ಯುವ ರೆಡ್ ಕ್ರಾಸ್

ವೈಕುಂಠ ಬಾಳಿಗಾ ಕಾನೂನು ಕಾಲೇಜಿದ ಯುವ ರೆಡ್ ಕ್ರಾಸ್ ಘಟಕ ಬೊಕ್ಕ ಎನ್.ಎಸ್.ಎಸ್ ಘಟಕ-1

ಉಡುಪಿ, 02 ಡಿಸೆಂಬರ್ 2025 ರಂದು ವೈಕುಂಠ ಬಾಳಿಗಾ ಕಾನೂನು ಕಾಲೇಜು, ಉಡುಪಿ – ಯುವ ರೆಡ್ ಕ್ರಾಸ್ ಘಟಕ (ವೈಆರ್ಸಿಯು) ಬೊಕ್ಕ ರಾಷ್ಟ್ರೀಯ ಸೇವಾ ಯೋಜನೆ (ಎನ್ಎಸ್ಎಸ್) ಘಟಕ-1 ಬೊಕ್ಕ 11ದಾನಿ 2025-26ನೇ ಶೈಕ್ಷಣಿಕ ವರ್ಷದ ಉದ್ಘಾಟನಾ ಕಾರ್ಯಕ್ರಮ ಆಯೋಜನೆ ಮಲ್ದುಂಡ್.

ಡಾ.ಬಸೂರು ರಾಜೀವ್ ಶೆಟ್ಟಿ, (ಅಧ್ಯಕ್ಷರು, ಇಂಡಿಯನ್ ರೆಡ್ ಕ್ರಾಸ್ ಸೊಸೈಟಿ, ಕನಾ೯ಟಕ ಶಾಖೆ)ಮೇರ್ ಕಜ್ಜೊದ ಉದಿಪನ ಮಲ್ತೆರ್. ಮಲ್ಲ ಬಿನ್ನೆರಾದ್  ಡಾ.ಗಣನಾಥ್ ಶೆಟ್ಟಿ ಎಕ್ಕರ್, (ರಾಜ್ಯ, ಮಾಜಿ ಎನ್.ಎಸ್.ಎಸ್. ಅಧಿಕಾರಿ) ಇತ್ತೆರು. ಗೌರವಾನ್ವಿತೆರಾದ್  ಕಾಲೇಜಿದ ನಿರ್ದೇಶಕಿ ಪ್ರೊ (ಡಾ) ನಿರ್ಮಲಾ ಕುಮಾರಿ ಕೆ ಉಪಸ್ಥಿತರಿತ್ತೆರು. ಕಾರ್ಯಕ್ರಮದ ಅಧ್ಯಕ್ಷತಡ್  ಕಾಲೇಜಿಧ  ಪ್ರಿನ್ಸಿಪಾಲ್ ಪ್ರೊ ಸುರೇಖಾ ಕೆ.ಇತ್ತೆರ್.

ಪ್ರಂಜಲಿ ಮೇರ್ನ ಪ್ರಾರ್ಥನೆಡ್ ಕಾರ್ಯಕ್ರಮ ಸುರು ಆಂಡ್,

ಡಾ ರಾಜೀವ್ ಶೆಟ್ಟಿ ತನ್ನ ಉದ್ಘಾಟನಾ ಭಾಷಣೊಡು ರೆಡ್ ಕ್ರಾಸ್ ಚಳುವಳಿದ ಮೂಲ, ಅಯಿತ ವಿಸ್ತರಣೆ ಬೊಕ್ಕ ಜಾಗತಿಕ ಮಾನವೀಯ ಸೇವೆಲೆನ್ ವಿವರಿಸಯೆರ್. ರೆಡ್ ಕ್ರಾಸ್ ನ ಏಳು ಮೌಲ್ಯ ಆಧಾರಿತ ತತ್ವೊಲೆನ ಮಹತ್ವೊನು ವಿದ್ಯಾರ್ಥಿಲೆಗ್ ಎಚ್ಚರಿಕೆ ಮಲ್ತೆರ್ – ಮಾನವೀಯತೆ, ನಿಷ್ಪಕ್ಷಪಾತ, ತಟಸ್ಥತೆ, ಸ್ವಾಯತ್ತತೆ, ಸ್ವಯಂಸೇವಕತ್ವ, ಒಗ್ಗಟ್ಟು ಬೊಕ್ಕ ಸಾರ್ವತ್ರಿಕತೆ. ರೆಡ್ ಕ್ರಾಸ್ ದ ಸ್ಥಾಪಕೆರ್ ಆಯಿನ ಹೆನ್ರಿ ಡುನಾಂಟ್ ನ ಸೇವೆದ ತತ್ವೊಲೆನ್ ಅನುಸರಿಸೊಡು ಪಂದ್ ವಿದ್ಯಾರ್ಥಿಲೆಗ್ ಸ್ಫೂರ್ತಿ ಕೊರ್ತೆರ್.

ಮುಖ್ಯ ಅತಿಥಿ ಡಾ.ಗಣನಾಥ್ ಶೆಟ್ಟಿ ಎಕ್ಕಾರ್ ಪಾತೆರಿಯೆರು ಪಠ್ಯಕ್ರಮದ ಒಟ್ಟುಗು ಸಹ ಪಠ್ಯಕ್ರಮ ಚಟುವಟಿಕೆಲೆಡ್ ವಿದ್ಯಾರ್ಥಿಲು ಪಾಲ್ ಪಡೆಯೊನೊಡು ಪನ್ಪಿನವು ಬಾರಿ ಮುಖ್ಯ ಪಂಡ್ದ್ ತೆರಿಪಾಯೆರ್. ರೆಡ್ ಕ್ರಾಸ್ ಬೊಕ್ಕ ಎನ್ ಎಸ್ ಎಸ್ ದ ಇತಿಹಾಸೊನು ತೆರಿಪಾದ್ ಮಾನವೀಯತೆ ಬೊಕ್ಕ ಸೇವೆದ ಬಗ್ಗೆ ಒಂಜಿ ಅರ್ಥಪೂರ್ಣ ಕತೆನ್ ಪಂಡೆರ್.

ಯುವ ರೆಡ್ ಕ್ರಾಸ್ ಪ್ರತಿಜ್ಞೆನ್ ಅಯಿತ ಸಂಯೋಜಕೆರ್ ಶ್ರೀ ಈರಪ್ಪ ಎಸ್ ಮೇಧರ್, ಬೊಕ್ಕ ಎನ್ ಎಸ್ ಎಸ್ ಪ್ರತಿಜ್ಞೆನ್ ಘಟಕದ ಸಂಯೋಜಕೆರ್ ಡಾ.ನವೀನ್ ಚಂದ್ರ ಸಿ.ಬಿ.

ಎನ್ ಎಸ್ ಎಸ್ ಕಾರ್ಯದರ್ಶಿ ಸಮೀರ್ ಸರ್ವರ್ ಸ್ವಾಗತ ಮಲ್ತೆರ್ ಬೊಕ್ಕ ಯುವ ರೆಡ್ ಕ್ರಾಸ್ ಕಾರ್ಯದರ್ಶಿ ನವೀನ್ ನಾರಾಯಣ್ ಧನ್ಯವಾದೊಲೆನ್ ಪ್ರಸ್ತಾಪ ಮಲ್ತೆರ್. ಚಂದ್ರಿಕಾ ಕಾರ್ಯಕ್ರಮೊನು ನಿರೂಪಣೆ ಮಲ್ತೆರ್.

ಉದ್ಘಾಟನಾ ಕಾರ್ಯಕ್ರಮದ ಅಂಗವಾದ್ ಯುವ ರೆಡ್ ಕ್ರಾಸ್ ಬೊಕ್ಕ ಎನ್ ಎಸ್ ಎಸ್ ಘಟಕೊಲೆಡ್ದ್ ಬೇತೆ ಬೇತೆ ಸ್ಪರ್ಧೆಲೆನ್ ನಡಪಾಯೆರ್. ಗೆಂದಿನಕ್ಲೆಗ್ ಗೌರವ ಅತಿಥಿಲು ಬಹುಮಾನ ಕೊರಿಯೆರ್.