ತುಳು ಅಧಿಕೃತ ಭಾಷೆ

ತುಳು ಅಧಿಕೃತ ಭಾಷೆ : ಆಂಧ್ರಪ್ರದೇಶ ಅಧ್ಯಯನ ವರದಿ ಸರಕಾರಗ್ ಸಲ್ಲಿಕೆ.

ತುಳು ಭಾಷೆ ನ್ ರಾಜ್ಯದ ರಡ್ಡನೇ ಅಧಿಕೃತ ಭಾಷೆಯಾದ್ ಘೋಷಣೆ ಮಲ್ಪುನ ಪ್ರಸ್ತಾಪದ ಹಿನ್ನೆಲೆಡ್ ಆಂಧ್ರಪ್ರದೇಶದಲ್ಲಿ ಹೆಚ್ಚುವರಿ ಅಧಿಕೃತ ಭಾಷೆನ್ ಘೋಷಿಸಾವುನ ಸಂದರ್ಭಡ್ ಅನುಸರಿಸಾಯಿನ  ಮಾನದಂಡಲೆನ ಬಗ್ಗೆ ಅಧ್ಯಯನ ನಡಪಾವರೆಗ್ ಸರಕಾರ ನೇಮಕ ಮಲ್ದಿನ ಸಮಿತಿ ತನ್ನ ವರದಿನ್ ಸರಕಾರಗ್ ಸಲ್ಲಿಸಾದುಂಡ್.

ಕನ್ನಡ ಮತ್ತು ಸಂಸ್ಕೃತಿ ಇಲಾಖೆದ  ಆನಿದ ನಿರ್ದೇಶಕಿ ಕೆ.ಎಮ್ ಗಾಯತ್ರಿ ಮೆರೆನ ಅಧ್ಯಕ್ಷತೆಡ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಅಧ್ಯಕ್ಷೆ ತಾರಾನಾಥ ಗಟ್ಟಿ ಕಾಪಿಕಾಡ್ ಅರೆನ ಉಪಸ್ಥಿತಿಡ್ 6 ಜನ ಸದಸ್ಯರೆನ ಅಧ್ಯಯನ ಸಮಿತಿನ್ ಸರಕಾರ ನೇಮಕ ಮಲ್ದುಂಡ್.

ಸದ್ರಿ ಸಮಿತಿ ಜನವರಿ 19 ಬೊಕ್ಕ  20 ಗ್ ಆಂಧ್ರಪ್ರದೇಶ ರಾಜ್ಯದ ಸಚಿವಾಲಯ, ಬೇತೆ ಬೇತೆ ಇಲಾಖೆ, ಕಛೇರಿಲೆಗ್ ಭೇಟಿ ಕೊರ್ದು ಆಂದ್ರಪ್ರದೇಶಡ್ ಉರ್ದು ಭಾಷೆನ್ ರಡ್ಡನೇ ಅಧಿಕೃತ ಭಾಷೆಯಾದ್ ಘೋಷಣೆ ಮಲ್ಪುನ ಸಂದರ್ಭಡ್ ದೆತೊಂದಿನ  ಮಾನದಂಡೊಲು ಬೊಕ್ಕ  ವಿಧಿವಿಧಾನದ ಬಗ್ಗೆ ಅಧ್ಯಯನ ನಡಪಾದ್ ವರದಿ ಸಿದ್ಧ ಮಲ್ದುಂಡ್.

ಸಮಿತಿ ವರದಿನ್ ವಿಕಾಸ ಸೌಧಡ್ ಕನ್ನಡ  ಬೊಕ್ಕ ಸಂಸ್ಕೃತಿ ಇಲಾಖೆದ ಕಾರ್ಯದರ್ಶಿ ಜೆ.ಮಂಜುನಾಥ್ ಅರೆಗ್ ಅಧ್ಯಯನ ಸಮಿತಿ ಸದಸ್ಯೆರು ಸಲ್ಲಿಸಾಯೆರು. ತುಳುಭಾಷೆದ ಹಿನ್ನೆಲೆ ಬೊಕ್ಕ ಚರಿತ್ರೆದ ಬಗೆಟ್ ಪ್ರಸ್ತಾವನೆನ್ ವರದಿದೊಟ್ಟುಗ್ ಕೊರಿಯೆರ್.. ಈ ಸಂದರ್ಭಡ್ ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ನಿರ್ದೇಶಕ ಡಾ. ಬಿ.ಎಸ್. ಮಂಜುನಾಥ ಸ್ವಾಮಿ, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಅಧ್ಯಕ್ಷ ತಾರಾನಾಥ ಗಟ್ಟಿ ಕಾಪಿಕಾಡ್, ಅಧ್ಯಯನ ಸಮಿತಿ ಸದಸ್ಯರಾಯಿನ ಯಕ್ಷಗಾನ ಅಕಾಡೆಮಿದ ಸದಸ್ಯ ಸುಧಾಕರ ಶೆಟ್ಟಿ, ಕಾನೂನು ಇಲಾಖೆದ ಉಪಕಾರ್ಯದರ್ಶಿ ಶ್ರೀಮತಿ ವನಿತಾ, ಸಿಬ್ಬಂದಿ ಬೊಕ್ಕ ಆಡಳಿತ ಸುಧಾರಣಾ ಇಲಾಖೆದ ಉಪಕಾರ್ಯದರ್ಶಿ ಮೂರ್ತಿ ಕೆ.ಎನ್, ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆಧ ಅಧೀನ ಕಾರ್ಯದರ್ಶಿ ಶ್ರೀಮತಿ ಕೆ.ಎಮ್. ಶುಭಶ್ರೀ, ಕರ್ನಾಟಕ ಸಾಹಿತ್ಯ ಅಕಾಡೆಮಿ ರಿಜಿಸ್ಟ್ರಾರ್ ಕರಿಯಪ್ಪ ಎನ್. ಉಪಸ್ಥಿತರಿತ್ತೆರು.