ಪರ್ಕಳ ಮಹಾಲಿಂಗೇಶ್ವರ ದೇವಸ್ಥಾನ

ಪರ್ಕಳ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ವಾರ್ಷಿಕ ರಥೋತ್ಸವ ಸಂಪನ್ನ: ‘ಸಂಗೀತ ಗಾನ ಸಂಭ್ರಮ’ಡ್ ಪಾಲ್ ಪಡೆಯಿನ ಭಕ್ತೆರು!

ಪರ್ಕಳ ವಾಲಿಬಾಲ್ ಫ್ರೆಂಡ್ಸ್ ಡ್ದ್ ಆಯೋಜನೆ
ಉಡುಪಿ: ಪರ್ಕಳ ಶ್ರೀ ಮಹಾಲಿಂಗೇಶ್ವರ ಮಹಾಗಣಪತಿ ಮಹಿಷಮರ್ದಿನಿ ಅಯ್ಯಪ್ಪ ದೇವಸ್ಥಾನದ ಮನ್ಮಹಾರಥೋತ್ಸವ ಬುಧವಾರ ವಿಜೃಂಭಣೆಡ್ ನಡತುಂಡ್.
ಈ ಪ್ರಯುಕ್ತ ವಾಲಿಬಾಲ್ ಫ್ರೆಂಡ್ಸ್ ಪರ್ಕಳದ  ವತಿಡ್ದ್ ತುಳುನಾಡ ಗಾನ ಗಂಧರ್ವ ಬಿರುದಾಂಕಿತ ಪುತ್ತೂರು ಜಗದೀಶ್ ಆಚಾರ್ಯ ಬೊಕ್ಕ ಬಳಗದಕ್ಲೆಡ್ದ್  ‘ಸಂಗೀತ ಗಾನ ಸಂಭ್ರಮ’ ಕಾರ್ಯಕ್ರಮನ್  ಏರ್ಪಾಡ್ ಮಲ್ದಿತ್ತೆರ್.. ಉಂದುವೇ ಸಂದರ್ಭಡ್ ರಾಷ್ಟ್ರೀಯ ಮಟ್ಟದ ಕರಾಟೆ ಪಟು ಛಾಯಾ ಎಸ್ ಪೂಜಾರಿ ಹೆರ್ಗ, ಎಸ್ಸೆಸ್ಸೆಲ್ಸಿ ಪರೀಕ್ಷೆಡ್ ರಾಜ್ಯಗ್ 12ನೇ ಸ್ಥಾನ ಪಡೆಯಿನ ನಿರಂಜನ್ ಚೆನ್ನದಾಸರ್ ಬೊಕ್ಕ ಭಾರತೀಯ ಸೇನೆಗ್  ಆಯ್ಕೆ ಆಯಿನ ಅಮೋಘ್ ಭಂಡಾರಿ ಅರೆನ್  ಸಂಸ್ಥೆದ  ವತಿಡ್ದ್  ಸನ್ಮಾನ ಮಲ್ತೆರ್..
ಉಡುಪಿ ಜಿಲ್ಲಾ ಅಥ್ಲೆಟಿಕ್ ಅಸೋಸಿಯೇಷನ್ ಅಧ್ಯಕ್ಷ ಹರಿಪ್ರಸಾದ್ ರೈ ಮೇರು ಕಾರ್ಯಕ್ರಮನ್  ಉದಿಪನ ಮಲ್ತುದ್ ಶುಭಹಾರೈಸಿಯೆರು. ಉದ್ಯಮಿಲಾಯಿನ ಕರುಣಾಕರ ಶೆಟ್ಟಿ ಪುಣೆ, ವಿಜಯ್ ಶೆಟ್ಟಿ, ದೇವಸ್ಥಾನ ಮುಕ್ತೇಸರ ಮುರಳೀಧರ್ ನಕ್ಷತ್ರಿ, ದೇವಸ್ಥಾನ ಜೀರ್ಣೋದ್ಧಾರ ಸಮಿತಿ ದಿನೇಶ್ ಹೆಗ್ಡೆ ಆತ್ರಾಡಿ, ಸುಧೀರ್ ಶೆಟ್ಟಿ, ಸುಕೇಶ್ ಕುಂದರ್, ಗಣೇಶ್ ಪಾಟೀಲ್, ಸುಧೀರ್ ಶೆಟ್ಟಿಗಾರ್, ವಾಲಿಬಾಲ್ ಫ್ರೆಂಡ್ಸ್  ದ ಅಕ್ಷಯ್ ಬಂಗೇರ ಬೊಕ್ಕ ಸರ್ವ ಸದಸ್ಯೆರು ಉಪಸ್ಥಿತರಿತ್ತೆರು.