ಎಸಿ ಕಾರ್ಯನಿರ್ವಹಣೆ ಮಾಯಿತಿ

ಏಸಿ ಸ್ಪೋಟ ಆಪುಂಡ್  ಪನ್ಪಿನ ತಪ್ಪು ಕಲ್ಪನೆ: ಕೃಷ್ಣರಾಜ ತಂತ್ರಿ
ಏಸಿ ಕಾರ್ಯನಿರ್ವಹಣೆ ಬಗ್ಗೆ ಮಾಹಿತಿ, ಪ್ರಾತ್ಯಕ್ಷಿಕೆ ಕಾರ್ಯಕ್ರಮ

ಉಡುಪಿ, ಎ.29: ಏರ್ ಕಂಡಿಷನರ್ ಸ್ಪೋಟ ಆಪುಂಡ್ ಪನ್ಪಿನ ತಪ್ಪು ಕಲ್ಪನೆ. ಅಯಿಟುಪ್ಪುನ  ಗ್ಯಾಸ್‌ಗ್ ಒವ್ವೇ ರೀತಿಡುಲಾ ತೂ ಪತ್ತುಜಿ ಪಂಡುದು ಮೋಲ್ಟೋಕೇರ್ ಪ್ರಾಪರ್ಟಿ ಸರ್ವೀಸ್‌  ನಿರ್ದೇಶಕ ಕೃಷ್ಣರಾಜ ತಂತ್ರಿ ಪಂಡೆರು.

ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ವತಿಡ್ದ್ ಬ್ರಹ್ಮಗಿರಿತ್ತ  ಉಡುಪಿ ಪತ್ರಿಕಾ ಭವನಡ್ ಬುಧವಾರ ಆಯೋಜನೆ ಮಲ್ದಿನ ಏರ್ ಕಂಡೀಷನರ್ ಕಾರ್ಯನಿರ್ವಹಣೆ: ಮಾಹಿತಿ, ಪ್ರಾತ್ಯಕ್ಷಿಕೆ ಕಾರ್ಯಕ್ರಮಡ್ ಆರು ಪಾತೆರಿಯೆರು.

ಏಸಿ  ಕೋಣೆಡುಪ್ಪುನ ಗಾಳಿನ್ ಶುದ್ಧ ಮಲ್ತುದ್ ತಂಪು ಮಲ್ಪುಂಡ್..  ಪಿದಾಯಿದ ಗಾಳಿನ್ ಉಲಾಯಿ ದೆತೊನುಜಿ.. ಏಸಿದ ಇಂಡೋರ್ ಬೊಕ್ಕ ಔಟ್ಡೋರ್ ಯುನಿಟ್‌ ಲೆಗ್ 10 ಅಡಿ ಅಂತರ ಅಗತ್ಯ ಇಪ್ಪೊಡ್. ಇಜ್ಜಿಡ ಅವ್ವ್ ಹೆಚ್ಚ ಕೂಲ್ ಆಪುಜಿ ಪಂಡೆರು.

ಇನಿ ವಾತಾವರಣಡ್ ಉಷ್ಣಾಂಶದ ತೀವ್ರ ಏರಿಕೆ ಹಿನ್ನೆಲೆಡ್ ಇಲ್ಲ್, ಕಚೇರಿ ಬೊಕ್ಕ ವಾಣಿಜ್ಯ ಸಂಸ್ಥೆಲೆಡ್ ಏರ್ ಕಂಡೀಷನರ್ ಅಳವಡಿಕೆ, ಬಳಕೆ ಹೆಚ್ಚಾವೊಂದುಂಡ್.. ಏಸಿ ಆರೋಗ್ಯ  ಎಡ್ಡೆ ಇತ್ತುಂಡ  ಅವ್ವ್ ನಮ್ಮ ಆರೋಗ್ಯಗುಲಾ ಪೂರಕವಾದುಪ್ಪುಂಡ್.. ಏರ್ ಕಂಡೀಷನರ್ ವ್ಯವಸ್ಥೆದ ಸಮರ್ಪಕ ಬಳಕೆ, ಸೂಕ್ತ ನಿರ್ವಹಣೆ ಮಲ್ತುಜಿಡ ವಿದ್ಯುತ್ ವೆಚ್ಚ ಹೆಚ್ಚಳದ ಒಟ್ಟುಗ್ ಏಸಿ ಕಾರ್ಯಕ್ಷಮತೆ ಕಮ್ಮಿ ಆದ್, ಅಮಸರದ ದುರಸ್ತಿ ವೆಚ್ಚೊಲು ಹೆಚ್ಚಾಪುಂಡ್ ಪಂಡೆರು.

ಏರ್ ಕಂಡೀಷನರ್‌  24ಡ್ದ್.  26 ಡಿಗ್ರಿ ಸೆಲ್ಸಿಯಸ್‌ ಡ್ ಕಾರ್ಯ ನಿರ್ವಹಿಸಾಂಡ ವಿದ್ಯುತ್ ಬಳಕೆ ನಿಯಂತ್ರಣ ಸಾಧ್ಯ ಆಪುಂಡ್. ಬೊಕ್ಕ ಅನಗತ್ಯ ಒತ್ತಡ ತಪ್ಪಾವೊಲಿ.. ಕರಾವಳಿಡ್ ಏರ್ ಕಂಡೀಷನರ್‌  ಕೇವಲ 10 ವರ್ಷ ಬಾಳಿಕೆ ಬರ್ಪುಂಡ್. ಮರಿಯಾಲಡ್ ಏರ್ ಕಂಡೀಷನರ್ (26ಡ್ದ್ 28 ಡಿಗ್ರಿ ಸೆಲ್ಸಿಯಸ್) ಬಳಸೊಲಿ. ಏರ್ ಕಂಡೀಷನರ್ ಇಂಡೋರ್‌ ದಾತೇ ಔಟ್ಡೋರ್‌ಗುಲಾ ಗಮನ ಅಗತ್ಯ  ಪಂಡುದು ಆರು ತೆರಿಪಾಯೆರು.

ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷ ಸುಬ್ರಹ್ಮಣ್ಯ ಭಟ್ ಅಧ್ಯಕ್ಷತೆಡಿತ್ತೆರು. ಪ್ರಧಾನ ಕಾರ್ಯದರ್ಶಿ ನಝೀರ್ ಪೊಲ್ಯ ಉಪಸ್ಥಿತರಿತ್ತೆರು. ಮೋಲ್ಟೋಕೇರ್ ಸಂಸ್ಥೆದ ಪ್ರಶಾಂತ್, ಗಣೇಶ್, ಶರತ್ ಪ್ರಾತ್ಯಕ್ಷಿಕೆ ಕೊರಿಯೆರು. ಶಮಿತಾ ಸಹಕಾರ ಮಲ್ತೆರು. ರಾಜ್ಯ ಸಮಿತಿ ಸದಸ್ಯ ಆಸ್ಟ್ರೋ ಮೋಹನ್ ಕಾರ್ಯಕ್ರಮ ನಿರೂಪಣೆ ಮಲ್ತುದ್ ಸೊಲ್ಮೆ ಸಂದಾಯ್ತ ಮಲ್ತೆರ್.


ಕರಾವಳಿಗ್ ಕೂಲರ್‌ ಡ್ದ್ ಏಸಿ ಸೂಕ್ತ

ಸಮುದ್ರಡಾದ್ ಕರಾವಳಿ ಪ್ರದೇಶದ ವಾತಾವರಣಡ್ ತೇವಾಂಶ (ಹ್ಯುಮಿಡಿಟಿ) ಹೆಚ್ಚು ಇಪ್ಪುಂಡ್.. ಅಂಚಾದ್ ಮುಲ್ಪದ ವಾತಾವರಣಗ್ ಏರ್ ಕೂಲರ್‌ ಡ್ದ್ ಏರ್ ಕಂಡೀಷನರ್ ಅತೀ ಸೂಕ್ತವಾದುಂಡ್ ಪಂಡುದು ಕೃಷ್ಣರಾಜ ತಂತ್ರಿ ತೆರಿಪಾದೆರ್.

ವಾತಾವರಣಡ್ ಸಾಮಾನ್ಯವಾದ್ ಶೇ.40-60ದಾತ್ ತೇವಾಂಶ ಇಪ್ಪೊಡ್. ಶೇ.60ಡ್ದ್  ಜಾಸ್ತಿ ಇತ್ತುಂಡ ಜೀವಡ್ ಹೆಚ್ಚ  ಬೆಗರು ಬರ್ಪುಂಡ್.. ಶೇ.40ಡ್ದ್  ಕಡಿಮೆ ಇತ್ತುಂಡ ಜೀವ ನುಂಗುದ್ ಪೋಪುಂಡ್.. ಕರಾವಳಿಡ್ ತೇವಾಂಶ ಜಾಸ್ತಿ ಇಪ್ಪುನೆಡ್ದಾವರ ಬೆಗರು ಜಾಸ್ತಿ ಆಪುಂಡ್.ಏರ್ ಕಂಡೀಷನರ್ ಕೋಣೆಡ್ ತೇವಾಂಶೊನ್ ಪಿದಾಯಿ ಪಾಡ್ದ್ ಉಲಾಯಿಡ್ ತಂಪುದ ವಾತಾವರಣ ಸೃಷ್ಟಿ ಮಾಲ್ಪುಂಡ್.. ಕೂಲರ್  ಪಿದಾಯಿಡ್ ಗಾಳಿಡುಪ್ಪುನ ತೇವಾಂಶನ್ ಉಲಾಯಿ  ಕನಪುಂಡ್.ಅಂಚಾದ್ ತೇವಾಂಶ ಜಾಸ್ತಿ ಇಪ್ಪುನ ಕರಾವಳಿಗ್ ಏರ್ ಕಂಡೀಷನರ್ ಹೆಚ್ಚ ಸೂಕ್ತ  ಪಂಡೆರು.