ಶೀರೂರುಡ್ ರಾಮನವಮಿ ಉತ್ಸವ.

ಶೀರೂರುಡ್ ರಾಮನವಮಿ ಉತ್ಸವ

ಈ ಬಾರಿದ ರಾಮನವಮಿ ಮಹೋತ್ಸವನ್ ಹಿರಿಯಡ್ಕದ ಜಾಬಾಲಿ ಋಷಿ ತಪೋನಿರತ ಪಾಪಾನಶಿನಿ ಸುವರ್ಣ ತುದೆತ ತಟಡುಪ್ಪುನ ಶೀರೂರುಡ್ 72ನೇ ಉತ್ಸವ ಆದ್ ಪರಿಗಣಿಸಾದ್ 2026 ಮಾರ್ಚ್ 25 ಡ್ದ್  28 ಮುಟ್ಟ ನಾಲ್ ದಿನತ್ತ ವಿಜೃಂಭಣೆದ  ಉಚ್ಚಯ ಆದ್ ಆಚರಣೆ ಮಲ್ಪರೆಗ್ ನಿರ್ಧಾರ ಮಲ್ದುಂಡ್.

ಆ ಪ್ರಕಾರ ಮಾರ್ಚ್ 25 ಡ್ದ್  ಶ್ರೀಪೇಜಾವರ ಮಠಾಧೀಶೆರಾಯಿನ  ಶ್ರೀಶ್ರೀ ವಿಶ್ವಪ್ರಸನ್ನತೀರ್ಥ ಶ್ರೀಪಾದೆರೆಡ್ದ್ ಪಟ್ಟದ ದೇವರ ಪೂಜೆ, 26ಗ್  ಬಯ್ಯಗ್
ಕಟ್ಟೆ ಪೂಜೆ, 27ಗ್  ಕಾಂಡೆ 7.00ಡ್ದ್
ಪಂಚಾಮೃತ ಸಹಿತ ವಿಶೇಷ ಪೂಜೆ, ಪವಮಾನ ಕಲಶಾಭಿಶೇಕ,ಶ್ರೀಮುಖ್ಯಪ್ರಾಣ ದೇವರ ಪೂಜೆ, ಪಲ್ಲ
ಪೂಜೆ, ಸಾರ್ವಜನಿಕ ಅನ್ನ ಸಂತರ್ಪಣೆಇತ್ಯಾದಿ ದೇವತಾ ಕಾರ್ಯಕ್ರಮೊಲು ನಡಪರೆಗುಂಡ್. ಈ ಪೊರ್ತುಡ್
ಉಡುಪಿ ಕಾಣಿಯೂರು ಮಠಾಧೀಶೆರಾಯಿನ
ಶ್ರೀಶ್ರೀ ವಿದ್ಯಾವಲ್ಲಭತೀರ್ಥ ಶ್ರೀಪಾದೆರೆಡ್ದ್
ಸಂಸ್ಥಾನ ಪೂಜೆ, ಬೊಕ್ಕ  ಕಾಂಡೆ 10.00
ಡ್ದ್  ರಾಯಚೂರು ಶ್ರೀ ಶೇಷಗಿರಿದಾಸರು
ಬೊಕ್ಕ  ಅಕ್ಲೆನ  ಬಳಗಡ್ದ್  ದಾಸವಾಣಿ
ಸಂಗೀತ) ಕಾರ್ಯಕ್ರಮ ನಡಪುಂಡು.

ರಾತ್ರೆಗ್  8.00 ಘಂಟೆಗ್ ಗೆಜ್ಜೆಗಿರಿ ಮೇಳದಕ್ಲೆನ ಶ್ರೀಕೃಷ್ಣ ಲೀಲಾಮೃತ ಯಕ್ಷಾಗಾನ ಬಯಲಾಟ . ಬೊಕ್ಕ ಬಯ್ಯಗ್ 4.30 ಗಂಟೆಗ್ ಚಶ್ರೀ ಕೃಷ್ಣಾಪುರ ಮಠಾಧೀಶೆರಾಯಿನ  ಶ್ರೀಶ್ರೀ ವಿದ್ಯಾಸಾಗರತೀರ್ಥ ಶ್ರೀಪಾದೆರೆನ ಆಗಮನ
ಬೊಕ್ಕ  ಪ್ರಾಣದೇವೆರೆಗ್ ರಂಗಪೂಜೆ ಬೊಕ್ಕ
7.00 ಘಂಟೆಗ್  ಮಹಾರಥೋತ್ಸವ, ಬೊಕ್ಕ
ಓಲಗಮಂಟಪ ಪೂಜೆ ನಡಪರೆಗುಂಡ್..

28ಗ್  ಕಾಂಡೆ  9.00 ಗಂಟೆಗ್  ಪಗೆಲ್  ರಥೋತ್ಸವ ಬೊಕ್ಕ ಸುವರ್ಣ ಸುದೆಟ್  ಅವಕೃತ ಸ್ನಾನ ಕಾರ್ಯಕ್ರಮ ಉಂಡು. ಅತ್ತಾವಂದೇ ಶ್ರೀಕೃಷ್ಣಾಪುರ ಮಠಾಧೀಶೆರೆನ ಸಂಸ್ಥಾನ ಪೂಜೆ ನಡಪರೆಗುಂಡ್.. ಬೊಕ್ಕ ಬಯ್ಯಗ್ ಮಠದ ದೈವ ಬೊಬ್ಬರ್ಯ ದೈವದ ಕೋಲಲಾ  ನಡಪುಂಡ್..

ರಥೋತ್ಸವದ ವಿಶೇಷ ಪಂಡ ಉಡುಪಿ ರಥಬೀದಿಡುಪ್ಪುಲೆಕ್ಕ ರಥೊನ್  ವೃತ್ತಾಕಾರವಾದ್ ಸುತ್ತು ಬರ್ಪಿನ ರೀತಿಡ್ ರಥಬೀದಿದ  ನಿರ್ಮಾಣ  ಮಲ್ದುಂಡ್. ಇದಮುಟ್ಟ ಕೇವಲ ರಥ ಬೀದಿಡ್ ದುಂಬು ಪೋದ್ ಅಂಚೆನೇ  ಪಿರ ಬರ್ಪಿನ ವ್ಯವಸ್ಥೆ ಇತ್ತುಂಡ್.. ಅತ್ತಾವಂದೆ ಸುಮಾರು 70 ವರ್ಷದ ಪಿರ ನಿರ್ಮಾಣವಾಯಿನ ಅಲ್ಪದ  ರಥೊನ್  ಶಿಥಿಲ ಆಯಿನ ಭಾಗಲೆನ್  ದುರಸ್ಥಿ ಮಲ್ತುದ್ ಪುನ‌ರ್ ನಿರ್ಮಾಣಮಲ್ದೆರ್.

ಅಂಚಾದ್ ಭಕ್ತೆರ್  ಹೆಚ್ಚಿನ ಸಂಖ್ಯೆಡ್  ಬತ್ತುದ್ ಉತ್ಸವಡ್ ಪಾಲ್ ಪಡೆದ್ ಪ್ರಸಾದ ಸ್ವೀಕಾರ ಮಲ್ತುದ್ ದೇವೆರೆನ ಅನುಗ್ರಹಗ್  ಪಾತ್ರರಾವೊಡ್ ಪಂಡುದ್ ಶ್ರೀಶೀರೂರು ಮಠದ ದಿವಾನೆರು ಮಠದ ಪರವಾದ್  ಭಕ್ತಜನಕ್ಲೆಗ್ ವಿನಂತಿ ಮಲ್ತುದೆರ್.