ಸಂಸ್ಕೃತಿ ಉತ್ಸವ

ಸಂಸ್ಕೃತಿ ವಿಶ್ವ ಪ್ರತಿಷ್ಠಾನಡ್ದ್  ‘ಸಂಸ್ಕೃತಿ ಉತ್ಸವ -2026’

ಕರಾವಳಿ ಕರ್ನಾಟಕದ ಪ್ರಸಿದ್ಧ ಸಂಸ್ಥೆಲೆಡ್ ಒಂಜಾಯಿನ ಸಂಸ್ಕೃತಿ ವಿಶ್ವ ಪ್ರತಿಷ್ಠಾನ (ರಿ) ಉಡುಪಿ ಉಂದುವೇ ಬರ್ಪಿನ ಜನವರಿ 24,25 ಬೊಕ್ಕ 26ಗ್ ಉಡುಪಿದ ಯಕ್ಷಗಾನ ಕಲಾರಂಗದ ಐ ವೈ ಸಿ ಸಭಾಂಗಣಡ್ ಸಂಸ್ಕೃತಿ ಉತ್ಸವನ್ ಆಯೋಜನೆ ಮಲ್ದುಂಡ್.
ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆ ಬೆಂಗಳೂರುದ ಸಹಕಾರಡ್ ನಡಪರೆಗುಂಡ್.

ಸುರುತ  ದಿನ ಸಂಸ್ಕೃತಿ ಉತ್ಸವಡ್  ಜನವರಿ 24 ಶನಿವಾರ ಬಯ್ಯಗ್ 5:15ಗ್  ಸರಿಯಾದ್  ಡಾ. ಶಿವರಾಮ ಕಾರಂತ ಟ್ರಸ್ಟ್ ಅಧ್ಯಕ್ಷೆರಾಯಿನ  ಡಾ. ಗಣನಾಥ್ ಎಕ್ಕಾರ್ ಉತ್ಸವನ್ ಉದ್ಘಾಟನೆ ಮಲ್ಪರೆಗುಲ್ಲೆರ್., ಸಭಾಧ್ಯಕ್ಷತೆಡ್ ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆ ಉಡುಪಿ ಜಿಲ್ಲೆದ ಸಹಾಯಕ ನಿರ್ದೇಶಕೆರಾಯಿನ ಪೂರ್ಣಿಮಾ ಮೇರು ಉಪ್ಪುವೆರ್.. ಶ್ರೀ ರಾಘವೇಂದ್ರ ಚಾರಿಟೇಬಲ್ ಟ್ರಸ್ಟ್ ಹೆಬ್ರಿ ಪ್ರಾಯೋಜಿತ ‘ಶಾರದ ಕೃಷ್ಣ’ ಪುರಸ್ಕಾರನ್ ಹಿರಿಯ ರಂಗ ನಿರ್ದೇಶಕೆರಾಯಿನ ಬೆಂಗಳೂರುಧ  ಎಸ್. ಎನ್. ಸೇತುರಾಮ್  ಮೆರೆಗ್ ಕೊರ್ದು ಮಾನಾದಿಗೆ ಮಲ್ಪರೆಗುಲ್ಲೆರ್.. ಅಭಿನಂದನಾ ಪಾತೆರನ್ ವಿಜಯನಾಥ್ ಹೆಗಡೆ ಮಲ್ಪರೆಗುಲ್ಲೆರ್.
ಎನ್. ಸೂರ್ಯನಾರಾಯಣ ಅಡಿಗ ಡಾ. ರಾಜಲಕ್ಷ್ಮಿ ಬೊಕ್ಕ ವಿಘ್ನೇಶ್ವರ ಅಡಿಗ ಮೊಕುಲು ಉಪಸ್ಥಿತರಿಪ್ಪುವೆರ್.. ಸಭಾ ಕಾರ್ಯಕ್ರಮಡ್ ಬೊಕ್ಕ  ಅನನ್ಯ ನಾಟಕ ಬೆಂಗಳೂರು ಅಭಿನಯದ ‘ತಳಿ’ ನಾಟಕ ಪ್ರದರ್ಶನ ನಡಪರೆಗುಂಡ್.

ರಡ್ಡನೇ ದಿನ  ಬಯ್ಯಗ್ 5: 15 ಗ್ ಪಂಚಮಿ ಟ್ರಸ್ಟ್ (ರಿ), ಉಡುಪಿ ಪ್ರಾಯೋಜಿತ ಪುರಸ್ಕಾರನ್  ಕನ್ನಡದ ಹಿರಿಯ ಸಾಹಿತಿ ಬೊಕ್ಕ ಕಿರುತೆರೆ ನಿರ್ದೇಶಕೆರಾಯಿನ ಟಿ. ಎನ್. ಸೀತಾರಾಂ ಮೆರೆಗ್ ಕೊರ್ದು ಮಾನಾದಿಗೆ ಮಲ್ಪರೆಗುಲ್ಲೆರ್., ಸಮಾರಂಭದ ಅಧ್ಯಕ್ಷತೆಡ್ ನಾಡೋಜ ಪ್ರೊ. ಕೆ.ಪಿ. ರಾವ್ ಮೇರು ಉಪ್ಪುವೆರ್.. ಮುಖ್ಯ ಅತಿಥಿಲಾದ್  ಯಕ್ಷ ರಂಗಾಯಣ ಕಾರ್ಕಳದ ನಿರ್ದೇಶಕೆರಾಯಿನ ಬಿ. ಆರ್. ವೆಂಕಟರಮಣ ಐತಾಳ್ ಬೊಕ್ಕ ಪಂಚಮಿ ಟ್ರಸ್ಟ್ (ರಿ ) ಉಡುಪಿ ಸಂಸ್ಥಾಪಕೆರಾಯಿನ ಡಾ. ಎಂ. ಹರೀಶ್ಚಂದ್ರ ಉಪಸ್ಥಿತರಿಪ್ಪುವೆರ್.
ಸಾಹಿತಿ ಡಾ. ಕಾತ್ಯಾಯಿನಿ ಕುಂಜಿಬೆಟ್ಟು ಅಭಿನಂದನ ಪಾತೆರುವೆರ್. ಸುಗುಣ ಸುವರ್ಣ ಬೊಕ್ಕ ಭುವನಪ್ರಸಾದ್ ಹೆಗಡೆ ವೇದಿಕೆಡ್  ಉಪಸ್ಥಿತರಿಪ್ಪುವೆರ್.. ಬೊಕ್ಕ ಯಕ್ಷ ರಂಗಾಯಣ ಕಾರ್ಕಳದ ರೆಪರ್ಟರಿ ಕಲಾವಿದರೆಡ್ದ್ ‘ಗುಲಾಮನ ಸ್ವಾತಂತ್ರ್ಯ ಯಾತ್ರೆ’ ಪ್ರದರ್ಶನ ನಡಪುಂಡು.

ಮೂಜನೇ ದಿನ ಜನವರಿ 26ಗ್  ಬಯ್ಯಗ್ 5:15ಗ್ ಶ್ರೀಮತಿ ಪ್ರಭಾವತಿ ಶೆಣೈ ಶ್ರೀ ಉಡುಪಿ ವಿಶ್ವನಾಥ ಶೆಣೈ ಪ್ರಯೋಜಿತ ‘ವಿಶ್ವ ಪ್ರಭಾ’ ಪುರಸ್ಕಾರ ನ್ ಶಿಕ್ಷಣ ತಜ್ಞೆರಾಯಿನ ಅಶೋಕ್ ಕಾಮತ್ ಮೆರೆಗ್ ಕೊರ್ದು ಮಾನಾದಿಗೆ ಮಲ್ಪರೆಗುಲ್ಲೆರ್.
ಆನಿ ಸಭಾಧ್ಯಕ್ಷತೆಡ್  ಮಾಜಿ ಸಚಿವೆರು ಕರ್ನಾಟಕ ಸರ್ಕಾರ ಪ್ರಮೋದ್ ಮಧ್ವರಾಜ್ ಉಪ್ಪುವೆರ್, ಅಭಿನಂದನ ಪಾತೆರೊಡ್ ರಾಷ್ಟ್ರೀಯ ತರಬೇತುದಾರೆರಾಯಿನ ರಾಜೇಂದ್ರ ಭಟ್ ಕೆ ಮಲ್ಪುವೆರ್.
ಸಮಾರಂಭಡ್  ಸಿ. ಎಸ್. ರಾವ್, ಕೃಷ್ಣರಾಜ ತಂತ್ರಿ, ಪ್ರಭಾವತಿ ಶೆಣೈ, ಪ್ರಶಾಂತ್ ಕಾಮತ್ ಉಪಸ್ಥಿತರಿಪ್ಪುವೆರ್.. ಸಭಾ ಕಾರ್ಯಕ್ರಮಡ್ ಬೊಕ್ಕ ಯಕ್ಷ ರಂಗಾಯಣದ ಕಲಾವಿದರೆಡ್ದ್ ‘ಮಹಾತ್ಮರ ಬರವಿಗಾಗಿ ನಾಟಕ ಪ್ರದರ್ಶನ ಆಪುಂಡ್..

ಕಲಾಭಿಮಾನಿಲೆಗ್, ಸಾಹಿತ್ಯ ಆಸಕ್ತರೆಗ್ ಉಚಿತ ಪ್ರವೇಶವಿಪ್ಪುಂಡ್ ಪಂಡುದು ಸಂಸ್ಥೆದ ಸಂಚಾಲಕ ರವಿರಾಜ್ ಎಚ್‍.ಪಿ. ಪತ್ರಿಕಾ ಪ್ರಕಟಣೆಡ್  ತೆರಿಪಾದೆರ್.