ಕುರಾಡಿ ಸೀತಾರಾಮ ಅಡಿಗ.

ಕುರಾಡಿ ಸೀತಾರಾಮ ಅಡಿಗ ಕಾವ್ಯ ಪ್ರಶಸ್ತಿ - 2025 ಶಶಿ ತರೀಕೆರೆ ಆಯ್ಕೆ

ವಿಶ್ವ ಭಾರತ ಕರ್ನಾಟಕ ಪ್ರತಿಷ್ಠಾನ ಬೆನಗಲ್ ಪ್ರಾಯೋಜಿತ ಕವಿ ಕುರಾಡಿ ಸೀತಾರಾಮ ಅಡಿಗರ ನೆನಪುದ ‘ಕುರಾಡಿ ಸೀತಾರಾಮ ಅಡಿಗ ಕಾವ್ಯ ಪ್ರಶಸ್ತಿ’ಗಾದ್ ಸಂಸ್ಕೃತಿ ವಿಶ್ವ ಪ್ರತಿಷ್ಠಾನ (ರಿ.) ಉಡುಪಿ ಸಂಸ್ಥೆ 2024ಡ್ ಸುರುತ ಆವೃತ್ತಿ ಡ್ ಪ್ರಕಟಣೆ  ಆಯಿನ ಕವನ ಸಂಕಲನೊನ್  ಆಹ್ವಾನ ಮಲ್ದಿತ್ತುಂಡ್..

ಬೆಂಗಳೂರುದ ಶಶಿ ತರೀಕೆರೆ ಮೆರೆನ ‘ಪ್ಯೂಪಾ’ ಕವನ ಸಂಕಲನ ಆಯ್ಕೆಯಾತುಂಡ್. ಪಂಡುದು ಸಂಸ್ಕೃತಿ ವಿಶ್ವ ಪ್ರತಿಷ್ಠಾನದ ಸಂಚಾಲಕೆರಾಯಿನ ರವಿರಾಜ್ ಎಚ್. ಪಿ. ತೆರಿಪಾದೆರು. ಪ್ರಶಸ್ತಿಗ್ 88 ಕೃತಿಕುಲು ಬತ್ತಿತ್ತುದ್ದು, ಕನ್ನಡ ಸಾಹಿತ್ಯ ಲೋಕದ ಹಿರಿಯ ಪ್ರಸಿದ್ಧ ಸಂಸ್ಕೃತಿ ಚಿಂತಕೆರ್ ಲೇಖಕೆರು ಆಯಿನ ಬೆಂಗಳೂರುದ ಶೂದ್ರ ಶ್ರೀನಿವಾಸ್ ಬೊಕ್ಕ ಪ್ರಸಿದ್ಧ ವಿಮರ್ಶಕೆರಾಯಿನ  ಪ್ರೊ. ಎಚ್. ದಂಡಪ್ಪ ಮೇರು ತೀರ್ಪುಗಾರೆರಾದ್  ಸಹಕಾರ ಮಲ್ದಿತ್ತೆರು.

ಪ್ರಶಸ್ತಿ  ರೂಪಾಯಿ 10,000 ಗೌರವ ನಗದುದೊಟ್ಟುಗ್  ಪ್ರಶಸ್ತಿಪತ್ರ ಬೊಕ್ಕ ಫಲಕ ಉಪ್ಪುಂಡ್.. ನವೆಂಬರ್ ತಿಂಗಳೊಡ್ ಪ್ರಶಸ್ತಿ ಪ್ರದಾನ ಮಲ್ಪುಂಡ್ ಪಂಡುದು ಪ್ರಶಸ್ತಿ ಸಮಿತಿದ ಸಂಚಾಲಕಿ ಪೂರ್ಣಿಮಾ ಜನಾರ್ದನ್ ಪತ್ರಿಕಾಗೋಷ್ಠಿಡ್  ತೆರಿಪಾದೆರ್..

ಪತ್ರಿಕಾಗೋಷ್ಠಿಡ್  ಸಂಸ್ಕೃತಿ ವಿಶ್ವ ಪ್ರತಿಷ್ಠಾನದ ಗೌರವಾಧ್ಯಕ್ಷೆರಾಯಿನ  ಉಡುಪಿ ವಿಶ್ವ ನಾಥ ಶೆಣೆೈ, ವಿಶ್ವ ಭಾರತ ಕರ್ನಾಟಕ ಪ್ರತಿಷ್ಠಾನದ ನಿರ್ದೇಶಕೆರಾಯಿನ ನಾರಾಯಣ ಮಡಿ ಬೊಕ್ಕ ಕವಿತಾ ಎನ್ ಮಡಿ ಉಪಸ್ಥಿತರಿತ್ತೆರು.