ಅಡ್ತಲೆಡ್ ಗೌಜಿದ ಆಟಿಕೂಟ

ಅಡ್ತಲೆಡ್  ಸಡಗರದ ಆಟಿ ಕೂಟ

ಅಡ್ತಲೆ: ಚಂದನ ಯುವತಿ ಮಂಡಲ ಅಡ್ತಲೆ ಬೊಕ್ಕ ಸ್ಪಂದನ ಗೆಳೆಯರ ಬಳಗ ಅಡ್ತಲೆದ  ಸಹಯೋಗಡ್ ಆಯೋಜನೆ ಮಲ್ದಿನ ಆಟಿ ಕೂಟ ಗೌಜಿಡ್  ನಡತುಂಡ್.
ಕಾರ್ಯಕ್ರಮೊನ್ ಅರಂತೋಡು ಗ್ರಾಮ ಪಂಚಾಯತ್‌ ದ ನಿಕಟಪೂರ್ವ ಅಧ್ಯಕ್ಷೆರಾಯಿನ ಕೇಶವ ಅಡ್ತಲೆ ಮೇರು ತುಡರ್ ಅರ್ಲಾದ್ ಉದಿಪನ ಮಲ್ತೆರು. ಕಾರ್ಯಕ್ರಮದ ಅಧ್ಯಕ್ಷತೆಡ್ ಸ್ಪಂದನ ಗೆಳೆಯರ ಬಳಗ ಅಡ್ತಲೆದ ಅಧ್ಯಕ್ಷೆ ರಾಯಿನ ವಿನಯ್ ಬೆದ್ರುಪಣೆ ಇತ್ತೆರು.
ನಿವೃತ್ತ ಮುಖ್ಯೋಪಾಧ್ಯಾಯಿನಿ ಬೊಮ್ಮಕ್ಕ ಪಿಂಡಿಮನೆ ಮೇರು ಆಟಿ ತಿಂಗಳ ವಿಶೇಷತೆ, ಆಚರಣೆಲು ಬೊಕ್ಕ ಪಿರಾಕುದ ಕಾಲದ ಜೀವನ ಪದ್ಧತಿದ ಬಗೆಟ್  ಮಾಯಿತಿ ಕೊರಿಯೆರು. ಅಡ್ತಲೆ ಶಾಲಾ ಎಸ್‌ಡಿಎಂಸಿ ಅಧ್ಯಕ್ಷೆರಾಯಿನ ಲೋಹಿತ್ ಮೇಲಡ್ತಲೆ ಶುಭಹಾರೈಸಿಯೆರು.
ನಾಗರಿಕ ಹಿತರಕ್ಷಣಾ ಸಂಘದ ಅಧ್ಯಕ್ಷೆರಾಯಿನ ಹರಿಪ್ರಸಾದ್ ಅಡ್ತಲೆ ಬೊಕ್ಕ ಚಂದನ ಯುವತಿ ಮಂಡಲದ ಅಧ್ಯಕ್ಷೆರಾಯಿನ ಸರಸ್ವತಿ ಅಡ್ತಲೆ ಮೇರು ಕಾರ್ಯಕ್ರಮಗ್ ಶುಭ ಹಾರೈಸಿಯೆರು.
ಕಾರ್ಯಕ್ರಮದ ಆರಂಭಡ್  ಡಯಾನಾ ಬೆದ್ರುಪಣೆ ಪ್ರಾರ್ಥನೆ ಮಲ್ತೆರು. ರೇಖಾ ಪನತ್ತಿಲ ಸ್ವಾಗತ ಮಲ್ತೆರು. ಅಶ್ವಿನಿ ಪಿಂಡಿಮನೆ ಕಾರ್ಯಕ್ರಮೊನ್  ನಿರೂಪಣೆ ಮಲ್ತುದ್ ಸೊಲ್ಮೆ ಸಂದಾಯ್ತ ಮಲ್ತೆರು.
ಆಟಿದ ಗೌಜಿಗ್  ಮೆರುಗು ಕೊರ್ಪಿನ ಚೆನ್ನೆಮಣೆ ಆಟ ಆಯೋಜನೆ ಮಲ್ದಿತ್ತುದ್, ವಿಜೇತೆರೆಗ್  ಇನಾಮು ಕೊರಿಯೆರ್..
ಚಂದನ ಯುವತಿ ಮಂಡಲದ ಸದಸ್ಯೆರ್  ಆಟಿ ತಿಂಗೊಲ್ದ ವಿಶೇಷವಾಯಿನ  ಬೇತೆ ಬೇತೆ ಸಾಂಪ್ರದಾಯಿಕ ಖಾದ್ಯಲೆನ್ ತಯಾರ್ ಮಲ್ತ್ ಕನದಿತ್ತುದ್, ಮಾತೆರ್ಲ  ಒಟ್ಟಾದ್   ಆಟಿ ಕೂಟದ ತೆನಸುಲೆನ್  ಪಟ್ಟುದ್ ತಿಂಡೆರು.
ಸಾಂಪ್ರದಾಯಿಕ ಆಚರಣೆ, ಆಟ-ಮನರಂಜನೆ ಬೊಕ್ಕ ಆಟಿ ವಿಶೇಷ ಖಾದ್ಯಲೆನ ಒಟ್ಟುಗ್  ನಡತಿನ  ಕಾರ್ಯಕ್ರಮ ನಾಡುದ ಸಂಸ್ಕೃತಿ ಬೊಕ್ಕ ಪರಂಪರೆನ್  ನೆಂಪು ಮಲ್ಪುನ ಅರ್ಥಪೂರ್ಣ ಕೂಟ ಆದ್  ಮೂಡುದ್ ಬತ್ತುಂಡ್.