ಪತ್ರಿಕಾ ದಿನಾಚರಣೆ.

ಜು.1: ಉಡುಪಿ ಪತ್ರಕರ್ತರ ಸಂಘದ ವತಿಡ್ದ್  ಪತ್ರಿಕಾ ದಿನಾಚರಣೆ

ಉಡುಪಿ, ಜೂ.25: ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಆಶ್ರಯಡ್ ಉಡುಪಿ ಪತ್ರಿಕಾ ಭವನ ಸಮಿತಿ ಬೊಕ್ಕ ಉಡುಪಿ ಲಯನ್ಸ್ ಕ್ಲಬ್ ಸಹಯೋಗದೊಟ್ಟುಗ್ ಪತ್ರಿಕಾ ದಿನಾಚರಣೆನ್ ಜು.1 ತಾರೀಕುಗ್  ಕಾಂಡೆ 10.30ಗಂಟೆಗ್  ಉಡುಪಿ ಬ್ರಹ್ಮಗಿರಿತ್ತ ಲಯನ್ಸ್ ಭವನಡ್  ಆಯೋಜನೆ ಮಲ್ದುಂಡ್..

ಕಾರ್ಯಕ್ರಮನ್  ಉಡುಪಿ ಜಿಲ್ಲಾಧಿಕಾರಿ ಸ್ವರೂಪ ಟಿ.ಕೆ. ಉದಿಪನ ಮಲ್ಪುವೆರು.  ಸಂಘದ ಜಿಲ್ಲಾಧ್ಯಕ್ಷ ರಾಜೇಶ್ ಶೆಟ್ಟಿ ಅಲೆವೂರು ಅಧ್ಯಕ್ಷತೆಡುಪ್ಪುವೆರು. ಹಿರಿಯ ಪತ್ರಕರ್ತ ಬೊಕ್ಕ ಅಂಕಣಕಾರ ರಾಜಾರಾಂ ತಲ್ಲೂರು ‘ಮಾಧ್ಯಮ: ಮುಂದಿನ 10ವರ್ಷಗಳ- ಮಿಡಿಯಾ ಕನ್ವರ್ಜೆನ್ಸ್, ಎಲ್‌ಎಲ್‌ಎಂ’ ವಿಷಯದ ಬಗೆಟ್  ವಿಶೇಷ ಉಪನ್ಯಾಸ ಕೊರ್ಪೆರು.

ಮಣಿಪಾಲ ಎಚ್‌ಪಿಆರ್ ಸಂಸ್ಥೆಧ  ಮುಖ್ಯಸ್ಥ ಹರಿಪ್ರಸಾದ್ ರೈ ಸಂಘದ ಸದಸ್ಯೆರೆನ ಜೋಕ್ ಲೆಗ್  ಪ್ರತಿಭಾ ಪುರಸ್ಕಾರ ವಿತರಣೆ ಮಲ್ಪುವೆರು. ಉಡುಪಿ ಲಯನ್ಸ್ ಕ್ಲಬ್ ಅಧ್ಯಕ್ಷ ಅಲೆವೂರು ದಿನೇಶ್ ಕಿಣಿ ಸಂಘದ ಸದಸ್ಯೆರೆಗ್ ಗುರುತು ಚೀಟಿ ವಿತರಣೆ ಮಲ್ಪುವೆರು. ಉಂದುವೇ ಸಂದರ್ಭಡ್ ಹಿರಿಯ ಪತ್ರಕರ್ತ ಕುಂಜೂರು ಲಕ್ಷ್ಮೀನಾರಾಯಣ ಕುಂಡಂತಾಯೆರೆಗ್  ಪ್ರತಿಕಾ ದಿನದ ಮಾನಾದಿಗೆ ಮಲ್ಪರೆಗುಂಡ್  ಪಂಡುದು ಸಂಘದ ಪ್ರಧಾನ ಕಾರ್ಯದರ್ಶಿ ನಝೀರ್ ಪೊಲ್ಯ ಪ್ರಕಟಣೆಡ್  ತೆರಿಪಾದೆರ್.