ಪೂರ್ಣಂ 2026

ಸ್ಪರ್ಧೆಲು ಪ್ರತಿಭೆನ್  ಅನಾವರಣ ಮಲ್ಪುನ ಸದವಕಾಶ ಆವಡ್

ವಿದ್ಯಾರ್ಥಿಲೆಗ್  ಕಾಲೇಜಿದ  ಮೂಲಕ ಮಲ್ಪುನ ಸ್ಪರ್ಧೆಲು ನಿಕ್ಲೆನ ಆತ್ಮವಿಶ್ವಾಸನ್  ಹೆಚ್ಚ ಮಲ್ಪುನೊಟ್ಟುಗ್  ನಿಕ್ಲೆನ ಉಲಾಯಿದ  ಶಕ್ತಿನ್  ತೆರಿಯೊನರೆಗ್ ಮಲ್ಪುನ ಮಲ್ಲ ಅವಕಾಶ. ಇಂಚಿನ  ಸಂದರ್ಭಲೆನ್ ಸರಿಯಾದ್  ಬಳಸೊಂಬಿನ  ಮೂಲಕ ನಿಕ್ಲೆನ  ದುಂಬು ದ  ಬದುಕುದ ಸುಂದರ ಸ್ಮರಣೀಯ ಕ್ಷಣಕ್ಲೆನ್  ಸೃಷ್ಟಿ ಮಲ್ಪುನಂಚ ಆವಡ್ ಸಮಾಮುಖಿ ಸೇವೆಡ್  ಸೇರುನಂಚ ಆವಡ್ ಪಂಡುದು  ಉಡುಪಿ ಜಿಲ್ಲಾ ಲಯನ್ಸ್ 317C ವಿಭಾಗದ ಗವರ್ನರ್ ಆಯಿನ ಶ್ರೀಮತಿ ಸ್ವಪ್ನಾ ಸುರೇಶ್ ಮೇರು ಅಭಿಪ್ರಾಯ ಪಟ್ಟೊಂಡೆರು. ಆರು  10  -03 -2026 ನೇ ಮಂಗಳವಾರದಾನಿ ಶ್ರೀ ಪೂರ್ಣಪ್ರಜ್ಞ ಸಂಧ್ಯಾ ಕಾಲೇಜಿನ ವತಿಡ್ದ್  ಆಯೋಜನೆ ಮಲ್ದಿನ ವಿಶೇಷ ಕಾರ್ಯಕ್ರಮ *ಪೂರ್ಣಂ 2026* ನೆತ್ತ ಉದ್ಘಾಟನಾ ಸಮಾರಂಭಡ್ ಪಾಲ್ ಪಡೆದ್ ಪಾತೆರಿಯೆರು.

ಕಾರ್ಯಕ್ರಮದ ಅಧ್ಯಕ್ಷತೆಡ್ ಕಾಲೇಜಿಧ  ಪ್ರಾಂಶುಪಾಲೆರಾಯಿನ  ಡಾ. ಚಂದ್ರಕಾಂತ್ ಭಟ್ ಮೇರು ಇತ್ತೆರ್. ವೇದಿಕೆಡ್ ಕಾಲೇಜಿದ  ಆಡಳಿತ ಮಂಡಳಿದ ಗೌರವ ಕಾರ್ಯದರ್ಶಿಲಾಯಿನ  ಸಿಎ.ಟಿ ಪ್ರಶಾಂತ ಹೊಳ್ಳ, ಕಾಲೇಜಿದ ಆಂತರಿಕ ಗುಣಮಟ್ಟ ಖಾತರಿ ಘಟಕದ ಸಂಯೋಜಕೆರಾಯಿನ  ಡಾ. ರಾಘವೇಂದ್ರ ಎಲ್, ವಿದ್ಯಾರ್ಥಿ ಕ್ಷೇಮ ಪಾಲನಾಧಿಕಾರಿಲಾಯಿನ ವಿನಾಯಕ ಪೈ ಬಿ,   ಡಾ. ಪ್ರಜ್ಞಾ ಮಾರ್ಪಳ್ಳಿ ವಿದ್ಯಾರ್ಥಿ ನಾಯಕ ಗಗನ್ ಜೆ ಸುವರ್ಣ, ಪೂರ್ಣಂನ ವಿದ್ಯಾರ್ಥಿ ಸಂಯೋಜಕೆರಾಯಿನ  ಕು.ಅವನಿ ಆಚಾರ್ಯ, ವಿವೇಕ್ ಕೆ.ಎಂ, ಶ್ರೇಯಸ್ ನಾಯಕ್,    ಉಪಸ್ಥಿತರಿತ್ತೆರು.

ಕಾರ್ಯಕ್ರಮದ ನಿರೂಪಣೆನ್  ಕುಮಾರಿ ರಾನಿಯ ಮೇರು ಮಲ್ತೆರು. ವಿದ್ಯಾರ್ಥಿ ನಾಯಕ ಗಗನ್ ಸುವರ್ಣ ಮೇರು  ಸ್ವಾಗತ ಮಲ್ತುದ್ ಕು.ಅವನಿ ಆಚಾರ್ಯ  ವಂದಿಸಾಯೆರು.