ಎಮ್ ಜಿ.ಎಮ್.ಪ್ರಾಂಶುಪಲೆರೆನ ಬೀಳ್ಕೊಡುಗೆ.

ಗುರುಶಿಷ್ಯ ಸಂಬಂಧ ಕೃಷ್ಣಾರ್ಜುನಲೆಕ್ಕ ಉಪ್ಪಡ್: ಡಾ.ಶ್ರೀಧರ ಪೈ

ಎಂಜಿಎಂ ಪ್ರಾಂಶುಪಾಲೆರೆನ ಬೀಳ್ಕೊಡುಗೆ ಸಮಾರಂಭಡ್ ವಿದ್ಯಾರ್ಥಿಲೆಗ್ ಕೆಬಿಪಾತೆರ

ಉಡುಪಿ ಎ.29: ಗುರು ಶಿಷ್ಯ ಸಂಬಂಧ ಕೃಷ್ಣಾರ್ಜುನಲೆಕ್ಕ ಇಪ್ಪೊಡ್ . ಕೃಷ್ಣ  ಬೊಕ್ಕ ಅರ್ಜುನೆರು ಸಮಯದ ಅಗತ್ಯಗಾ ತಕ್ಕ ಸ್ನೇಹಿತ, ಸಹೋದರ ಅಂಚೆನೇ ಗುರುಆವೊಂದಿತ್ತೆರು. ಗುರು ತ್ರಿಮೂರ್ತಿಲಾಯಿನ  ಬ್ರಹ್ಮ ವಿಷ್ಣು ಮಹೇಶ್ವರ ಸಮಾನೆರು. ವಿದ್ಯಾರ್ಥಿಲು  ವರ್ಷಗೊರಾಂಡಲಾ ತಮ್ಮ ಗುರುಕುಲೆನ್ ನೆನೆತುದು ಪಾತೆರೊಡ್ ಪಂಡುದು ಅಕಾಡೆಮಿ ಆಫ್ ಜನರಲ್ ಎಜ್ಯುಕೇಷನ್‌ ದ ಆಡಳಿತಾಧಿಕಾರಿ ಡಾ.ಕೆ.ಶ್ರೀಧರ ಆರ್. ಪೈ ತೆರಿಪಾಯೆರು. ಎಂಜಿಎಂ ಕಾಲೇಜಿಧ ಪ್ರಾಂಶುಪಾಲೆ ಪ್ರೊ. ವನಿತಾ ಮಯ್ಯ ಅರೆನ ಬೀಳ್ಕೊಡುಗೆ ಸಮಾರಂಭದ ಮುಖ್ಯ ಅತಿಥಿಯಾದ್ ಬತ್ತುದ್ ಆರು ಪಾತೆರಿಯೆರು.

ಕಾಲೇಜಿದ 21 ನೇ ಪ್ರಾಂಶುಪಾಲೆಯಾದ್ ಸೇವೆ ಮಲ್ತುದ್ ನಿವೃತ್ತಿ ಆಯಿನ  ಪ್ರೊ.ವನಿತ ಮಯ್ಯರೆಗ್  ಸನ್ಮಾನ ಬೊಕ್ಕ ಗೌರವಾರ್ಪಣೆ ಮಲ್ತೆರ್..ಈ ಸಂದರ್ಭಡ್ ಸಹೋದ್ಯೋಗಿ ಪ್ರಾಧ್ಯಾಪಕೆರು ಬೊಕ್ಕ ವಿದ್ಯಾರ್ಥಿಲು  ಪ್ರೊ.ವನಿತ ಮಯ್ಯರೆನ ಕಾಳಜಿ, ವಿದ್ಯಾರ್ಥಿಲೆನ್  ತೂಪಿನ ರೀತಿ ಬೊಕ್ಕ ಸಮಯಪಾಲನೆಗ್ ಕೊರ್ಪಿನ ಮಹತ್ವ, ಸಹಾಯ, ಸಹಾನುಭೂತಿದ ಬಗ್ಗೆ ನೆನೆತುದು ಪಾತೆರಿಯೆರು.

ಎಂಜಿಎಂ ಕಾಲೇಜು ಟ್ರಸ್ಟ್ ಅಧ್ಯಕ್ಷ ಡಾ.ಟಿ.ಸತೀಶ್ ಯು.ಪೈ ಸಮಾರಂಭದ ಅಧ್ಯಕ್ಷತೆಡಿತ್ತೆರು. ಪ್ರೊ.ವನಿತ ಮಯ್ಯರೆನ ಪತಿ ಗಣೇಶ್ ಮಯ್ಯ, ನಿಯೋಜಿತ ಪ್ರಾಂಶುಪಾಲೆ ಡಾ.ಗಾಯತ್ರಿ ಪೈ, ಎಂಜಿಎಂ ಪ.ಪೂ. ಕಾಲೇಜಿನ ಪ್ರಾಂಶುಪಾಲೆ ಪ್ರೊ.ಮಾಲತಿದೇವಿ, ಎಂಜಿಎಂ ಸಂಧ್ಯಾ ಕಾಲೇಜಿದ ಪ್ರಾಂಶುಪಾಲ ಡಾ. ದೇವಿದಾಸ ಎಸ್. ನಾಯ್ಕ, ಐಕ್ಯೂಎಸಿ ಸಂಯೋಜಕಿ ಪ್ರೊ.ಶೈಲಜಾ ಹೆಚ್., ವಿದ್ಯಾರ್ಥಿ ಕ್ಷೇಮ ಪಾಲನಾಧಿಕಾರಿ ಪ್ರೊ.ವೀರಾ ಐಡಾ ಪಿಂಟೋ, ಹಳೆವಿದ್ಯಾರ್ಥಿ ಸಂಘದ ಅಧ್ಯಕ್ಷ ಪ್ರೊ.ಕೊಕ್ಕರ್ಣೆ ಸುರೇಂದ್ರನಾಥ ಶೆಟ್ಟಿ, ರಕ್ಷಕ-ಶಿಕ್ಷಕ ಸಂಘದ ಉಪಾಧ್ಯಕ್ಷ ಬಾಲಕೃಷ್ಣ ಶೆಟ್ಟಿ, ಪ.ಪೂ. ರಕ್ಷಕ ಶಿಕ್ಷಕ ಸಂಘದ ಕಾರ್ಯದರ್ಶಿ ಅಶ್ವಿನಿ ಶೆಟ್ಟಿ ಸೇರಿನಂಚ ಕಾಲೇಜಿದ ಪ್ರಾಧ್ಯಾಪಕೆರು, ಶಿಕ್ಷಕೇತರ ಸಿಬ್ಬಂದಿಲು ಬೊಕ್ಕ ವಿದ್ಯಾರ್ಥಿಲು ಉಪಸ್ಥಿತರಿತ್ತೆರು.

ಕಾಲೇಜಿದ ಉಪಪ್ರಾಂಶುಪಾಲ ಡಾ.ಎಂ ವಿಶ್ವನಾಥ ಪೈ ಸ್ವಾಗತಿಸಿ, ಅರ್ಥಶಾಸ್ತ್ರ ವಿಭಾಗ ಮುಖ್ಯಸ್ಥ ಪ್ರೊ.ಎಂ.ಚೆನ್ನ ಪೂಜಾರಿ ವಂದಿಸಾಯೆರು. ಪತ್ರಿಕೋದ್ಯಮ ವಿಭಾಗದ ಮುಖ್ಯಸ್ಥ ಪ್ರೊ.ಸುಚಿತ್ ಕೋಟ್ಯಾನ್ ಕಾರ್ಯಕ್ರಮ ನಿರೂಪಣೆ ಮಲ್ತೆರು.