ಉದಯ್ ಶೆಟ್ಟಿ ಮುನಿಯಾಲು

*ಉದಯ ಶೆಟ್ಟಿ ಮುನಿಯಾಲೆರೆನ ತಕ್ಷಣದ ಸ್ಪಂದನೆ: ಎಣ್ಣೆಹೊಳೆ ಏತ ನೀರಾವರಿ ಯೋಜನೆಗ್ ವಿದ್ಯುತ್ ಸಂಪರ್ಕ ಮರುಸ್ಥಾಪನೆ*

ತಾಂತ್ರಿಕ ಕಾರಣಡಾದ್  ಸ್ಥಗಿತ ಆದಿತ್ತಿನ  ಕಾರ್ಕಳದ ಮಹತ್ವದ ಎಣ್ಣೆಹೊಳೆ ಏತ ನೀರಾವರಿ ಯೋಜನೆಗ್ ಕಾಂಗ್ರೆಸ್ ನಾಯಕ ಶ್ರೀ ಉದಯ ಶೆಟ್ಟಿ ಮುನಿಯಾಲು ಅರೆನ ಸತತ ಪ್ರಯತ್ನದ ಫಲವಾದ್  ಇನಿ ಕಾಂಡೆಡ್ದ್  ವಿದ್ಯುತ್ ಸಂಪರ್ಕ ಮರುಸ್ಥಾಪನೆಯಾದಿತ್ತುದ್, ನೀರು ಬುಡ್ಪಿನ  ಪ್ರಕ್ರಿಯೆ ಯಶಸ್ವಿಯಾದ್  ಪುನಾರಂಭ ಆತುಂಡ್.

ಯೋಜನೆದ  ವಿದ್ಯುತ್ ಸಂಪರ್ಕ ಕಡಿತ ಆದ್  ರೈತೆರು ಆತಂಕಕ್ಕೀಡಾತಿನ  ತೂದ್ ಉದಯ ಶೆಟ್ಟಿ ಮುನಿಯಾಲು ಆರು ಕೂಡಲೇ ಕಾರ್ಯಪ್ರವೃತ್ತರಾದಿತ್ತೆರು. ಉಪಮುಖ್ಯಮಂತ್ರಿ ಬೊಕ್ಕ ಬೃಹತ್ ನೀರಾವರಿ ಸಚಿವರಾದುಪ್ಪುನ  ಶ್ರೀ ಡಿ.ಕೆ. ಶಿವಕುಮಾರ್,  ಜಿಲ್ಲಾ ಉಸ್ತುವಾರಿ ಸಚಿವೆ ಲಕ್ಷ್ಮಿ ಹೆಬ್ಬಾಳ್ಕರ್,ವಿಧಾನ ಪರಿಷತ್ ಸದಸ್ಯೆರು ಬೊಕ್ಕ ಮೆಸ್ಕಾಂ (KEB) ಅಧ್ಯಕ್ಷೆರಾಯಿನ   ಹರೀಶ್ ಕುಮಾರ್, ಬೊಕ್ಕ ಸಚಿವೆರಾಯಿನ ದಿನೇಶ್ ಗುಂಡೂರಾವ್ ಮೊಕ್ಲೆಗ್  ಮನವಿ ಸಲ್ಲಿಸಾದೆರ್..  ಗಂಭೀರತೆನ್ ತೆರಿನ ಉಪಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಮೇರು ತಕ್ಷಣ ಇಲಾಖಾ ಅಧಿಕಾರಿಲೆಗ್ ಸೂಚನೆ ಕೊರ್ದಿತ್ತೆರು.  ಪಿರಾವುಡೇ, ಮೆಸ್ಕಾಂ ಅಧ್ಯಕ್ಷರಾಯಿನ ಶ್ರೀ ಹರೀಶ್ ಕುಮಾರ್ ಮೇರು ಈ ಬಗ್ಗೆ ವಿಶೇಷ ಆಸಕ್ತಿ ವಹಿಸೊಂದ್  ಕೆ.ಇ.ಬಿ (MESCOM) ಇಲಾಖೆದ ತಾಂತ್ರಿಕ ಅಡೆತಡೆನ್ ನಿವಾರಣೆ ಮಲ್ಪರೆಗ್ ಅಧಿಕಾರಿಲೆಗ್  ಕಟ್ಟುನಿಟ್ಟು ದ ಆದೇಶ ಕೊರಿಯೆರು. ನಾಯಕರ ಈ ಸಮನ್ವಯದ ಫಲವಾದ್  ಇನಿ ಬೊಲ್ಪುಡ್ದ್ ವಿದ್ಯುತ್ ಸಂಪರ್ಕ ಕಲ್ಪಿಸಾದುಂಡ್.

ಇನಿ ಬೊಲ್ಪುಗ್  ಆಣೆಕಟ್ಟು ಮೋಟಾರ್‌ ಲು ಕಾರ್ಯಾರಂಭ ಮಲ್ದಿತ್ತುದ್, ತುದೆಟ್  ನೀರುನ್  ಕೆರೆಕುಲೆಗ್  ಬುಡೊಂಧುಲ್ಲೆರ್

ಅರೆಗೊಲದ  ಆರಂಭಡೇ ಕೃಷಿ ಭೂಮಿಗ್ ನೀರು ಲಭ್ಯವಾದುಪ್ಪುನವ್  ಈ ಭಾಗದ ರೈತೆರೆಗ್  ಸಂತಸ ಕನದುಂಡ್. “ಎಣ್ಣೆಹೊಳೆ ಯೋಜನೆ ಸ್ಥಗಿತ ಆಯಿನ  ಮಾಹಿತಿ ಬತ್ತಿನ  ತಕ್ಷಣ ನಮ ಸರ್ಕಾರದ ಮಟ್ಟಡ್ ಪಾತೆರಕತೆ ನಡಪಾಯ ವಿಶೇಷವಾದ್  ಉಪಮುಖ್ಯಮಂತ್ರಿಲು ಬೊಕ್ಕ ಮೆಸ್ಕಾಂ ಅಧ್ಯಕ್ಷರಾಯಿನ  ಹರೀಶ್ ಕುಮಾರ್ ಮೇರು ಈ ಸಮಸ್ಯೆಗ್  ತಕ್ಷಣ ಸ್ಪಂದಿಸಾದ್  ಪರಿಹಾರ ಒದಗಿಸಾದೆರ್.. ರೈತರ ಹಿತ ಕಾಪಾಡುನವ್ ನಮ್ಮ ಸುರುತ ಆದ್ಯತೆ.ಜವಾಬ್ದಾರಿಯುತ ಸ್ಥಾನಡುಪ್ಪುನ ಶಾಸಕೆರು ಸಮಸ್ಯೆ ಪರಿಹಾರ ಮಲ್ಪುನ ಬುಡುದ್  ಪ್ರತಿಭಟನೆ  ಮಲ್ತೊಂದುಪ್ಪುನ, ಅರೆನ ಕೆಲಸದ ಮಿತ್ತುದ  ಇಚ್ಚಾಶಕ್ತಿದ ಕೊರತೆ ತೋಜಾವುಂಡ್.. ರಾಜಕೀಯ ಮಲ್ಪುನಾಂಡ ಅರೆನ ಶಾಸಕ ಸ್ಥಾನಗ್  ರಾಜಿನಾಮೆ ಕೊರ್ದು ಕೇವಲ ರಾಜಕೀಯ ಮಲ್ತೊಂದುಪ್ಪಡ್  ಪಂಡಕದು ಉದಯ ಕುಮಾರ್ ಶೆಟ್ಟಿ ಪಂತೆರ್.