ಮಹಿಳಾ ದಿನಾಚರಣೆ

*ಕೆನರಾ ಬ್ಯಾಂಕ್ ನಿವೃತ್ತ ಅಧಿಕಾರಿಲೆನ ಸಂಘ ಉಡುಪಿ ಘಟಕ -ಅಂತರಾಷ್ಟ್ರೀಯ ಮಹಿಳಾ ದಿನಾಚರಣೆ*
9.03.2026 ಗ್  ಕೆನರಾ ಬ್ಯಾಂಕ್ ನಿವೃತ್ತ ಅಧಿಕಾರಿಲೆನ ಸಂಘ ಉಡುಪಿದ  ಮಹಿಳಾ ಸದಸ್ಯೆರೆಡ್ದ್  ಉಡುಪಿದ ಸಿಂಡಿಕೇಟ್ ಟವರ್ಸ್ ಡ್ ” “ಅಂತರಾಷ್ಟ್ರೀಯ ಮಹಿಳಾ ದಿನಾಚರಣೆ -ನಾರಿ  ಶಕ್ತಿ” ನ್  ಆಚರಣೆ ಮಲ್ತೆರ್.. ಮಲ್ಲ ಬಿನ್ನೆರಾದ್  ಉಡುಪಿ ಜಿಲ್ಲಾ ಕನ್ನಡ ರಾಜ್ಯೋತ್ಸವ ಪ್ರಶಸ್ತಿ ಗ್ ಭಾಜನರಾಯಿಞ , “ವಾತ್ಸಲ್ಯದ ಒಸಗೆ ” ಪುಸ್ತಕದ ಲೇಖಕಿ ,  ವೈದ್ಯೆ Dr ರಾಜಲಕ್ಷ್ಮಿ ಮೇರು ” ಆರೋಗ್ಯ ಬೊಕ್ಕ ಮಹಿಳೆ” ಬಗ್ಗೆ ಉಪಯುಕ್ತ ಮಾಹಿತಿನ್  ಕೊರಿಯೆರು. ಮಹಿಳೆಯೆರು ತಮ್ಮ ದೈಹಿಕ ಬೊಕ್ಕ ಮಾನಸಿಕ ಆರೋಗ್ಯನ್ ಎಡ್ಡೆ ಆಹಾರ, ಧ್ಯಾನ, ವಿವಿಧ ಹವ್ಯಾಸ ದ ಮೂಲಕ ಪಡೆತೊನೊಡು ಪಂಡೆರು. ಶ್ರಿಯುತ ಯೋಗೀಶ್ ಭಟ್,  ಸಂಚಾಲಕಿ ಶ್ರೀಮತಿ ವೈಜಯಂತಿ ಕಾಮತ್ ಬೊಕ್ಕ  ಅಧ್ಯಕ್ಷೆ ಶ್ರೀಮತಿ ಮಾಲತಿ ತಂತ್ರಿ  ಮೇರು ವೇದಿಕೆಡ್  ಉಪಸ್ಥಿತ ರಿತ್ತೆರು.  .ಶ್ರೀಮತಿ ವೈಜಯಂತಿ ಕಾಮತ್ ಸ್ವಾಗತ ಮಲ್ತುದ್, ಶ್ರೀಮತಿ ಶಶಿಕಲಾ ರಾಜವರ್ಮ ಮುಖ್ಯ ಅತಿಥಿಲೆನ್  ಪರಿಚಯ ಮಲ್ತೆರು. ಪ್ರಸ್ತುತ ಸಮಯಡ್  ಪೊಣ್ಣು ಜೋಕುಲೆಗ್ ತೀರ ಅವಶ್ಯಕತೆ ಯಾದುಪ್ಪುನ್ ” ಸುರಕ್ಷಿತ ವಾತಾವರಣ ಬೊಕ್ಕ ಭಧ್ರತೆ” ಪಂಡೂದು ಅಧ್ಯಕ್ಷೆ ಮಾಲತಿ ತಂತ್ರಿ ಮೇರು ಅಭಿಪ್ರಾಯ ಪಟ್ಟೊಂಡೆರು.ಕೆ ಎಂ ನಾಯಕ್ ಕೇಂದ್ರೀಯ ಸಮಿತಿ ಸದಸ್ಯೆರು, ಸುಧೀಂದ್ರ ಭಂಡಾರಿ ಪ್ರಾದೇಶಿಕ ಕಾರ್ಯದರ್ಶಿ ಬೊಕ್ಕ ಸಂಘದ ಸದಸ್ಯೆರು ಹೆಚ್ಚಿನ ಸಂಖ್ಯೆಡ್ ಪಾಲ್ ಪಡೆದಿತ್ತೆರು. 
ಕಾರ್ಯಕ್ರಮದ ನಿರೂಪಣೆನ್  ಶ್ರೀಮತಿ ಶಾಂತಲಾ ರಾವ್ ಮಲ್ತೆರು.ಶ್ರೀಮತಿ ಜಯಲಕ್ಷ್ಮಿ ಬಡಕಿಲ್ಲಾಯೆರು ಧನ್ಯವಾದ ಮಲ್ತೆರು. ಕೆಲವು ಮನೋರಂಜನಾ ಗೊಬ್ಬುಲು, “ಅದೃಷ್ಟ ಲಕ್ಷ್ಮೀ” ಪನ್ಪಿನ  ಲಕ್ಕಿ ಡ್ರಾ ಇತ್ತುಂಡ್.. ಬೊಕ್ಕ ಸಮೂಹ ಗಾನ, ಹಾಸ್ಯನಾಟಕ, ಅಷ್ಟ ಲಕ್ಷ್ಮೀ ರೂಪಕ ದ ಪ್ರದರ್ಶನದೊಟ್ಟುಗ್ ಕಾರ್ಯಕ್ರಮ ಸಂಪನ್ನ ಆಂಡ್..