Power’ Food carnival

ಉಡುಪಿ | POWER FOOD CARNIVAL 2026– ಮಹಿಳಾ ಉದ್ಯಮಶೀಲತೆಗೆ ಅರ್ಥಪೂರ್ಣ ವೇದಿಕೆ

POWER (Platform of Women Entrepreneurs Regd.) ವತಿಡ್ದ್  ಉಡುಪಿಡ್ ಆಯೋಜನೆ ಮಲ್ತಿನ POWER Food Carnival 2026 ಮಹಿಳಾ ಉದ್ಯಮಿಲೆಗ್  ಸಮರ್ಪಿತ ವೇದಿಕೆಯಾದಿತ್ತುದ್ , ಪೊಸ ಪ್ರಯತ್ನೊಲು ಬೊಕ್ಕ ವಿಭಿನ್ನ ಆಹಾರ ಸಂಸ್ಕೃತಿಗ್ ಉತ್ತೇಜನ ಕೊರ್ಪಿನ  ಉದ್ದೇಶ ದೀಯೊಂದುಂಡ್.
ಈ ಆಹಾರ ಮೇಳ  ಸಾಮಾನ್ಯ ಮನರಂಜನಾ ಆಹಾರ ಮೇಳದಂಚ ಅತ್ತ್.. ಮುಲ್ಪ  ಆರೋಗ್ಯ ಬೊಕ್ಕ ಪೌಷ್ಠಿಕತೆನ್  ಗಮನಡ್ ದೀಯೊಂದ್  ವಿಶೇಷ ಸ್ಥಾನ ಕೊರ್ತುಂಡ್.. ಪೌಷ್ಠಿಕ ಮೌಲ್ಯ ಇತ್ತಿನ  ಬೇತೆ ಬೇತೆ ಸಲಾಡ್‌ ಲು,, ಆಯುರ್ವೇದ ಉದ್ಯಮಿಯಕ್ಲೆಡ್ದ್  ತಯಾರ್ ಮಲ್ತಿನ  ಕಷಾಯಲು, ಬೊಕ್ಕ  ಜೋಕ್ಲೆಗಾದ್ ವಿಶೇಷವಾದ್  ತಯಾರಾತಿನ ಬೇಬಿ ಫುಡ್ ಉತ್ಪನ್ನಲು ಈ ಮೇಳಡ್ ಉಂಡು. ಇಂಚಾದ್ ಉಂದು ಮಾತಾ  ವಯೋಮಾನದ ಜನಕ್ಲೆಗ್  ಉಪಯುಕ್ತ ಆಪಿನ  ಆಹಾರ ಮೇಳವಾದುಂಡ್.
ಈ ಮೇಳಡ್  ಸುರುತ  ಸರ್ತಿಗ್  ಆಹಾರ ಉದ್ಯಮ ಆರಂಭ ಮಲ್ಪುನ  ಮಸ್ತ್  ಮಹಿಳಾ ಉದ್ಯಮಿಲು, ಸ್ವಸಹಾಯ ಗುಂಪುದಕುಲು ಬೊಕ್ಕ ಕಿನ್ನ  ಮಟ್ಟದ ಉದ್ಯಮಿಲು ತಮ್ಮ ಉತ್ಪನ್ನಲೆನ್  ಜನಕ್ಲೆಗ್ ಪರಿಚಯ ಮಲ್ತೊಂದುಲ್ಲೆರ್. ಕೇರಳಡ್ದ್  ಉಡುಪಿಗ್  ಬತ್ತಿನ  ಮಹಿಳಾ ಉದ್ಯಮಿಯೊರ್ತಿ ಉಂದುವೆ  ಸುರುತ  ಸರ್ತಿ  ತಮ್ಮ ಆಹಾರ ಉತ್ಪನ್ನದೊಟ್ಟುಗ್  ಪಾಲ್ ಪಡೆಯೊಂದುಲ್ಲೆರ್.
ಧಾರವಾಡಡ್ದ್  ಬತ್ತಿನ  ಮಹಿಳಾ ಉದ್ಯಮಿಯೊರ್ತಿ , ತಮ್ಮ ಕೌಶಲ್ಯಾಧಾರಿತ ಉದ್ಯಮಗಾದ್ ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅರೆಡ್ದ್  ಗೌರವ ಪಡೆದಿನ  ವಿಶೇಷ. ಅರೆನ ಸ್ಟಾಲ್‌ನ್  POWER ಸಂಘಟನೆದ  ಸದಸ್ಯೆಯೊರ್ತಿ ಪ್ರಾಯೋಜಕೆರಾದಿತ್ತುದ್   ನನಲಾ ಕೆಲವಾರು ಸ್ಟಾಲ್ಸ್ ಲೆನ್ ಪವರ್ ಸಂಸ್ಥೆದ  ಸದಸ್ಯೆಯೆರ್ ಪಾಯೋಜಕೆರಾದುಲ್ಲೆರ್. ಉಂದು ಸಂಘಟನೆದುಲಾಯಿದ  ಪರಸ್ಪರ ಬೆಂಬಲದ ಉತ್ತಮ ಉದಾಹರಣೆಯಾದುಂಡ್.
POWER ಒಂಜಿ ಲಾಭೋದ್ದೇಶವಿಪ್ಪಂದಿನ ಮಹಿಳಾ ಉದ್ಯಮಿಲೆನ  ಸಂಘಟನೆಯಾದಿತ್ತುದ್ , ಉದ್ಯಮಿಲೆಗ್ ನೆಟ್‌ವರ್ಕಿಂಗ್, ಮಾರ್ಗದರ್ಶನ  ಬೊಕ್ಕ ಅವಕಾಶಲೆನ್ ಒದಗಿಸಾವುನ  ನೆತ್ತ  ಮೂಲ ಗುರಿಯಾದುಂಡ್.. ಈ ಆಹಾರ ಮೇಳ  ಒವ್ವೇ  ಲಾಭ ಮಲ್ಪುನ  ಉದ್ದೇಶಡತ್ತ್; ಮಹಿಳಾ ಉದ್ಯಮಿಲೆಗ್  ವೇದಿಕೆ ಕೊರ್ಪಿನ  ಬೊಕ್ಕ ಅಕ್ಲೆನ ಪರಿ ಶ್ರಮನ್  ಸಮಾಜಗ್ ತಲುಪಿಸಾವುನ ಆಶಯಡ್ ಆಯೋಜನೆ ಮಲ್ದುಂಡ್.
ಸಂಘಟನೆದ ಸದಸ್ಯೆರು ತಮ್ಮ ವೈಯಕ್ತಿಕ ವ್ಯವಹಾರಲು ಬೊಕ್ಕ ಕುಟುಂಬ ಸಮಯನ್  ಬದಿಕ್ ದೀದ್ , ಸ್ವಂತ ಪಣವು ಬೊಕ್ಕ  ಶ್ರಮ ಮಲ್ತುದ್ , ದಿನರಾತ್ರಿ  ಬೆನೊಂದ್ ಈ ಕಾರ್ಯಕ್ರಮನ್  ಯಶಸ್ವಿ ಮಲ್ಪರೆಗ್ ಶ್ರಮಿಸಾವೊಂದುಲ್ಲೆರ್.. ಉಡುಪಿ ಜಿಲ್ಲೆದ  ಆಹಾರ ಸಂಸ್ಕೃತಿ ಬೊಕ್ಕ ಮಹಿಳಾ ಉದ್ಯಮಶೀಲತೆನ್  ಉತ್ತೇಜಿಸಾವುನ ಒಂಜಿ  ಸಾರ್ಥಕ ಪ್ರಯತ್ನನೇ  ಈ POWER Food Carnival.