ಎಲ್ ಪಿ ಜಿ ಸಮಸ್ಯೆಗ್ ಪರಿಹಾರ

ಕೊಲ್ಲಿ ರಾಷ್ಟಡ್  ಯುದ್ಧಭೀತಿಡಾದ್  ಆವೊಂದುಪ್ಪುನ ಅನಿಲ ವ್ಯತ್ಯಯಡಾದ್ ಹೊಟೇಲ್ ಮಾಲಕೆರೆಗ್ ಆವೊಂದುಪ್ಪುನ ಸಮಸ್ಯೆಲೆನ  ಬಗ್ಗೆ ಜಿಲ್ಲಾಧಿಕಾರಿಲೆನ ಗಮನಗ್  ಕನತುದು ರಡ್ಡ್  ದಿನತ್ತುಲಾಯಿ  ಸಮಸ್ಯೆ ಪರಿಹಾರ ಮಲ್ಪರೆಗ್  ಪ್ರಯತ್ನ ಮಲ್ಪುಂಡ್ ಪಂಡುದು ಸಂಸದ ಕೋಟ ಶ್ರೀನಿವಾಸ ಪೂಜಾರಿ ತೆರಿಪಾಯೆರು. ಉಡುಪಿದ  ಡಯನಾ ಹೋಟೇಲ್‌ ಡ್  ಉಡುಪಿ ಜಿಲ್ಲಾ ಹೋಟೇಲ್ ಮಾಲಕರ ಸಂಘದ ವತಿಡ್ದ್  ನಡತಿನ ಸಭೆಟ್ ಪಾಲ್ ಪಡೆದ್  ಆರು ಪಾತೆರಿಯೆರು. ವಾಣಿಜ್ಯ ಬಳಕೆದ ಅನಿಲ ಅಲಭ್ಯತೆಯದ ಬಗ್ಗೆ  ಜಿಲ್ಲಾಧಿಕಾರಿ, ಆಹಾರ ಇಲಾಖೆ ಅಧಿಕಾರಿಲೆನ  ಒಟ್ಟುಗ್ ಚರ್ಚೆ ಮಲ್ತುದ್, ಒಂಜಿ ವಾರದುಲಾಯಿ  ಸಮಸ್ಯೆ ಪರಿಹಾರ ಆಪುಂಡ್  ಪಂಡೆರ್..  ಇಡೀ ಜಗತ್ತುಡೇ  ಆಪಿನ  ತಾತ್ಕಾಲಿಕ ಸಮಸ್ಯೆ  ಅಂಚಾದ್  ಲಭ್ಯವಿಪ್ಪುನ ಅನಿಲನ್  ಎಂಚ  ವಿತರಣೆ ಮಲ್ಪೊಡ್ ಪನ್ಪಿನ  ಬಗ್ಗೆ ಚಿಂತಿಸಾವೊಡ್. ಅಂಚಾದ್  ಉಂದೆನ್ ರಾಜಕೀಯ ಉದ್ದೇಶಗ್  ಬಳಸಾವಂದೆ ಸಮಸ್ಯೆ ಬಗೆಹರಿಸಾವನಲ್ಪ  ಗಮನಹರಿಸಾವುನ  ಅಗತ್ಯತೆ ಉಂಡು.. ಒಂಜಿ  ವಾರಡ್ ಈ ಸಮಸ್ಯೆ ಪರಿಹಾರ ಆವರೆಗಿತ್ತುದ್, ಅದಮುಟ ಲಭ್ಯವಿಪ್ಪುನ ಸಿಲಿಂಡರ್‌ ದ ವಿತರಣೆಗ್  ಮಲ್ದಿನ ನಿಯಮಲೆನ್  ಸಡಿಲ ಮಲ್ತುದ್, ಹೊಟೇಲ್ ಮಾಲಕೆರೆಗ್ ಅನಿಲ ವಿತರಣೆ ಮಲ್ಪರೆಗ್ ಜಿಲ್ಲಾಧಿಕಾರಿಲೆನ  ಒಟ್ಟುಗ್  ಪಾತೆರಕತೆ ಮಲ್ಪವಾ ಪಂಡುದು ತೆರಿಪಾಯೆರು.
ಈ ಪೊರ್ತು  ಸಂಸದರೆಗ್  ಹೊಟೇಲ್ ಮಾಲಕೆರೆನ ಸಂಘದ ವತಿಡ್ದ್  ಮನವಿ ಕೊರಿಯೆರ್..
ಸಭೆಟ್  ಇತ್ತಿನ  ಉಡುಪಿ ಪುತ್ರನ್ ಗ್ಯಾಸ್ ಮಾಲಕ ದಿನೇಶ್ ಪುತ್ರನ್ ಪಾತೆರ್ದ್ , ಸೋಮವಾರಡ್ದ್  (ಮಾರ್ಚ್ 9) ಡಿಸ್ಟಿçಬ್ಯೂಟರ್‌ ನಕ್ಲೆಗ್ ಗ್ಯಾಸ್ ಪೂರೈಕೆ ಆತುಜಿ. ಲಭ್ಯವಿತ್ತಿನ ಅನಿಲ ವಿತರಣೆಗುಲಾ  ನಿಯಮಲೆನ್  ಕನದಿತ್ತುದ್, ಬಿಸಿಯೂಟದ ಶಾಲೆಲು, ಆಸ್ಪತ್ರೆದ ಕ್ಯಾಂಟೀನ್ ಬೊಕ್ಕ ಇಂದಿರಾ ಕ್ಯಾಂಟೀನ್‌ ಲೆಗ್  ವಿತರಣೆ ಮಲ್ಪರೆಗ್ ತೆರಿಪಾದೆರ್. ಅತ್ತಾವಂದೇ ಗೃಹ ಬಳಕೆ ಅನಿಲ ಬುಕ್ಕಿಂಗ್‌ ಗುಲಾ ಕೆಲವೊಂಜಿ ನಿಯಮಲೆನ್  ಕನದೆರ್., ಇಂಚಾದ್ ಗೃಹಬಳಕೆಯ ಗ್ಯಾಸ್ ಗೂ ಪ್ಯಾನಿಕ್ ಬುಕ್ಕಿಂಗ್ ಪ್ರಾರಂಭವಾದಿತ್ತುಂಡ್.. ಗೃಹ ಬಳಕೆಧ ಗ್ಯಾಸ್ ವಿತರಣೆಡ್ ಒವ್ವೇ ತೊಂದರೆಯಿಜ್ಜಿ ಪಂಡಿನ ಆರು, ವಾಣಿಜ್ಯ ಬಳಕೆದ ಸಿಲಿಂಡರ್ ಪೂರೈಕೆ ಆವೊಂದಿಜ್ಜಿ  ಪಂಡೆರು.
ಹೊಟೇಲ್ ಮಾಲಕ ಶಿವಪ್ರಸಾದ್ ಶೆಟ್ಟಿ ತಲ್ಲೂರು ಪಾತೆರ್ದ್ , ಗ್ಯಾಸ್ ವಿತರಣೆಡಾಯಿನ  ವ್ಯತ್ಯಯಡಾದ್  60 ಶೇಕಡಾದಾತ್ ವ್ಯಾಪಾರ ನಷ್ಟ ಆತುಂಡ್.. ಒಂಜಿ ರಡ್ಡ್  ದಿನಟ್ ಗ್ಯಾಸ್ ಸಿಕ್ಕುಜಿಡ  ಒಂಜಿ ದಿನ ಹೊಟೇಲ್ ಬಂದ್ ಮಲ್ತುದ್ ಪ್ರತಿಭಟನೆ ಮಲ್ಪುಗ ಪಂಡೆರು. ನೆಕ್ ಧ್ವನಿ ಆಯಿನ ಹೊಟೇಲ್ ಮಾಲಕೆರು ಸಮ್ಮತಿ ಸೂಚನೆ ಮಲ್ದಿತ್ತುಧ್, ಕಿನ್ನ ಹೊಟೇಲ್ ಗುಲಾ ಮಾತೆರೆಗುಲಾ ಸಮಾನವಾದ್ ಗ್ಯಾಸ್ ಸಿಕ್ಕೊಡ್. ಸಿಕ್ಕುಜಿಡ ಮಾತೆರ್ಲ ಒಂಜಿ ದಿನ ಬಂದ್ ಮಲ್ಪೊಡ್ ಪಂಡೆರು. ಸಭೆಟ್ ಉಡುಪಿ ಜಿಲ್ಲಾ ಹೋಟೆಲ್ ಮಾಲಕರ ಸಂಘದ ಅಧ್ಯಕ್ಷ ಡಾ. ತಲ್ಲೂರು ಶಿವರಾಮ ಶೆಟ್ಟಿ, ನಾಗೇಶ್ ಭಟ್, ಲಕ್ಷö್ಮಣ್ ಮೊಕುಲು ಇತ್ತೆರು.