ಸುಶಾಂತ್ ಕೆರೆಮಠ ~ ಸಾರ್ಥಕತೆದ 25ನೇ ಪುಟ್ಟುಪರ್ಬ..
ಯುವ ಪೀಳಿಗೆ ಒಂಚಿಗೋ ಪೋವೊಂದುಪ್ಪುನ ಈ ಕಾಲಘಟ್ಟಡ್ ಪಿ ಎಚ್ ಡಿ ವ್ಯಾಸಂಗ ಮಲ್ತೊಂದುಪ್ಪುನ ವಿದ್ಯಾರ್ಥಿ ಸುಶಾಂತ್ ಕೆರೆಮಠ ತನ್ನ 25ನೇ ಪುಟ್ಟು ಪರ್ಬೊನ್ ಗೋಮಾತೆದೊಟ್ಟುಗ್ ಆಚರಣೆ ಮಲ್ತಿನ ಗೌಜಿ.
ಕೊಡವೂರು ಲಕ್ಷ್ಮಿ ನಗರಡುಪ್ಪುನ ಪೇಜಾವರ ಶ್ರೀ ಶ್ರೀ ವಿಶ್ವಪ್ರಸನ್ನ ತೀರ್ಥೆರು ನಡಪಾವೊಂದುಪ್ಪುನ ಗೋಶಾಲೆಡ್ ಸುಮಾರು ೮೦ ಪೆತ್ತೊಲೆನ್ ಸಾಂಕೊಂದುಲ್ಲೆರ್ . ಪ್ರತಿ ನಿತ್ಯ ಸುಮಾರು 13,000 ಕ್ ಲಾ ಹೆಚ್ಚ ವೆಚ್ಚ ಗೋಶಾಲೆದ ನಿರ್ವಹಣೆಗ್ ಬೋಡಾತುಂಡ್. ಅಲ್ಪ ಉಪ್ಪುನ 80% ಪೆತ್ತೊಲು ಪೇರ್ ಕೊರ್ಪುಜ. ಅಯಿಕ್ಲೆನ ಲಾಲನೆ ಪಾಲನೆ ಒಂಜಿ ಸಾಹಸದ ಕೆಲಸ.
ಅತ್ತಾವಂದೆ ಪೇಜಾವರ ಮಠ ನಡಪಾವೊಂದುಪ್ಪುನ ನೀಲಾವರ ಗೋಶಾಲೆಡ್ ಸುಮಾರು 1800 ಗೋವುಲೆನ ನಿರ್ವಹಣೆಲಾ ಒಂಜಿ ಸವಾಲು. ಗೋ ಸೇವಾ ಪುಣ್ಯದ ಕೆಲಸೊನ್ ಕೈಕೊನರೆಗ್ ಪುಟ್ಟುದಿನ ಸಮಾನ ಮನಸ್ಕರ ತಂಡನೇ ನೀಲಾವರ ಗೋಸೇವಾ ತಂಡ. ತನ್ನ ನಿರಂತರ ಗೋ ಗ್ರಾಸ ಸೇವೆಡ್ ಸಾರ್ವಜನಿಕರುಲಾ ಈ ಪುಣ್ಯದ ಕಾರ್ಯಡ್ ತಂಕ್ಲೆನ್ ತೊಡಗಿಸಾವನರೆಗ್ ಪ್ರಾರಂಭ ಮಲ್ಪುನಂಚ ಮಲ್ತಿನ ಕೀರ್ತಿ ಮೆರೆಗ್ ಸಂದುಂಡ್.
ಇಂಚಪ್ಪದ ದಿನಕ್ಲೆಡ್ ಪೂಜ್ಯ ಸ್ವಾಮಿಜಿಲೆನ ನೇತೃತ್ವಡ್ ಗೋ ಸೇವಾ ತಂಡದ ಕಾರ್ಯಕರ್ತರೆನ ಸಹಾಭಾಗೀತ್ವಡ್ ಬದುಕುದ ವಿಶೇಷ ದಿನಕ್ಲೆನ್ ಗೊ ಸೇವೆ ಮಲ್ಪುನ ಮೂಲಕ ಸಂಭ್ರಮಿಸುವನೊಟ್ಟುಗ್ ಒಂಜಾತ್ ಪುಣ್ಯ ಕಾರ್ಯ ಮಲ್ಪರೆಗ್ ಕಾರಣೆರಾಯಿನ ಪೂಜ್ಯ ಪೇಜಾವರ ಶ್ರೀ ಕ್ಲೆಗ್ ಬೊಕ್ಕ ಅರೆನ ಗೋಸೇವಾ ತಂಡೊಗ್ ನಮೋ ನಮ್ಹ..
by 