ಯಕ್ಷಗಾನ ಅಭಿಮಾನಿಲೆಡ ಸಂಕಷ್ಟೊಡುಪ್ಪುನ ಕಲಾವಿದೆ ಜಯಾನಂದ ಸಂಪಾಜೆ ಬಿನ್ನಾಪು..

ಮಂಗಳೂರು :
ದಿಗಿಣ ದೆಪ್ಪನಗ ರಂಗಸ್ಥಳೊಡೇ ಬೂರಿನ ಖ್ಯಾತ ಯಕ್ಷಗಾನ ಕಲಾವಿದೆರಾಯಿನ ಜಯಾನಂದ ಸಂಪಾಜೆರೆಗ್
ಇತ್ತೆ ಶಸ್ತ್ರ ಚಿಕಿತ್ಸೆಗ್ ಆರ್ಥಿಕ ನೆರವು ಬೋಡಾತುಂಡ್. ಈ ನಿಟ್ಟುಡ್ ಆರು ಯಕ್ಷಗಾನ ಅಭಿಮಾನಿಲೆಡ ಮನವಿ ಮಲ್ತುದೆರ್.

ಅರೆನ ಪಾತೆರೊಡೇ ಕೇನ್ಲೆ :
ಜಯಾನಂದ ಸಂಪಾಜೆಯಾಯಿನ ಯಾನು ಈ ವರ್ಷದ ತಿರುಗಾಟದ ಬಪ್ಪನಾಡು ಮೇಳೊಡ್ ಕಲಾವಿದೆಯಾದುಲ್ಲೆ . 17.02.2022 ದಾನಿ ನಾರಾವಿಡ್ ಬಪ್ಪನಾಡು ಮೇಳದಕ್ಲೆನ ” ನಾಗತಂಬಿಲ ” ತುಳು ಯಕ್ಷಗಾನ ಪ್ರದರ್ಶನಡ್ ಎನ್ನ ಕಥಾನಕದ ಧನರಾಜ ಪನ್ಪಿನ ನಾಯಕನ ಪಾತ್ರ . ಈ ಸಂದರ್ಭಡ್ ಧಿಗಿಣ ದೆಪ್ಪನಗ ಯಾನು ರಂಗಸ್ಥಳೊಡೇ ಕುಸಿದು ಬೂರಿಯೆ.ಕಾರುಡು ತೀವ್ರವಾಯಿನ ಬೇನೆ ಇತ್ತುಂಡಲಾ ಪ್ರಸಂಗದ ಪ್ರಧಾನ ಪಾತ್ರವಾಯಿನ ಕಾರಣ , ಅವ್ವೇ ಸ್ಥಿತಿಟ್ ದುಂಬುದ 15 ನಿಮಿಷ ಕಾಲ ರಂಗಸ್ಥಳೊಡೇ ಇತ್ತುದ್ ಪಾತ್ರ ಮಲ್ತೆ. ಬೊಕ್ಕ ರಂಗಸ್ಥಳಡ್ದ್ ದುಂಬುದ ಸನ್ನಿವೇಶಕ್ಕಾದ್ ಪೋಯೆಡಲಾ , ಬೊಕ್ಕದ ಸನ್ನಿವೇಶಡ್ , ಎನಡಾದ್ ಪ್ರಸಂಗ ಉಂತರೆಗ್ ಬಲ್ಲಿ ಪಂಡುದ್ , ಮುಕ್ಕಾಲು ಘಂಟೆ ಪೊರ್ತು ಎನ್ನ ಪಾತ್ರೊನ್ ಮಲ್ತೆ. . ಬೊಕ್ಕ ಎನನ್ ರಂಗಸ್ಥಳಡ್ದ್ ದೆರ್ತೊಂದ್ ಚೌಕಿಗ್ ಕನವೊಡಾಂಡ್ .ಭಯಂಕರ ಕಾರು ಬೇನೆಡಾದ್ ಆಸ್ಪತ್ರೆಗ್ ಸೇರಿನಪಗ ಕಾರ್ ಫ್ರಾಕ್ಚರ್ ಆತುಂಡುಂದ್ ತೆರಿದ್ ಬತ್ತುಂಡ್ .
ಪರಿಣತ ವೈದ್ಯೆರು ಪರೀಕ್ಷಾ ವರದಿದಲೆಕ್ಕ ಎನ್ನ ಕಾರುಗ್ ಸರ್ಜರಿ ಮಲ್ಪೊಡಾಪುಂಡ್ ಅತ್ತಾವಂದೆ , ಆಜಿ ತಿಂಗೊಲ್ ಕಾಲ ಬೆಡ್ ರೆಸ್ಟ್ ಬೋಡಾಪುಂಡ್ ಪಂಡುದ್ ಪಂಡೆರ್. ಇತ್ತೆ ಯಾನು ಯಕ್ಷಗಾನ ಪೋಷಕೆರಾಯಿನ ಡಾ. ಭಾಸ್ಕರಾನಂದ ಕುಮಾರೆರೆನ ಸಹಕಾರಡ್ ಉಡುಪಿದ HI TECH ಆಸ್ಪತ್ರೆಗ್ ದಾಖಲಾದ್ ಮೊರನಿ ( 15.03.2022 ರಂದು ) ಕಾರುಗ್ ಸರ್ಜರಿ ಮಲ್ಪಾದ್ , ಇತ್ತೆ ICU ,ಡ್ದ್ GENERAL ವಾರ್ಡ್ ಗ್ ಶಿಪ್ಟ್ ಆತೆ.
ವೈದ್ಯೆರು ತೆರಿಪಾಯಿಲೆಕ್ಕ ಈ ಸರ್ಜರಿಗ್ ಮೂಜಿ ಲಕ್ಷದಾತ್ ಖರ್ಚಾಪುಂಡ್. . ಉಂದೆನ್ ಕಟ್ಟರಾವಂದಿನ ದುಸ್ಥಿತಿ ಎನ್ನಾತುಂಡ್. . ಇತ್ತೆನೇ ಒಂಜಿ ತಿಂಗೊಲು ಬೊಕ್ಕ ನನದ ಆಜಿ ತಿಂಗೊಲು ನಡಪರೆಗಾವಂದಿನ ಪರಿಸ್ಥಿತಿಯಾಯಿನ ಕಾರಣ , ಎಂಕ್ ಎನ್ನ ದುಂಬುದ ಜೀವನದ ಬಗ್ಗೆ ತುಂಬಾ ಆತಂಕ ಆತುಂಡ್.. ಒವ್ವೇ ಕೆಲಸ ಮಲ್ಪರೆಗಾವಂದಿನ ಪರಿಸ್ಥಿತಿ . ಕೊರೋನಾದ ಕಾರಣಡಾದ್ ರಡ್ಡ್ ವರ್ಷಡಿಂಚಿ ದಾಲ ವರಮಾನ ಇಪ್ಪಂದೆ ಇತ್ತೆ ಪರಿಸ್ಥಿತಿ ಒಂತೆ ಸರಿ ಆವನಗ ವಿಧಿ ಎನ್ನ ಮಿತ್ತ್ ಕೆಟ್ಟ ಧೃಷ್ಠಿ ಬೂರ್ದುಂಡ್. ಯಕ್ಷಗಾನೊನೇ ನಂಬುದ್ , ಯಕ್ಷಗಾನನೇ ಎನ್ನ ಜೀವನೋಪಾಯ ಪಂಡುದ್ ನಂಬೊಂದ್ ಎನ್ನ ಮಿತ್ತ್ ಇತ್ತೆದ ಸಂದರ್ಭ ಮಸ್ತ್ ಆಘಾತ ಆತುಂಡ್ . ರಡ್ಡನೇ ಬಿ.ಕಾಂ .
ವಿದ್ಯಾರ್ಥಿನಿಯಾಯಿನ ಎನ್ನ ಮಗಳ್ , ಸುರುತ್ತ ವರ್ಷದ ಡಿಪ್ಲೋಮಾ ವಿದ್ಯಾರ್ಥಿಯಾದುಪ್ಪುನ ಮಗೆ – ಮೊಕ್ಲೆನ ವಿದ್ಯಾಭ್ಯಾಸದ ಹೊಣೆಗಾರಿಕೆಲಾ ಎನ್ನ ಮಿತ್ತ್ ಉಂಡು.ನೆತ್ತ ಒಟ್ಟುಡ್ ಇಲ್ಲ್ ಕಟ್ಟರೆಗ್ ಮಲ್ದಿನ ಮಲ್ಲ ಮೊತ್ತದ ಸಾಲದ ಭಾರಲಾ ಎನ್ನ ಮಿತ್ತ್ ಉಂಡು ‌.ಇತ್ತೆನೇ ಕಂತು ಕಟ್ಟಂದೇ ಮಸ್ತ್ ತಿಂಗೊಲು ಆಂಡ್ . ನನ ಆಜಿ ತಿಂಗೊಲ್ ದಾಲ ಮಲ್ಪರೆಗಾವಂದಿನ ದುರ್ವಿಧಿ ಎನ್ನಾತಿನ ಕಾರಣ , ಜೀವನೋಪಾಯಕ್ಕಾದ್ ದಾದ ? ಜೋಕ್ಲೆನ ವಿದ್ಯಾಭ್ಯಾಸದ ಭವಿಷ್ಯ ದಾದ? ಪನ್ಪಿನ ಚಿಂತೆ ಎನನ್ ಗಾಢವಾದ್ ಕಾಡೊಂದುಂಡ್.

ಸಹೃದಯೀ ಕಲಾಭಿಮಾನಿಲೆಡ ಎನ್ನ ವಿನಮ್ರ ವಿನಂತಿ :
ಯಾನು 32 ವರ್ಷ ಕಾಲ ಕಟೀಲು , ಕುಂಟಾರು , ಎಡನೀರು , ಹೊಸನಗರ , ಹನುಮಗಿರಿ ಮುಲ್ಪ ಬೇತೆ ಬೇತೆ ಮೇಳಡ್ ತಿರುಗಾಟ ಮಲ್ದೆ. ಆಂಡ , ಇದಮುಟ್ಟ ಎರೆಡಲಾ , ದಾಲ ಕೇನುಜಿ.ದೇಹೀ ಪಂತಿನಾಯೆ ಅತ್ತ್ . ಆಂಡ , ಎನ್ನ ದುರ್ವಿಧಿ ಎನ್ನ ಆತ್ಮಾಭಿಮಾನೊನ್ ಬದಿಕ್ ದೀಪಿಲೆಕ್ಕ ಮಲ್ದುಂಡ್ . ಯಕ್ಷಗಾನದ ಅಭಿಮಾನಿಲೇ ಇತ್ತೆ ಎನ್ನ ಮಲ್ಲ ಆಸರೆ ಆವೊಡ್. ದಯದೀದ್ , ಯಕ್ಷಗಾನದ ಬೊಕ್ಕ ಎನ್ನ ಅಭಿಮಾನಿಲು ಈ ಸಂದರ್ಭಡ್ ಎಂಕ್ ಉದಾರ ಕೈಟ್ ನೆರವು ಕೊರೊಡುಂದ್ ಕಳಕಳಿಡ್ ವಿನಂತಿ ಮಲ್ತೊಂದುಲ್ಲೆ . ನಿಕುಲು ಎಂಕ್ ಮಲ್ಪುನ ನೆರವು ಒರಿ ಕಲಾವಿದನ ಕುಟುಂಬಗ್ ಆಧಾರ ಆಪುಂಡ್ ಪನ್ಪಿನ ನಿಲೆಟ್ ಸ್ಪಂದಿಸಾವೊಡ್ ಪಂಡುದ್ ವಿನಂತಿ .
ಎನ್ನ ಬ್ಯಾಂಕ್ ಖಾತೆದ ವಿವರ ತಿರ್ತುಡ್ ಕೊರ್ತೆ . ಸಹೃದಯೀ ಕಲಾಭಿಮಾನಿಲಾಯಿನ ನಿಕುಲು , ಎನ್ನ ಈ ಸಂಕಷ್ಟದ ಕಾಲೊಡ್ ನೆರವಾಪರ್ ಪನ್ಪಿನ ಆಶಾವಾದ ದೀಯೊಂದೆ. ನಿಕಲ್ನಾಯೇ ಆಯಿನ ಜಯಾನಂದ ಸಂಪಾಜೆ, ಯಕ್ಷಗಾನ ಕಲಾವಿದ, Mobile number : 9731435243, ಬ್ಯಾಂಕ್ ಖಾತೆ ವಿವರ,

Jayananda S T
Canara bank Sampaje
A/c no 0643101006611
IFSC code CNRB 0000643

Google account 9731435243

Phone pay : 9731435243