ಭಕ್ತೆರೆನ ಸಾಕಾರೊಡ್ ಐನೇ ವರ್ಷದ

ಭಕ್ತರ ಸಹಕಾರಡ್ದ್  ಪಂಚಮ ವರ್ಷದ ಉಡುಪಿ–ಉಚ್ಚಿಲ ದಸರಾ 2026: ಗೌಜಿದ ಆಚರಣೆಗ್ ತಯಾರಿ

— ಉಡುಪಿ–ಉಚ್ಚಿಲ ದಸರಾ ರೂವಾರಿ ನಾಡೋಜ ಡಾ. ಜಿ. ಶಂಕರ್

ಉಚ್ಚಿಲ: ಭಕ್ತೆರು, ದಾನಿಲು ಬೊಕ್ಕ  ಸಮಾಜದ ಸರ್ವೆರೆನ ಸಹಕಾರೊಡ್  ಪಂಚಮ ವರ್ಷದ ಉಡುಪಿ–ಉಚ್ಚಿಲ ದಸರಾ 2026 ನ್  ಈ ಸರ್ತಿ  ಶಿಸ್ತುಬದ್ಧವಾದ್ , ಅಚ್ಚುಕಟ್ಟಾದ್  ಬೊಕ್ಕ ವೈಭವೋಪೇತವಾದ್ ಆಚರಣೆ ಮಲ್ಪರೆಗ್ ತಯಾರಿ ಆವೊಂದುಂಡ್  ಪಂಡುದು ಉಡುಪಿ–ಉಚ್ಚಿಲ ದಸರಾ ರೂವಾರಿ ನಾಡೋಜ ಡಾ. ಜಿ. ಶಂಕರ್ ಪಂಡೆರು.

ಉಚ್ಚಿಲ ಶ್ರೀ ಮಹಾಲಕ್ಷ್ಮೀ ದೇವಸ್ಥಾನಡ್  ನಡತಿನ ಉಡುಪಿ–ಉಚ್ಚಿಲ ದಸರಾ ಸಮಿತಿದ ಸರ್ವ ಸಮಿತಿದ ಪೂರ್ವಭಾವಿ ಸಭೆನ್  ಉದ್ದೇಶಿಸಾದ್  ಆರು ಪಾತೆರಿಯೆರು.

ಉಚ್ಚಿಲ ಶ್ರೀ ಮಹಾಲಕ್ಷ್ಮೀ ದೇವಸ್ಥಾನಡ್  ಕರಿನ  ನಾಲ್ ವರ್ಷಡಿಂಚಿ  ಕ್ಷೇತ್ರದ ಭಕ್ತೆರು ಬೊಕ್ಕ ದಾನಿಲೆನ ಸಹಕಾರಡ್ ಬಾರೀ  ಯಶಸ್ವಿಯಾದ್ , ಭಕ್ತಿಪೂರ್ವಕವಾದ್  ದಸರಾ ಉತ್ಸವನ್  ಆಚರಣೆ ಮಲ್ಪುಂಡ್.. ವರ್ಷಡ್ದ್  ವರ್ಷ  ಈ ಉತ್ಸವ ದೇಶ-ವಿದೇಶದ  ಭಕ್ತೆರೆನ  ಗಮನ ಒಯ್ತೊಂದಿತ್ತುದ್ ಪಂಚಮ ವರ್ಷದ ದಸರಾ ಉತ್ಸವನ್  ನನಲಾತ್  ವೈಭವಡ್ , ವ್ಯವಸ್ಥಿತವಾದ್  ಆಚರಣೆ ಮಲ್ಪರೆಗ್ ನಿರ್ಧಾರ ಮಲ್ದುಂಡ್ ಪಂಡೆರು.

ಈ ವರ್ಷದ ದಸರಾ ಉತ್ಸವಡ್  ನಿತ್ಯ ಚಂಡಿಕಾಯಾಗ, ನಿತ್ಯ ಸಾಮೂಹಿಕ ಕುಂಕುಮಾರ್ಚನೆ, ಕಲ್ಪೋಕ್ತ ಪೂಜೆ, ಮಹಾಪೂಜೆ ಸೇರಿನಂಚ ಬೇತೆ ಬೇತೆ ಧಾರ್ಮಿಕ ಕಾರ್ಯಕ್ರಮೊಲು ನಡಪರೆಗುಂಡ್.. ನೆತ್ತ ಒಟ್ಟುಗ್ ವೈಭವೋಪೇತ ಸಾಂಸ್ಕೃತಿಕ ಕಾರ್ಯಕ್ರಮೊಲಕ, ವಿಶಿಷ್ಟ ವಸ್ತುಪ್ರದರ್ಶನ, ವಿದ್ಯುದ್ದೀಪಾಲಂಕಾರ, ನಿತ್ಯ ಅನ್ನಸಂತರ್ಪಣೆ ಬೊಕ್ಕ ಬಯ್ಯದ  ಉಪಹಾರದ ವ್ಯವಸ್ಥೆ ಇಪ್ಪುಂಡ್.

ವಿಶೇಷವಾದ್  ರಂಗೋಲಿ ಸ್ಪರ್ಧೆ, ಜೋಕ್ಲೆಗಾದ್  ಶ್ರೀ ಶಾರದಾ ಮಾತೆನ ಛದ್ಮವೇಷ ಸ್ಪರ್ಧೆ, ಚಿತ್ರಕಲಾ ಸ್ಪರ್ಧೆ, ಹುಲಿಕುಣಿತ ಸ್ಪರ್ಧೆ, ಕುಣಿತ ಭಜನೆ ಬೊಕ್ಕ ಸಾಮೂಹಿಕ ದಾಂಡಿಯಾ ಸೇರಿನಂಚ ಬೇತೆ ಬೇತೆ ಸಾಂಸ್ಕೃತಿಕ ಬೊಕ್ಕ ಮನರಂಜನಾ ಕಾರ್ಯಕ್ರಮಲೆನ್  ಆಯೋಜನೆ ಮಲ್ದುಂಡ್..

ಶ್ರೀ ಮಹಾಲಕ್ಷ್ಮೀ ಅಮ್ಮನವರ ಸಾನಿಧ್ಯಡ್  ಶ್ರೀ ಶಾರದಾ ಮಾತೆಯ ಸಹಿತ ನವದುರ್ಗೆಯೆರೆನ ಆರಾಧನೆ ಬಾರೀ ಭಕ್ತಿಪೂರ್ವಕವಾದ್ ನಡಪರೆಗುಂಡ್.. ದಸರಾ ಉತ್ಸವದ ಮಾತಾ ಧಾರ್ಮಿಕ, ಸಾಂಸ್ಕೃತಿಕ ಬೊಕ್ಕ ಸಾಮಾಜಿಕ ಕಾರ್ಯಕ್ರಮೊಲು  ಯಶಸ್ವಿಯಾದ್  ನಡಪರೆಗ್ ಭಗವದ್ಭಕ್ತೆರು, ದಾನಿಲು ಬೊಕ್ಕ ಸರ್ವೆರೆನ ಸಂಪೂರ್ಣ ಸಹಕಾರ ಅಗತ್ಯವಾದಿತ್ತುದ್ , ಮಾತೆರ್ಲ ಸಹಕಾರ ಮಲ್ಪುಲೆಕ್ಕ ನಾಡೋಜ ಡಾ. ಜಿ. ಶಂಕರ್ ವಿನಂತಿ ಮಲ್ತೆರು.

ಉದ್ಯಮಿ ಆನಂದ್ ಸಿ. ಕುಂದರ್ ಪಾತೆರ್ದ್ ಬೆಲೆ ಏರಿಕೆಡಾದ್ ಕಾರ್ಯಕ್ರಮದ ಖರ್ಚು-ವೆಚ್ಚೊಲು ಹೆಚ್ಚಾಪಿನ  ಸಾಧ್ಯತೆ ಇಪ್ಪುನೆಡ್ದಾವರ ಈ ಬಗ್ಗೆ ಸೂಕ್ತ ಗಮನಕೊರ್ದು ಕಾರ್ಯಕ್ರಮಲೆನ್ ಯೋಜನಾಬದ್ಧವಾದ್ ಸಂಯೋಜನೆ ಮಲ್ಪೊಡಾಪುಂಡ್.. ಈ ವರ್ಷದ ದಸರಾ ಉತ್ಸವಗುಲಾ  ತನ್ನ  ಸಂಪೂರ್ಣ ಸಹಕಾರ ಕೊರ್ಪ ಪಂಡುದು ಆರು ಭರವಸೆ ಕೊರಿಯೆರು.

ದ.ಕ. ಮೊಗವೀರ ಮಹಾಜನ ಸಂಘ (ರಿ.), ಉಚ್ಚಿಲದ ಅಧ್ಯಕ್ಷೆರಾಯಿನ ಜಯ ಸಿ. ಕೋಟ್ಯಾನ್ ಪಾತೆರ್ದ್  ಪಂಚಮ ವರ್ಷದ ಉಡುಪಿ–ಉಚ್ಚಿಲ ದಸರಾನ್ ಬಾರೀ ವಿಜೃಂಭಣೆಡ್ ಆಚರಣೆ ಮಲ್ಪರೆಗ್ ಸರ್ವ ಭಕ್ತೆರು ಸಹಕಾರ ಕೊರೊಡು ಪಂಡುದು ಮನವಿ ಮಲ್ತೆರು.

ದಸರಾ ಸಮಿತಿ ಅಧ್ಯಕ್ಷೆರಾಯಿನ  ವಿನಯ್ ಕರ್ಕೇರ ಪ್ರಾಸ್ತಾವಿಕವಾದ್  ಪಾತೆರಿಯೆರು. ದಸರಾ ಸಮಿತಿದ ಪ್ರಧಾನ ಕಾರ್ಯದರ್ಶಿ ಸತೀಶ್ ಕುಂದರ್, ಮಲ್ಪೆ ಕಾರ್ಯಕ್ರಮನ್ ನಿರೂಪಣೆ ಮಲ್ತುದ್ ಸೊಲ್ಮೆ ಸಂದಾಯ್ತ ಮಲ್ತೆರು.ಚಂದ್ರಶೇಖರ್ ಎರ್ಮಾಳ್ ಪ್ರಾರ್ಥನೆ ಮಲ್ತೆರ್.

ಈ ಪೊರ್ತುಡ್ ಉಡುಪಿ ವಿಧಾನಸಭಾ ಕ್ಷೇತ್ರದ ಶಾಸಕೆರಾಯಿನ ಶ್ರೀ ಯಶ್ ಪಾಲ್ ಎ. ಸುವರ್ಣ, ಮತ್ಸ್ಯೋದ್ಯಮಿ ಮೋಹನ್ ಬೆಂಗ್ರೆ ,ಶರಣ್ ಕುಮಾರ್ ಮಟ್ಟು , ಕ್ಷೇತ್ರದ ಪ್ರಧಾನ ಅರ್ಚಕೆರಾಯಿನ ಶ್ರೀ ರಾಘವೇಂದ್ರ ಉಪಾಧ್ಯಯ, ಕ್ಷೇತ್ರಾಡಳಿತ ಸಮಿತಿದ ಅಧ್ಯಕ್ಷೆರಾಯಿನ
ಗಿರಿಧರ್ ಸುವರ್ಣ ಮೂಳೂರು,ಉದ್ಯಮಿ
ಹರಿಯಪ್ಪ ಆರ್ ಕೋಟ್ಯಾನ್ ,ಯುವರಾಜ್ ಸಾಲಿಯಾನ್ ಮಸ್ಕತ್ ,ಸತೀಶ್ ಅಮೀನ್ ಬಾರ್ಕೂರ್ ಉದಯ್ ಕುಮಾರ್ ಹಟ್ಟಿಯಂಗಡಿ ,ರತ್ನಾಕರ್ ಸಾಲ್ಯಾನ್ ಮಲ್ಪೆ ,ಮಲ್ಪೆ. ಪರ್ಸಿನ್ ಮಿನುಗಾರ ಸಂಘದ ಅಧ್ಯಕ್ಷೆರಾಯಿನ ನಾಗರಾಜ್ ಸುವರ್ಣ ಮಲ್ಪೆ ,ಶ್ರೀಪತಿ ಭಟ್ ಉಚ್ಚಿಲ ,ಮಹಿಳಾ ಅಧ್ಯಕ್ಷೆ ಕವಿತಾ ಕಾಂಚನ್ ,ಸುಗುಣ ಕರ್ಕೇರ ,ಸುಧೀರ್ ಉಳ್ಳಾಲ
ಮನೋಜ್ ಕಾಂಚನ್ ಎರ್ಮಾಳ್ ,ಮನೋಜ್ ಉಳ್ಳಾಲ
ರಾಜೇಶ್ ಪುತ್ರನ್ ಉಳ್ಳಾಲ , ಮೊಗವೀರ ಯುವ ಸಂಘಟನೆದ ಜಿಲ್ಲಾಧ್ಯಕ್ಷೆರಾಯಿನ ರವೀಶ್ ಎಸ್.ಕೊರವಡಿ,
ಗೌತಮ್ ಕೋಡಿಕಲ್ ,ಗುಂಡು ಬಿ. ಅಮೀನ್ ಕಿದಿಯೂರ್
ವಾಸುದೇವ ಸಾಲ್ಯಾನ್ ಕಟಪಾಡಿ ,ಸುಧಾಕರ್ ಕುಂದರ್ ಮಲ್ಪೆ ,ದಿನೇಶ್  ಎರ್ಮಾಳ್ ,
ಚೇತನ್ ಬೆಂಗ್ರೆ ,ಶಿವರಾಮ್ ಕೋಟ
ಕಿರಣ್ ಕುಮಾರ್ ಪಿತ್ರೋಡಿ ಉಪಸ್ಥಿತರಿತ್ತೆರು.