ಶಿಕ್ಷಕರ ದಿನಾಚರಣೆ – 27 ಶಿಕ್ಷಕೆರೆಗ್ ರೋಟರಿ ಗೌರವ

ಶಿಕ್ಷಕರ ದಿನಾಚರಣೆ – 27 ಶಿಕ್ಷಕೆರೆಗ್ ರೋಟರಿ ಗೌರವ

ಕಲ್ಯಾಣಪುರ ರೋಟರಿ ಕ್ಲಬ್ ವತಿಡ್ದ್ ಶಿಕ್ಷಕೆರೆನ ದಿನಾಚರಣೆನ್ ವಿಶೇಷವಾದ್ ರೋಟರಿ ಜಿಲ್ಲೆ 3182 ನೆತ್ತ ವಲಯ 3 ದ ಮಾತಾ ಶಿಕ್ಷಕ ಸದಸ್ಯೆರೆಲೆನ್ ಆಹ್ವಾನ ಮಲ್ತುದ್ ಗೌರವಿಸಾವುನ ಮುಖೇನ ಅರ್ಥಪೂರ್ಣವಾದ್ ಆಚರಣೆ ಮಲ್ತೆರ್.

ಬ್ರಹ್ಮಾವರ, ಹಂಗಾರಕಟ್ಟೆ, ಬಾರ್ಕೂರು, ಸಾಯಿಬ್ರಕಟ್ಟೆ, ಅಂಬಲಾಪಾಡಿ, ಉಡುಪಿ ಮಿಡ್ ‌ಟೌನ್ ,ರಾಯಲ್ ಬ್ರಹ್ಮಾವರ, ಕೊಕ್ಕರ್ಣೆ ಬೊಕ್ಕ ಕಲ್ಯಾಣಪುರ ರೋಟರಿ ಕ್ಲಬ್ಬ್ ದ ಸದಸ್ಯರೆಡ್ ಶಿಕ್ಷಕೆರಾದ್ ಸೇವೆ ಸಲ್ಲಿಸಾವೊಂದುಪ್ಪುನ 27 ಶಿಕ್ಷಕೆರೆನ್ ಗುರುತಿಸಾದ್ ಸನ್ಮಾನ ಮಲ್ತುದ್ , ಗೌರವ ಮಲ್ತೆರ್. ವಲಯ 3 ತ್ತ ಇತಿಹಾಸಡೇ ಸುರುತ್ತ ಸರ್ತಿಗ್ ಶಿಕ್ಷಕೆರೆನ ದಿನಾಚರಣೆನ್ ಈತ್ ಮಲ್ಲ ಸಂಖ್ಯೆಡ್ ಗುರುತಿಸಾದ್ ಗೌರವಿಸಾದಿನೈಕ್ ಮುಖ್ಯ ಅತಿಥಿಲು ಬೊಕ್ಕ ಸನ್ಮಾನಿತೆರು ಶ್ಲಾಘನೆ ಮಲ್ತೆರ್.

ರೋ ಪಿ.ಎಚ್.ಎಫ್ ಜಯಪ್ರಕಾಶ್ ಕೆದ್ಲಾಯ, ವಲಯ ಮೂಜೆತ್ತ ಸಹಾಯಕ ಗವರ್ನರ್ ರೋ. ಆನಂದ ಶೆಟ್ಟಿ, ವಲಯ ಸೇನಾನಿ ರೋ. ಇಕ್ಬಾಲ್ ಹಮ್ಮಾಜಿ, ಜಿಲ್ಲಾ ಮಾಜಿ ಗವರ್ನರ್ ರೋ. ರಾಜಾರಾಂ ಭಟ್ ಬೊಕ್ಕ ವೃತ್ತಿ ಸೇವಾ ನಿರ್ದೇಶಕೆರಾಯಿನ ರೋ ಎಮ್ ಮಹೇಶ್ ಕುಮಾರ್ ಅತಿಥಿಲಾದಿತ್ತೆರ್. ಕಲ್ಯಾಣಪುರ ರೋಟರಿ ಕ್ಲಬ್ ಅಧ್ಯಕ್ಷೆ ರೋ. ಶಾರ್ಲೆಟ್ ಲುವಿಸ್ ಸ್ವಾಗತ ಮಲ್ತೆರ್. ಕಾರ್ಯದರ್ಶಿ ರೋ. ರೀನಾ ಆನಂದ ಶೆಟ್ಟಿ ವಂದಿಸಾಯೆರ್. ರೋ. ಅಲೆನ್ ಲುವಿಸ್, ರೋ. ಗಿರೀಶ್ ನಿರೂಪಣೆ ಮಲ್ತೆರ್.