರೆನ್ ಸ್ವಾಗತ ಮಲ್ತೆರು.

ದೇವಳದ ಪ್ರಧಾನ ಅರ್ಚಕ ಕೆ. ವಿ. ರಾಘವೇಂದ್ರ ಉಪಾಧ್ಯಾಯ ಮೇರು ಶ್ರೀ ಮಹಾಲಕ್ಷ್ಮಿಗ್ ವಿಶೇಷ ಪೂಜೆ ಸಲ್ಲಿಸಾದ್ ಪ್ರಸಾದ ಕೊರಿಯೆರ್..ದಕ್ಷಿಣಕನ್ನಡ ಮೊಗವೀರ ಮಹಾಜನ ಸಂಘದ ಅಧ್ಯಕ್ಷ ಜಯ ಸಿ ಕೋಟ್ಯಾನ್ ಬೆಳ್ಳಂಪಳ್ಳಿ ಮೇರು ಸಚಿವೆ ನಿರ್ಮಲಾ ಸೀತಾರಾಮನ್ ಅರೆನ್ ದೇವಳದ ವತಿಡ್ದ್  ಮಾನಾದಿಗೆ ಮಲ್ತೆರು.

ನಿರ್ಮಲಾ ಸೀತಾರಾಮನ್‌  ದೇವಳದ ಆವರಣಡ್ ದೈ  ನಡ್ದ್  ವನಮಹೋತ್ಸವ ಆಚರಣೆ ಮಲ್ತೆರು.ಈ ಪೊರ್ತುಡ್  ದೇವಳದ ಆಡಳಿತ ಮಂಡಳಿ ಅಧ್ಯಕ್ಷ ಗಿರಿಧರ್ ಸುವರ್ಣ, ಪ್ರಧಾನ ಕಾರ್ಯದರ್ಶಿ ಶರಣ್ ಕುಮಾರ್ ಮಟ್ಟು, ಶಾಸಕೆರಾಯಿನ  ಗುರ್ಮೆ ಸುರೇಶ್‌ ಶೆಟ್ಟಿ, ಯಶ್ಪಾಲ್‌ ಸುವರ್ಣ, ಆಡಳಿತ ಮಂಡಳಿ ಸದಸ್ಯೆರಾಯಿನ  ನಾರಾಯಣ ಸಿ. ಕರ್ಕೇರ, ಮೋಹನ್ ಬಂಗೇರ ಕಾಪು, ಯಾದವ್ ವಿ.ಕೆ, ಸತೀಶ್ ಸಾಲ್ಯಾನ್, ದಿನೇಶ್ ಎರ್ಮಾಳ್, ಮನೋಜ್ ಕಾಂಚನ್, ಸುಜಿತ್ ಕುಮಾರ್ ಕಾಪು, ಶಾಂಭವಿ ಕುಲಾಲ್, ಸಾವಿತ್ರಿ, ಆಶಾ ಮನೋಹರ್, ಶುಭ ಯೋಗೇಶ್, ದೇವಳದ ಪ್ರಧಾನ ಪ್ರಬಂಧಕ ಸತೀಶ್‌ ಮೊಕುಲು ಮಾತಾ ಉಪಸ್ಥಿತರಿತ್ತೆರು.