ಪರ್ಕಳದ ವಜ್ರ ಮಹೋತ್ಸವ

ಪರ್ಕಳದ ವಜ್ರ ಮಹೋತ್ಸವದ ಪ್ರದರ್ಶನ

ಶ್ರೀ ಶ್ರೀ ಶ್ರೀ ಲಕ್ಷ್ಮೀ ಮನೋಜ್ನಾತೀರ್ಥ ಶ್ರೀಪಾದಂಗಳ ಒದಗಿಸಾಯಿನ ವಿಶಾಲ ಜಾಗೆಡ್ ಡಾ.ಟಿ.ಎಂ.ಎ.ಪೈ ಮೆರೆನ ಮಾರ್ಗದರ್ಶನೊಡು 1964ಡ್ ಸ್ಥಾಪನೆ ಆಯಿನ ಪರ್ಕಳ ಪ್ರೌಢಶಾಲೆ ಇನಿ 60 ವರ್ಸೊ ಸಂಪೂರ್ಣ ಆಯಿನ ಮಾತ್ರ ಅತ್ತ್ ಶಿಕ್ಷಣ ಕ್ಷೇತ್ರೊಡು ಪೊಸ ಬೊಲ್ಪು ಪಾಡ್ದುಂಡು.

ಡಿಸೆಂಬರ್ 28 ರ್ದ್ 30 ಮುಟ್ಟ ನಡಪುನ ಡೈಮಂಡ್ ಜುಬಿಲಿ ಆಚರಣೆಗ್ ವಿಶೇಷ ಪ್ರದರ್ಶನೊನು ಏರ್ಪಾಡ್ ಮಲ್ತೆರ್. ಅಲ್ಪ ಜೋಕುಲು ಮಲ್ತಿನ ಬೇತೆ ಬೇತೆ ಪಠ್ಯ ಆಧಾರಿತ ಮಾದರಿಲೆನ ಪ್ರದರ್ಶನ, ಪಿರಾಕ್ ದ ಬೊಕ್ಕ ಇತ್ತೆದ ನಾಣ್ಯೊಲೆನ ಬೊಕ್ಕ ನೋಟುಲೆನ ಪ್ರದರ್ಶನ, ನರಮಾನಿ ದೇಹದ ಅಂಗರಚನೆದ ಪ್ರದರ್ಶನ, ಬೇತೆ ಬೇತೆ ರೀತಿದ ಮೀನುಲೆನ ಪ್ರದರ್ಶನ, ಪಿರಾಕ್ ದ ವಾಹನೊಲೆನ ಪ್ರದರ್ಶನ, ಮಣ್ಣ್ ದ ಪಾತ್ರೆ ತಯಾರಿಕೆದ ಪ್ರದರ್ಶನ, ಮಣ್ಣ್ ಡ್ದ್ ಮಲ್ಪುನ ಕರಕುಶಲ ವಸ್ತುಲು, ಕೈತಂತ್ರದ ಪ್ರದರ್ಶನ, ಕೈತಂತ್ರದ ಸೀರೆಲೆನ ಪ್ರದರ್ಶನ, ವಿಶೇಷವಾದ್ ನಿರ್ಮಾಣ ಮಲ್ತಿನ ಬಾವಿದ ಆಳೊಡು ತೋಜುನ ಪರ್ಕಳ ಪ್ರೌಢಶಾಲೆದ ಚಿತ್ರಣದ ಮಾದರಿ ಇಂಚಿನವುಲು ಮಸ್ತ್ ಆಕರ್ಷಕ ಪ್ರದರ್ಶನೊಲು ಉಪ್ಪುಂಡು, ಬೊಕ್ಕ ಶಾಲೆದ ಜೋಕುಲು ಬೊಕ್ಕ ಸಾರ್ವಜನಿಕೆರೆಗ್ ಅವೆನ್ ತೂಯೆರೆ ಮುಕ್ತ ಅವಕಾಶ ಉಪ್ಪುಂಡು ಪಂದ್ ಜುಬಿಲಿ ಆಚರಣೆದ ಅಧ್ಯಕ್ಷೆರ್ ಪಂತೆರ್.