ಕುಡೊರ ಜೋಕುಲಾವೊಡ್.

ಕುಡೊರ ಜೋಕುಲಾವೊಡ್~ಜೀವನರಾಂ ಸುಳ್ಯ

ಉಡುಪಿ :- ಬದುಕುದ ಸಾರ್ಥಕತೆನ್ ಗಳಿಸಾವರೆಗ್ ನಮ ಮಾತೆರ್ಲ ಕುಡೊರ ಜೋಕುಲಾವೊಡ್  ಪಂಡುದು ಖ್ಯಾತ ರಂಗ ನಿರ್ದೇಶಕ ಜೀವನರಾಂ ಸುಳ್ಯ ಪಂಡೆರು.
ಆರು,
ಕನ್ನಡ ಸಾಹಿತ್ಯ ಪರಿಷತ್ತು ಉಡುಪಿ ತಾಲೂಕು ಘಟಕ ಬೊಕ್ಕ ಸಂಸ್ಕೃತಿ ವಿಶ್ವ ಪ್ರತಿಷ್ಠಾನ ಉಡುಪಿ ಬೊಕ್ಕ ಅವಿನಾಶ್ ಕಾಮತ್ ಮೆರೆನ ನೇತೃತ್ವಡ್ *ಕೂತು ಮಾತಾಡುವ* ಕಾರ್ಯಕ್ರಮಡ್ ಪಾತೆರಿಯೆರು.

ನಮ್ಮ ಋಣಾತ್ಮಕ ಅಂಶೊಲೆನ್  ಕುಡೊರಿಯಗ್  ತೆರಿಪಾವಂದೆ, ಅವ್ವೆನ್  ಧನಾತ್ಮಕವಾದ್ ದೆತೊಂಬಿನ ಪರಿಪಾಠ ಬುಳೆಯೊಡು ಪಂಡೆರು.

ಅರೆನ ಬದುಕುದ ರೋಚಕ ಕಥೆಕುಲೆನ್   ವಿವರಣೆ ಮಲ್ತುದ್ ಅರೆನ  ಸಾಧನೆದ  ಬಗ್ಗೆ ವಿಸ್ತಾರವಾದ್  ತೆರಿಪಾಯೆರು.

ಉಡುಪಿದ  ಶಾರದಾ ಮಂಟಪ ರಸ್ತೆದ ರಂಗವಲ್ಲಿ ಇಲ್ಲದ ಆವರಣಡ್  ಈ ಕಾರ್ಯಕ್ರಮ ನಡತುಂಡ್..

ಬದುಕುಡ್  ನಡತಿನ ಕೆಲವು  ಘಟನೆಲು, ಕಷ್ಟಡ್  ಮಿತ್ತ್  ಬತ್ತಿನ ರೋಚಕ ಕಥೆಕುಲು ಸಭಿಕೆರೆಗ್ ಭಾವನಾತ್ಮಕವಾದ್ ಕಥೆತ್ತ  ಮೂಲಕ ವಿವರಣೆ ಮಲ್ತೆರು.
ಕಾರ್ಯಕ್ರಮನ್  ನಿರೂಪಕ ಅವಿನಾಶ್ ಕಾಮತ್ ನಡಪಾದ್  ಕೊರಿಯೆರು.
ಕಾರ್ಯಕ್ರಮದ ಅಕೇರಿಡ್  ಜೀವನ್ ರಾಮ್ ಅರೆನ್  ಸಂಸ್ಥೆದ ವತಿಡ್ದ್  ಮಾನಾದಿಗೆ ಮಲ್ತೆರ್.
ಕಸಾಪ ಉಡುಪಿ ತಾಲೂಕು ಅಧ್ಯಕ್ಷ ರವಿರಾಜ್ ಎಚ್ ಪಿ ಸ್ವಾಗತ ಮಲ್ತೆರು.
ಈ ಸಂದರ್ಭಡ್ ಸಂಸ್ಕೃತಿ ವಿಶ್ವ ಪ್ರತಿಷ್ಠಾನದ ಗೌರವಾಧ್ಯಕ್ಷೆರಾಯಿನ ವಿಶ್ವನಾಥ್ ಶೆಣೈ, ಅಧ್ಯಕ್ಷೆರಾಯಿನ  ಪ್ರೊ. ಶಂಕರ್ ,ಕಲಾರಂಗದ ಕಾರ್ಯದರ್ಶಿ ಮುರಳಿ ಕಡೆಕಾರ್ , ಕಸಾಪ ಉಡುಪಿ ತಾಲೂಕುದ ಗೌರವ ಕಾರ್ಯದರ್ಶಿಲಾಯಿನ ಜನಾರ್ದನ ಕೊಡವೂರು, ರಂಜಿನಿ ವಸಂತ್
ಕೋಶಾಧಿಕಾರಿ ರಾಜೇಶ್ ಭಟ್ ಪಣಿಯಾಡಿ, ಸಂಧ್ಯಾ ಶೆಣೈ, ಶಿಲ್ಪಾ ಜೋಶಿ ರಾಘವೇಂದ್ರ ಪ್ರಭು ಕರ್ವಾಲು, ಸಿದ್ದಬಸಯ್ಯ ಸ್ವಾಮಿ ಚಿಕ್ಕ ಮಠ ಮೊಕುಲು ಮಾತಾ ಉಪಸ್ಥಿತರಿತ್ತೆರು.