ಮಲ್ಪೆ ಶಾಲೆಡ್ ಪರಿಸರ ದಿನಾಚರಣೆ

ಪರಿಸರ ನಮ್ಮ ವಿರುದ್ಧ   ಆಪಿನೇಡ್ದ್ ದುಂಬು  ಯುವಕೆರ್  ಎಚ್ಚರಿಕೆ ಆವೊಡ್: ಡಾ. ಬಾಲಕೃಷ್ಣ ಎಸ್. ಮದ್ದೋಡಿ.

ಮಲ್ಪೆ, ಜೂನ್ 5: “ಇನಿತ್ತ  ಯುವಕೆರು ಮಾನವೀಯತೆ ಕಳೆಯೊಂದಿನ ಪರಿಸರೊನ್  ಕುಡೊರ ತಾಪನೆ ಮಲ್ಪರೆಗ್ ಆಂದೋಲನ  ಮಲ್ಪೊಡ್.. ಪರಿಸರ ನಮ್ಮ ವಿರುದ್ಧ  ಆಪಿನೇಡ್ ದುಂಬು  ಎಚ್ಚರಿಕೆ ಆವೊಡ್” ಪಂಡುದು ಪರಿಸರವಾದಿ ಬೊಕ್ಕ ಪರಿಸರ ವಿಜ್ಞಾನಿ ಡಾ. ಬಾಲಕೃಷ್ಣ ಎಸ್. ಮದ್ದೋಡಿ ವಿಶ್ವ ಪರಿಸರ ದಿನದ ಸಂದರ್ಭಡ್ ಮಲ್ಪೆದ ಸರ್ಕಾರಿ ಪದವಿ ಪೂರ್ವ ಕಾಲೇಜಿಡ್  ವಿದ್ಯಾರ್ಥಿಲೆನ   ಸಭೆನ್  ಉದ್ದೇಶಿಸಾದ್  ಪಾತೆರಿಯೆರು.

ಮುಖ್ಯ ಭಾಷಣ ಮಲ್ತಿನ ಡಾ. ಮದ್ದೋಡಿ, ಬಂಡೆಲು ಬೊಕ್ಕ  ಪರಿಸರ ವ್ಯವಸ್ಥೆದ  ರಚನೆಡ್ದ್ ಪತ್ತಿನ   ಹವಾಮಾನ ಬದಲಾವಣೆಡ್  ಆಪಿನ ಇನಿತ್ತ  ಸವಾಲುಮುಟ್ಟ ಜೀವನದ ವಿಕಾಸೊನ್  ಪತ್ತೆಮಲ್ಪುನ ಭೂಮಿದ ಪರಿಸರ ಪ್ರಯಾಣದ ಆಕರ್ಷಕ ಅವಲೋಕನನ್  ವಿದ್ಯಾರ್ಥಿಲೆಗ್  ತೆರಿಪಾಯೆರು. ಭವಿಷ್ಯದ ಪೀಳಿಗೆದ ಒರಿಪುಗಾದ್  ಮೂಜಿ  ಮೂಲಭೂತ ನೈಸರ್ಗಿಕ ಸಂಪನ್ಮೂಲ ಆಯಿನ  ಗಾಳಿ, ನೀರು ಬೊಕ್ಕ ಮಣ್ಣುನ್  ರಕ್ಷಣೆ ಮಲ್ಪುನ  ಬೊಕ್ಕ ಸಂರಕ್ಷಣೆ  ಮಲ್ಪುನ ತುರ್ತು ಅಗತ್ಯ ಉಂಡು ಆರು ಒತ್ತುದ್  ಪಂಡೆರು.

ಸುಸ್ಥಿರ ಅಭಿವೃದ್ಧಿ ಪದ್ಧತಿಲೆನ್  ದೆರ್ತ್ ತೋಜಾವೊಂದ್, 3R ಲೆನ್  ಅಳವಡಿಸಾವುನವ್ವೆನ್ ಆರ್  ಪ್ರತಿಪಾದನೆ ಮಲ್ತೆರ್.: ಕಡಿಮೆ ಮಲ್ಪುನ, ಮರುಬಳಕೆ ಮಲ್ಪುನ ಬೊಕ್ಕ ಪಿರಪಡೆಯೊನ್, ಗ್ರಹದ ಪರಿಸರ ಸಮತೋಲನನ್ ಕಾತೊಂಬಿನ  ಜವಾಬ್ದಾರಿಯುತ ಬಳಕೆ ಬೊಕ್ಕ ಸಂಪನ್ಮೂಲ ನಿರ್ವಹಣೆ ಅತ್ಯಗತ್ಯ ಪಂಡುದು ಒತ್ತುದ್ ಪಂಡೆರು. ವಿದ್ಯಾರ್ಥಿಲು ಪರಿಸರ ರಾಯಭಾರಿಲಾವೊಡ್ ಬೊಕ್ಕ ತಮ್ಮ ಸಮುದಾಯಲೆಡ್  ಸಂರಕ್ಷಣಾ ಉಪಕ್ರಮಲೆಡ್  ಸಕ್ರಿಯವಾದ್  ಪಾಲ್ ಪಡೆಯೊಡ್ ಪಂಡುದ್ ಆರು ಒತ್ತಾಯ ಮಲ್ತೆರು.

ಸಮಾರಂಭದ ಅಧ್ಯಕ್ಷತೆಡಿತ್ತಿನ ಶಾಲೆದ  ಪ್ರಾಂಶುಪಾಲೆರಾಯಿನ ಡಾ. ವರ್ಗೀಸ್ ಪಿ. ಪಾತೆರ್ದ್  ವಿದ್ಯಾರ್ಥಿಲು ಸಸಿಕುಲೆನ್    ನಡ್ದ್ ಪೂರ್ಣವಾದ್  ಬುಲೆಪಾವೊಡ್ ಪಂಡೆರ್., ಹೆಚ್ಚಿದ ಪಚ್ಚ ಪೊದಿಕೆ ಭವಿಷ್ಯಡ್ ಇಂಗಾಲದ ಹೊರಸೂಸುವಿಕೆನ್  ಕಡಿಮೆ ಮಲ್ಪರೆಗ್ ಬೊಕ್ಕ ಹವಾಮಾನ ಬದಲಾವಣೆನ್  ತಗ್ಗಿಸಾವರೆಗ್  ಗಮನಾರ್ಹವಾದ್  ಕೊಡುಗೆ ಕೊರ್ಪುಂಡ್ ಪಂಡುದು ಆರು ಪಂಡೆರು.

, ಡಾ. ವಿಶಾಲಾಕ್ಷಿ ಹೆಗ್ಡೆ ಸ್ವಾಗತ  ಪ್ರಾಸ್ತಾವಿಕ ಮಲ್ತೆರು . ನೈಸರ್ಗಿಕ ಸಂಪನ್ಮೂಲದ  ಮೌಲ್ಯ  ಬೊಕ್ಕ ಒರಿಪುಗಾದ್ ಮಾನವೀಯತೆದ  ಅವಲಂಬನೆನ್  ಪ್ರತಿಬಿಂಬಿಸಾವುನ ಅವಕಾಶವಾದ್ ವಿಶ್ವ ಪರಿಸರ ದಿನೊನ್  ಆಚರಣೆ ಮಲ್ಪುನ ಮಹತ್ವನ್  ಆರು ದೆರ್ತ್ ತೋಜಾಯೆರು. ಕಾರ್ಯಕ್ರಮಡ್ ವಿದ್ಯಾರ್ಥಿಲು ಬೊಕ್ಕ  ಶಿಕ್ಷಕೆರ್  ಪಾಲ್ ಪಡೆಯೆರು. ಈ ಸಂದರ್ಭದ  ನೆಂಪುದ ಸಾಂಕೇತಿಕ ಸೂಚನೆಯಾದ್ ಕಾಲೇಜು ಆವರಣಡ್  ಗಣ್ಯೆರು, ಶಿಕ್ಷಕೆರ್ ,ವಿದ್ಯಾರ್ಥಿ ಲು ಸಸಿಕುಲೆನ್  ನಡಿಯೆರು. ದುಂಬು ದ  ಮೂಜಿ ವರ್ಷ ಕಾಲ ಸಸಿಕುಲೆನ್  ಪೋಷಣೆ ಮಲ್ಪರೆಗ್ ,ರಕ್ಷಣೆ ಮಲ್ಪರೆಗ್, ಅವ್ವೆನ್ ಆರೋಗ್ಯಕರ ಮರಕುಲಾದ್  ಪರಿವರ್ತನೆ ಮಲ್ಪರೆಗ್  ಸಾಮೂಹಿಕವಾದ್  ಪ್ರತಿಜ್ಞೆ ಮಲ್ತೆರು.

ಕನ್ನಡ ವಿಭಾಗದ ಪ್ರೊ. ಜಯಶ್ರೀ ಎಂ.ಸಿ  ಸೊಲ್ಮೆ ಸಂದಾಯ್ತ ಮಲ್ತೆರು.. . ಇಂಗ್ಲಿಷ್ ವಿಭಾಗದ ಪ್ರೊ. ಸುಬ್ರಾಯ ಭಾಗವತ್  ಕಾರ್ಯಕ್ರಮದ  ನಿರ್ವಹಣೆ ಮಲ್ತೆರು .