ಆರೋಗ್ಯ ದ ಬಗೆಟ್ ಕಾಳಜಿ

ಆರೋಗ್ಯದ ಬಗೆಟ್ ಹೆಚ್ಚಿಗೆ ಗಮನ ಕೊರೊಡು ~ ಪದ್ಮ ರಾಘವೇಂದ್ರ

ಆರೋಗ್ಯದ ಬಗೆಟ್ ಹೆಚ್ಚಿಗೆ ಗಮನ ಕೊರೊಡು. ಆಜಿ ತಿಂಗೊಲುಗೊರ ಬಿಪಿ , ಶುಗರ್ ಪರೀಕ್ಷೆ ಮಲ್ತುದ್ ನಿಯ ಮಿತ ಆಹಾರ ಸೇವೆನೆ , ವ್ಯಾಯಾಮಲೆನ್ ನಮ್ಮ ಜೀವನಡ್ ಅಳವಡಿಸಾವೊಂಡಡ ಮಾನಸಿಕ ನೆಮ್ಮದಿ, ಒತ್ತಡಲೆಡ್ದ್  ಪಿದಾಯಿಬರ್ರೆಗ್  ಸಾಧ್ಯ ಪಂಡುದು ಮಂಗಳೂರು ಮುಕ್ಕ ಶ್ರೀನಿವಾಸ ಯುನಿವರ್ಸಿಟಿ ಇನ್ಸಿಟ್ಯೂಟ್ ಆಫ್ ನರ್ಸಿಂಗ್ ಸಾಯನ್ಸ್  ವತಿಡ್ದ್  ಛಾಯಾ ಗ್ರಾಹಕರೆಗಾದ್  “ಲೆನ್ಸ್ ಹಿಂದೆ ನೋಟ” ಉಡುಪಿ ಜಗನ್ನಾಥ ಸಭಾಭವನಡ್ ಆಯೋಜನೆ ಮಲ್ದಿನ ಒಂಜಿ  ದಿನತ್ತ ಕಾರ್ಯಾಗಾರಡ್ ಉಡುಪಿ ಡಾ.ಎ.ವಿ. ಬಾಳಿಗ ಮೆಮೋರಿಯಲ್ ಹಾಸ್ಪಿಟಲ್ ನ ಸಮಾ ಲೋಚಕಿ ಪದ್ಮ ರಾಘವೇಂದ್ರ ಸಂಪನ್ಮೂಲ ವ್ಯಕ್ತಿಯಾದ್  ಪಾತೆರಿಯೆರು.

ಉಡುಪಿ ಜಿಲ್ಲಾ ಸ್ಕೌಟ್ ಆಯುಕ್ತರಾಯಿನ ಜನಾರ್ದನ್ ಕೊಡವೂರು ತುಡರ್ ಅರ್ಲಾದ್  ಉದಿಪನ ಮಲ್ತೆರು. ಸೌತ್ ಕೆನರಾ ಫೋಟೋಗ್ರಾಫರ್ಸ್ ಅಸೋಸಿಯೇಶನ್ ನಿಯೋಜಿತ ಅಧ್ಯಕ್ಷ ದಿವಾಕರ್ ಹಿರಿಯಡ್ಕ ಉಪಸ್ಥಿತರಿತ್ತೆರು.

ಈ ಸಂದರ್ಭಡ್  ಸಹಾಯಕ ಉಪನ್ಯಾಸಕಿ ಪೂರ್ಣಿಮ ಸಿ. ಮೇರು ಒತ್ತಡ ನಿರ್ಮೂಲನ ಚಟುವಟಿ ಕೆದ ಬಗ್ಗೆ ಮಾಹಿತಿ ಕೊರ್ದು, ಛಾಯಾಗ್ರಾಹಕರೆಗ್  ಸ್ಪರ್ಧೆಲೆನ್ ಮಲ್ತೆರು.

ಸಹಾಯಕ ಉಪನ್ಯಾಸಕಿ ಜೀವಿತಾ ವಾಮನ್ ಹಾಸ್ಯ ವ್ಯಾಯಾಮ ಬೊಕ್ಕ ಧ್ಯಾನದ ಬಗ್ಗೆ ಪ್ರಾತ್ಯಕ್ಷಕೆದ ಮೂಲಕ ಮಾಹಿತಿ ಕೊರಿಯೆರು.

ನರ್ಸಿಂಗ್ ಸೈನ್ಸ್ ಇನ್ಸ್ಟಿಟ್ಯೂಟ್ ವಿದ್ಯಾರ್ಥಿಲು ಮದ್ಯಪಾನ, ಆತ್ಮಹತ್ಯೆ ತಡೆ, ಮೊಬೈಲ್ ವ್ಯಸನ ತಡೆ ಬೊಕ್ಕ ಒತ್ತಡ ನಿರ್ವಹಣೆ ಬಗೆಟ್ ಜಾಗೃತಿ ಪುಟ್ಟಾವುನ ಮೈಮ್ ಶೋ ಕಾರ್ಯಕ್ರಮ ಅಭಿನಯನದ ಮೂಲಕ ಅದ್ಭುತವಾದ್ ಮೂಡ್ದ್  ಬತ್ತುಂಡ್..

ಸಂತೋಷ್ ಕೊರಂಗ್ರಪಾಡಿ ಸ್ವಾಗತ ಮಲ್ತುದ್, ಸುಕೇಶ್ ಅಮೀನ್ ವಂದಿಸಾಯೆರು. ರಾಘವೇಂದ್ರ ಶೇರಿಗಾರ್ ನಿರೂಪಣೆ ಮಲ್ತೆರು. ವಾಮನ್ ಪಡುಕೆರೆ ಪ್ರಸ್ತಾವನೆ ಮಲ್ತೆರು. ಪಾಡಿಗಾರು ಲಕ್ಷ್ಮೀನಾರಾಯಣ ಉಪಾಧ್ಯ ಸುಗಿತೆರು.