ಶಾನ್ವಿ ಶ್ರೀ ವತ್ಸವ ಕಾಪುಗ್ ಭೇಟಿ

ಕನ್ನಡ ಬೊಕ್ಕ ತೆಲುಗು ಚಿತ್ರರಂಗದ ಖ್ಯಾತ ನಟಿ ಶಾನ್ವಿ ಶ್ರೀವಸ್ತವ ಮೇರು ಮಾರ್ಚ್ 12ಗ್  ಕಾಪು ಶ್ರೀ ಪೊಸ ಮಾರಿಗುಡಿ ದೇವಸ್ಥಾನಗ್  ಭೇಟಿಕೊರ್ದು ಉಚ್ಚಂಗಿ ಸಹಿತ ಮಾರಿಯಮ್ಮ ದೇವಿನ  ದರುಶನ ಮಲ್ತೆರು.

ವ್ಯವಸ್ಥಾಪನಾ ಸಮಿತಿ ಬೊಕ್ಕ ಅಭಿವೃದ್ಧಿ ಸಮಿತಿ ವತಿಡ್ದ್  ಅರೆಗ್ ಶಾಲ್ ಪಾಡ್ದ್ ಮಾನಾದಿಗೆ ಮಲ್ತೆರ್, ಪ್ರಧಾನ ಅರ್ಚಕ ವೇದಮೂರ್ತಿ ಶ್ರೀನಿವಾಸ ತಂತ್ರಿ ಕಲ್ಯ ಅಮ್ಮನ ಅನುಗ್ರಹ ಪ್ರಸಾದ ಕೊರಿಯೆರು.

ಈ ಸಂದರ್ಭಡ್  ಅಮ್ಮನ ಸ್ವರ್ಣ ಗದ್ದುಗೆ  ಬೊಕ್ಕ ದೇವಳದ ಕೆತ್ತನೆಲೆನ್  ತೂದ್  ಮೆಚ್ಚುಗೆ ವ್ಯಕ್ತಪಡಿಸಾಯೆರು, ಚಿತ್ರೀಕರಣ ಸಂದರ್ಭ ಮುಲ್ಪ ಬರ್ಪೀನ  ಅವಕಾಶ ಸಿಕ್ಕುಂಡ್ ಕುಡೊರ  ಬರ್ಪೆ  ಪಂಡೆರ್. .

ಪ್ರಬಂಧಕ ಗೋವರ್ಧನ್ ಸೇರಿಗಾರ್ ಬೊಕ್ಕ ಕೆಲವೆರ್ ಉಪಸ್ಥಿತರಿತ್ತೆರು.