ಓಪನ್ ಡೇ

*ಯುಪಿಎಂಸಿ – ಓಪನ್ ಡೇ ಮತ್ತು ವೃತ್ತಿ ಮಾರ್ಗದರ್ಶನ ಸಂಪನ್ನ*

ಉಡುಪಿ, ಕುಂಜಿಬೆಟ್ಟು ಉಪೇಂದ್ರ ಪೈ ಮೆಮೋರಿಯಲ್ ಕಾಲೇಜಿಡ್  ಮಾರ್ಚ್ 18ಗ್  ದ್ವಿತೀಯ ಪಿಯುಸಿ ಪರೀಕ್ಷೆ ಮುಗಿಪಾದ್  ದುಂಬುದ ಪದವಿ ಶಿಕ್ಷಣಗ್ ಎದುರು ತೂವೊಂದುಪ್ಪುನ ವಿದ್ಯಾರ್ಥಿಲೆಗಾದ್  ನಡಪಾಯಿನ ಓಪನ್ ಡೇ ಮುಕ್ತ ದಾಖಲಾತಿ ಬೊಕ್ಕ ವೃತ್ತಿ ಮಾರ್ಗದರ್ಶನ ಕಾರ್ಯಾಗಾರ ಸಂಪನ್ನ ಆಂಡ್..
ಕಾರ್ಯಕ್ರಮದ ಉದ್ಘಾಟಕೆರಾದಿತ್ತಿನ ಮಾಹೆ ಮಣಿಪಾಲ್ ದ ಉಪ ಕುಲಪತಿ ಲೆಫ್ಟಿನೆಂಟ್ ಜನರಲ್ (ಡಾ) ಎಂ.ಡಿ ವೆಂಕಟೇಶ್ ವಿದ್ಯಾರ್ಥಿಲೆನ್ ಉದ್ದೇಶಿಸಾದ್ ದುಂಬು ದ ದಿನಕ್ಲೆಡ್ ಶಿಕ್ಷಣ ಕ್ಷೇತ್ರಡ್  ಬೋಡಾಯಿನಾತ್  ಬದಲಾವಣೆಲು ಆವರೆಗುಂಡ್, ಪದವಿ ಶಿಕ್ಷಣ ಮೂಲಭೂತ ಅಗತ್ಯತೆ ಆವರೆಗಿತ್ತುದ್, ಅವ್ವ್ ಕೌಶಲ್ಯಾಧಾರಿತವಾದ್ ಆವೊಡಾಯಿನ ಅನಿವಾರ್ಯತೆ ಉಂಡು., ಶಿಕ್ಷಣ ಪಡೆಯರೆಗ್ ಒವ್ವೇ  ಮಿತಿ ಇದ್ದಿಇ, ಜೀವನಪರ್ಯಂತ ಪಡೆಯರೆಗ್ ವಿಫುಲ ಅವಕಾಶ ಉಂಡು ಪಂಡುದು ತೆರಿಪಾಯೆರು.
ಮಲ್ಲ ಬಿನ್ನೆರಾದಿತ್ತಿನ ಉಡುಪಿ ಜಿಲ್ಲೆದ ಡಯಟ್ ನ ಪ್ರಾಚಾರ್ಯೆರು ಬೊಕ್ಕ ಉಪನಿರ್ದೇಶಕೆರಾಯಿನ ಡಾ. ಅಶೋಕ್ ಕಾಮತ್ ವಿದ್ಯಾರ್ಥಿಲೆನ್  ಉದ್ದೇಶಿಸಾದ್ ಒವ್ವೇ ಕೆಲಸ ಮಲ್ಪನಗ ಶ್ರದ್ಧೆ ಬೊಕ್ಕ ನಿಷ್ಠೆ ಇಪ್ಪೊಡ್., ಆನಿದ ಕೆಲಸ ಆನಿಯೇ ದಿನ  ಮಲ್ಪೊಡ್, ಮನಸ್ಸು  ದೀದ್ ಮಲ್ಪುನ ಕೆಲಸೊಲು ಖಂಡಿತವಾದ್  ಫಲ ಕೊರ್ಪುಂಡ್ ಪಂಡುದು ತೆರಿಪಾಯೆರು.

ಎಂ ಎಸ್ ಡಿ ಸಿ ಮಣಿಪಾಲ್ ಮುಖ್ಯಸ್ಥೆರಾಯಿನ  ಬ್ರಿಗೇಡಿಯರ್ (ಡಾ) ಎಸ್.ಎಸ್. ಪಾಬ್ಲಾ, ಭಕ್ತಿ ಟ್ಯುಟೋರಿಯಲ್ ಉಡುಪಿದ  ಸಂಸ್ಥಾಪಕೆರು ಹಳೆ ವಿದ್ಯಾರ್ಥಿ ಶ್ರೀಮತಿ ಶಾಂಭವಿ ಭಂಡಾರ್ಕರ್, ಯುಪಿಎಂಸಿದ ಪ್ರವೇಶಾತಿ ಬೊಕ್ಕ ಉದ್ಯೋಗ ಮಾರ್ಗದರ್ಶನದ ನಿರ್ದೇಶಕಿ ಡಾ. ಪದ್ಮಲತಾ ಉಪಸ್ಥಿತರಿತ್ತೆರು.

ಕಾಲೇಜಿದ  ಪ್ರಾಚಾರ್ಯರಾಯಿನ  ಶ್ರೀಮತಿ ಪ್ರಭಾ ಕಾಮತ್ ಅಧ್ಯಕ್ಷತೆಡಿತ್ತುದ್, ಪ್ರಾಸ್ತಾವಿಕ , ಸ್ವಾಗತ ಮಲ್ತೆರು.

ಕಾರ್ಯಕ್ರಮಡ್  ಕಲಿಕೆ ಬೊಕ್ಕ ಗಳಿಕೆ, ವೃತ್ತಿ ಮಾರ್ಗದರ್ಶನ ತರಬೇತಿ ಬೊಕ್ಕ ಕಾಲೇಜು ವಿದ್ಯಾರ್ಥಿಲೆಡ್ದ್  ಸಾಂಸ್ಕೃತಿಕ ಕಾರ್ಯಕ್ರಮೊಲು ನಡತುಂಡ್..

ಕಂಪ್ಯೂಟರ್ ಅಪ್ಲಿಕೇಶನ್ ವಿಭಾಗದ ಮುಖ್ಯಸ್ಥೆ ಶ್ರೀಮತಿ ಸಹನಾ ಎಂ. ಜಿ ನಿರೂಪಣೆ ಮಲ್ತೆರು.