ಆನಂದ ಶರಧಿ ಡ್ ಕೃಷಿ ಮೇಳ

ಮಲ್ಪೆ ಬೀಚ್ ಡ್ ಆನಂದ ಶರಧಿಡ್ ಮೇ 15,16,17ಗ್ ಈ ಮೂಜಿ ದಿನ ನಡಪರೆಗುಪ್ಪುನ ಬೃಹತ್ ಕೃಷಿ ಮೇಳನ್ ಪೇಜಾವರ ಶ್ರೀಕುಲು,ಸೋದೆ ಶ್ರೀಕುಲು ಬೊಕ್ಕ ಅದಮಾರು ಶ್ರೀ ಕುಲು ಉದಿಪನ ಮಲ್ತುದ್ ಆಶೀರ್ವಚನ ಮಲ್ತೆರ್.

ಶ್ರೀ ಕೃಷ್ಣ ಡಾದ್ ಉಡುಪಿ ಕ್ಷೇತ್ರ ಎಂಚ ಪವಿತ್ರ ಆತುಂಡಾ , ಮಧ್ವಾಚಾರ್ಯರೆರೆಗ್ ಸಿಕ್ಕಿನ ಮಲ್ಪೆ ದ ಆನಂದ ಶರಧಿಲಾ ಪವಿತ್ರ ಆವೊಡು ಪಂಡುದ್ ಪೇಜಾವರ ಮಠಾಧೀಶೆರಾಯಿನ ಶ್ರೀ ಶ್ರೀ ಶ್ರೀ ವಿಶ್ವಪ್ರಸನ್ನ ತೀರ್ಥ ಶ್ರೀಪಾದೆರ್ ಪಂಡೆರ್.

ಸೋದೆ ಮಠಾಧೀಶೆರಾಯಿನ ಶ್ರೀ ಶ್ರೀ ಶ್ರೀ ವಿಶ್ವವಲ್ಲಭ ಶ್ರೀ ಪಾದೆರ್ ತನ್ನ ಆಶೀರ್ವಚನೊಡ್ ಶ್ರೀ ಕೃಷ್ಣ ನ ಸುರುತ್ತ ಪಜ್ಜೆ ಮಲ್ಪೆ ಡ್ ದೀನೆಡ್ದಾವರ ಮಲ್ಪೆ ಬಾರೀ ಪವಿತ್ರ ಜಾಗೆ.ಮುಲ್ಪ ನಮ್ಮ ಪರಂಪರೆನ್ ಒರಿಪಾವುನ ಬೇಲೆ ಆವೊಡ್ ಪಂಡೆರ್.

ಅದಮಾರು ಮಠದ ಕಿರಿಯ ಮಠಾಧೀಶೆರಾಯಿನ ಶ್ರೀ ಶ್ರೀ ಶ್ರೀ ಈಶ ಪ್ರಿಯ ತೀರ್ಥ ಸ್ವಾಮೀಜಿ ಆಶೀರ್ವಚನ ಮಲ್ತುದ್ , ನಮ್ಮ ಸಂಸ್ಕೃತಿ,ಆಚರಣೆಲೆನ್ ತೆರಿಯೊಂದ್ ದುಂಬು ದ ಪೀಳಿಗೆಗ್ ಎಡ್ಡೆ ಗೇನೊನ್ ಕೊರ್ಪಿನ ಬೇಲೆ ಮಲ್ಪೊಡ್.ಆನಂದದ ಶರಧಿ ಡ್ ಆನಂದಮಯ ವಾತಾವರಣ ಪುಟ್ಟಾವುನ ಬೇಲೆ ಆವೊಡ್ ಪಂಡೆರ್.

ವೇದಿಕೆ ಡ್ ಮಲ್ಪೆ ಮೀನುಗಾರರ ಸಂಘದ ಅಧ್ಯಕ್ಷೆರಾಯಿನ ಕಿಶೋರ್ ಕುಮಾರ್, ಹಸಿ ಮೀನುಗಾರ ಸಂಘದ ಅಧ್ಯಕ್ಷೆರಾಯಿನ ಶ್ರೀಮತಿ ಬೇಬಿ ಸಾಲ್ಯಾನ್, ಶ್ರೀ ರತ್ನ ಕುಮಾರ್,ಹಿರಿಯ ಕೃಷಿಕೆರಾಯಿನ ಶ್ರೀ ಸತ್ಯನಾರಾಯಣ ಬೆಳೇರಿ , ಶ್ರೀ ರತ್ನಾಕರ ಇಂದ್ರಾಳಿ, ಶ್ರೀ ರಾಧಾಕೃಷ್ಣ ಮೆಂಡನ್, ಶ್ರೀ ಮಂಜು ಕೊಳ, ಶ್ರೀ ಗೋವಿಂದ ರಾಜ್,, ಶ್ರೀ ವಿಜಯ ಕೊಡವೂರು,ಶ್ರೀಮತಿ ತಾರಾ ಆಚಾರ್ಯ, ಶ್ರೀಮತಿ ಕಮಲಾವತಿ, ಶ್ರೀಮತಿ ಸುಮಿತ್ರಾ ಕೆರೆಮಠ ಮೊಕುಲು ಮಾತಾ ಉಪಸ್ಥಿತರಿತ್ತೆರು.