ಮುಖ್ಯಮಂತ್ರಿಲೆನ ಜನಪರ ಬಜೆಟ್

*ಮುಖ್ಯಮಂತ್ರಿ ಸಿದ್ಧರಾಮಯ್ಯರೆನ ಜನಪರ ಬಜೆಟ್ – ಉದಯ್ ಶೆಟ್ಟಿ ಮುನಿಯಾಲು*

ಬಹು ನಿರೀಕ್ಷಿತ ರಾಜ್ಯ ಬಜೆಟ್ ನ್  ಮುಖ್ಯಮಂತ್ರಿ ಸಿದ್ಧರಾಮಯ್ಯ ಮೇರು ಮಂಡನೆ ಮಲ್ದಿತ್ತುದ್, ರಾಜ್ಯದ ಸರ್ವಾಂಗೀಣ ಅಭಿವೃದ್ಧಿಗ್ ಆದ್ಯತೆ ಕೊರ್ತೆರ್.. ಜನಕ್ಲೆನ ಅನುಕೂಲತೆಗ್  ಸೂಕ್ಷ್ಮವಾದ್  ಪರಿಗಣಿಸಾದ್  ಬಜೆಟ್ ಮಂಡನೆ ಮಲ್ದೆರ್  ಪಂಡುದು ಕಾರ್ಕಳ ಕಾಂಗ್ರೆಸ್ ನಾಯಕ ಉದಯ್ ಶೆಟ್ಟಿ ಮುನಿಯಾಲು ಪಂತೆರ್.

ವಿಶೇಷವಾದ್  ಮೀನುಗಾರೆರೆಗ್ ಉಚಿತವಾದ್  ಕೊರ್ಪಿನ ಮೀನುಗಾರಿಕೆ ಸಲಕರಣೆ ಕಿಟ್‌ ದರ ₹10,000ಡ್ದ್  ₹20,000ಕ್ಕೆ ಹೆಚ್ಚಳ, ಜೈವಿಕ ತಂತ್ರಜ್ಞಾನದ ಉದ್ಯಮಲು, ನವೀನ ತಂತ್ರಜ್ಞಾನದ ಅಭಿವೃದ್ಧಿ ಬೊಕ್ಕ ಸಮುದ್ರ ಕೃಷಿನ್ ಪ್ರೋತ್ಸಾಹ ಮಲ್ಪರೆಗ್ ಮಂಗಳೂರು ಮೀನುಗಾರಿಕಾ ಮಹಾವಿದ್ಯಾಲಯಡ್  ಸೆಂಟರ್‌ ಆಫ್‌ ಎಕ್ಸಲೆನ್ಸ್ ಸ್ಥಾಪನೆ
ಬೆಳಗಾವಿ, ದಾವಣಗೆರೆ, ಹುಬ್ಬಳ್ಳಿ  ಬೊಕ್ಕ ಚಿಕ್ಕಮಗಳೂರುಡ್ ಮತ್ಸ್ಯದರ್ಶಿನಿಲೆಧ  ಸ್ಥಾಪನೆ, ಉತ್ತರ ಕನ್ನಡ, ದಕ್ಷಿಣ ಕನ್ನಡ, ಉಡುಪಿ  ಬಾಗಲಕೋಟೆ ಜಿಲ್ಲೆಲೆಡ್ ಮೀನು ಮಾರುಕಟ್ಟೆನ್  ನಿರ್ಮಿಸಾವುನ ಯೋಜನೆ ಉಂಡು ಪಂಡುದು ಪಂತೆರ್..


ಶಿಕ್ಷಣಗ್  ವಿಶೇಷವಾದ್ ಯೋಜನೆ ರೂಪಿಸಾದ್  3,900 ಕೋಟಿ ಅನುದಾನದಡಿ ʼಉತ್ತಮ ಕಲಿಕೆ ಉಜ್ವಲ ಭವಿಷ್ಯʼ ಪನ್ಪಿನ ಘೋಷವಾಕ್ಯದೊಟ್ಟುಗ್ ಒಂಜೇ  ಸೂರುದಡಿಟ್ ಗುಣಮಟ್ಟದ ಶಿಕ್ಷಣ ಕೊರಿಯರೆಗ್ ಒಟ್ಟಾರೆ 800 ಶಾಲೆಲೆನ್ ಕರ್ನಾಟಕ ಪಬ್ಲಿಕ್‌ ಶಾಲೆಗಳಾಗಿ ಉನ್ನತೀಕರಿಸಾವುನ ಯೋಜನೆ ಕೊರ್ದಿತ್ತುದ್ ಆ ಮೂಲಕ ಶಿಕ್ಷಣ ವ್ಯವಸ್ಥೆಡ್ ಪೊಸ ಮೈಲಿಗಲ್ಲುನ್  ಸ್ಥಾಪನೆ ಮಲ್ಪರೆಗ್  ಸರಕಾರ ಬದ್ಧವಾದುಂಡ್.. ರಾಜ್ಯದ ಕಟ್ಟ ಕಡೆತ್ತ ವ್ಯಕ್ತಿನ  ಬಗೆಟ್ ಕಾಳಜಿ ಇತ್ತಿನ  ರಾಜ್ಯ ಸರಕಾರ ಜನಪರ ಬಜೆಟ್ ಮಂಡಿಸಾದುಂಡ್  ಪಂಡುದು ಉದಯ್ ಶೆಟ್ಟಿ ಮೇರು ಪಂಡೆರು.