ಪರಿಸರ ದಿನಾಚರಣೆ

ಪರಿಸರ ದಿನಾಚರಣೆ ಅಂಗವಾದ್  ಔಷಧೀಯ ದೈಕುಲೆನ್ ನಡ್ಪಿನ ಕಜ್ಜೊ
ಉಡುಪಿ, ಜೂ. 4: ವಿಶ್ವ ಪರಿಸರ ದಿನಾಚರಣೆ-2026ತ್ತ ಅಂಗವಾದ್  ಎಸ್‌ಡಿಎಂ ಆಯುರ್ವೇದ ಮಹಾವಿದ್ಯಾಲಯ, ಉಡುಪಿ ವತಿಡ್ದ್  ಔಷಧೀಯ ಸಸಿಕುಲೆನ್  ನಡ್ಪಿನ ಕಾರ್ಯಕ್ರಮೊನ್  ಜೂನ್ 2 ಬೊಕ್ಕ 4ತಾರೀಕುಗ್  ಕಾಲೇಜಿದ ಔಷಧೀಯ ಸಸ್ಯೋದ್ಯಾನಡ್  ಆಯೋಜನೆ ಮಲ್ದುಂಡ್.
ಮಹಾವಿದ್ಯಾಲಯದ ದ್ರವ್ಯಗುಣ ವಿಜ್ಞಾನ ವಿಭಾಗ, ಕಮ್ಯುನಿಟಿ ಸರ್ವಿಸಸ್‌, ಎನ್‌ಎಸ್‌ಎಸ್‌ ಘಟಕ ಬೊಕ್ಕ ಕ್ಯಾಂಪಸ್ ಎನ್‌ರಿಚ್‌ಮೆಂಟ್ ಸಮಿತಿದ ಸಹಯೋಗಡ್  ನಡತಿನ ಈ ಕಾರ್ಯಕ್ರಮ ಪರಿಸರ ಜಾಗೃತಿ ಪುಟ್ಟಾವುನ ಬೊಕ್ಕ ಜೈವಿಕ ವೈವಿಧ್ಯ ಸಂರಕ್ಷಣೆಡ್  ವಿದ್ಯಾರ್ಥಿಲೆನ ಸಕ್ರಿಯ ಭಾಗವಹಿಸುವಿಕೆನ್  ಉತ್ತೇಜನ ಮಲ್ಪುನಉದ್ದೇಶ ಇತ್ತುಂಡ್.
ಜೂನ್ 2 ಬೊಕ್ಕ 4ಗ್  ದ್ವಿತೀಯ ಬಿಎಎಂಎಸ್‌ ವಿದ್ಯಾರ್ಥಿಲು ಉತ್ಸಾಹಡ್  ಪಾಲ್ ಪಡೆದ್ ಬೇತೆ ಬೇತೆ ಔಷಧೀಯ ದೈಕುಲೆನ್ ನಡಿಯೆರು. ಒಟ್ಟು 100 ವಿದ್ಯಾರ್ಥಿಲು ಕಾರ್ಯಕ್ರಮಡ್  ಪಾಲ್ ಪಡೆದಿತ್ತೆರು.
ಈ ಸಂದರ್ಭಡ್  ಪಾತೆರಿನ ದ್ರವ್ಯಗುಣ ವಿಜ್ಞಾನ ವಿಭಾಗದ ಮುಖ್ಯಸ್ಥ ಡಾ. ಶ್ರೀಕಾಂತ್ ಪಿ. ಆರು, ಪರಿಸರ ಸಂರಕ್ಷಣೆ ಬೊಕ್ಕ ಸುಸ್ಥಿರ ಜೀವನಶೈಲಿದ ಮಹತ್ವನ್  ವಿವರಣೆ ಮಲ್ತೆರು. ಆಯುರ್ವೇದ ಬೊಕ್ಕ ಪ್ರಕೃತಿದ ಅವಿನಾಭಾವ ಸಂಬಂಧನ್ ಉಲ್ಲೇಖ ಮಲ್ತುದ್, ಔಷಧೀಯ ಗಿಡಕುಲೆನ್  ಸಂರಕ್ಷಣೆ ಭವಿಷ್ಯದ ಆರೋಗ್ಯ ರಕ್ಷಣೆಗ್  ಬಾರೀ ಅಗತ್ಯ ಪಂಡುದು ತೆರಿಪಾಯೆರು. ವಿದ್ಯಾರ್ಥಿಲು ಪರಿಸರ ಸಂರಕ್ಷಣಾ ಚಟುವಟಿಕೆಲೆಡ್  ಸಕ್ರಿಯವಾದ್ ತೊಡಗಿಸಾವರೆಗ್  ಲೆಪ್ಪು ಕೊರಿಯೆರು.
ಕಾರ್ಯಕ್ರಮದ ಸಂಯೋಜನೆನ್ ದ್ರವ್ಯಗುಣ ವಿಜ್ಞಾನ ವಿಭಾಗದ ಸಹ ಪ್ರಾಧ್ಯಾಪಕ ಡಾ. ಮೊಹಮ್ಮದ್ ಫೈಸಲ್ ಬೊಕ್ಕ ಕಾಯಚಿಕಿತ್ಸಾ ವಿಭಾಗದ ಸಹಾಯಕ ಪ್ರಾಧ್ಯಾಪಕಿ ಡಾ. ಶ್ರೇಯಶ್ರಿ ಎನ್. ಸುವರ್ಣ ಮಲ್ತೆರು. ಡಾ. ರವಿಕೃಷ್ಣ, ಡಾ. ತೇಜಸ್ವಿ ನಾಯಕ್, ಡಾ. ಪೂರ್ಣಿಮಾ ಬೊಕ್ಕ ಡಾ. ಅನೀಶ್ ಸೇರಿನಂಚ ಕೆಲವ್  ಅಧ್ಯಾಪಕೆರು ಕಾರ್ಯಕ್ರಮಡ್ ಉಪಸ್ಥಿತರಿತ್ತೆರು.
ಮಿಷನ್ ಲೈಫ್ (LiFE) ಅಭಿಯಾನದ ಉದ್ದೇಶಲೆಗ್ ಪೂರಕವಾದ್ ನಡತಿನ ಈ ಕಾರ್ಯಕ್ರಮ ಪರಿಸರ ಸ್ನೇಹಿ ಅಭ್ಯಾಸಲೆನ್  ಉತ್ತೇಜನ ಮಲ್ಪುನ ಒಟ್ಟು ಡ್ ಔಷಧೀಯ ಸಸ್ಯದ  ಮಹತ್ವದ ಬಗ್ಗೆ ವಿದ್ಯಾರ್ಥಿಲೆಡ  ಅರಿವು ಪುಟ್ಟಾಯೆರ್.. ಒಟ್ಟು ಡ್  ದೈ ನಡ್ಪಿನ  ಬೊಕ್ಕ ಅಯಿತ್ತ ನಿರ್ವಹಣೆಗ್  ಸಂಬಂಧ ಪಟ್ಟಿನ ಪ್ರಾಯೋಗಿಕ ಕೌಶಲ್ಯನ್ ವಿದ್ಯಾರ್ಥಿಲು ದೆತೊಂಡೆರು. ಕಾರ್ಯಕ್ರಮ ಪಚ್ಚೆ ಬೊಕ್ಕ  ಆರೋಗ್ಯಕರ ಪರಿಸರ ನಿರ್ಮಾಣದಂಚಿ  ಮಹತ್ವದ ಪಜ್ಜೆಯಾದ್ ಯಶಸ್ವಿಯಾದ್  ಮೂಡ್ದ್ ಬತ್ತುಂಡ್..