ಮುದ್ರಕರ ದಿನಾಚರಣೆ…

ಉಡುಪಿ: ಪ್ರಿಂಟರ್ಸ್ ಅಸೋಸಿಯೇಷನ್ ಡ್ದ್ ಮುದ್ರಕರ ದಿನಾಚರಣೆ

ಉಡುಪಿ ಜಿಲ್ಲಾ ಮುದ್ರಣಾಲಯಗಳ ಮಾಲಕರ ಸಂಘ (ರಿ.) ನೆತ್ತ ವತಿಡ್ದ್ ಉಡುಪಿ ಪುರಭವನಡ್ ಮುದ್ರಕರ ದಿನಾಚರಣೆ ಕಾರ್ಯಕ್ರಮ ನಡತುಂಡ್.

ಮುಖ್ಯ ಅತಿಥಿಲಾಯಿನ ಮಂಗಳೂರುದ ಪ್ರಸಾದ್ ಪ್ರಿಂಟರ್ಸ್ ಮಾಲಕೆರಾಯಿನ ಪ್ರವೀಣ್ ಪತ್ರಾವೊ ಮೇರು ಮುದ್ರಣ ರಂಗೊಗ್ ಸಂಬಂಧ ಪಟ್ಟುದ್ ತನ್ನ ಅನುಭವೊಲೆನ್ ಪಟ್ಟೊಂಬಿನ ಒಟ್ಟುಗ್ ಉಪಯುಕ್ತ ಮಾಹಿತಿಲೆನ್ ಕೊರಿಯೆರು. ಕುಡೊರಿ ಬಿನ್ನೆರಾಯಿನ ಬ್ರಹ್ಮಾವರದ ರುಡ್ಸೆಟ್ ಸಂಸ್ಥೆದ ನಿರ್ದೇಶಕೆರಾಯಿನ ಲಕ್ಷ್ಮೀಶ ಎ.ಜಿ. ಮೇರು ಸಭೆನ್ ಉದ್ದೇಶಿಸಾದ್ ಪಾತೆರಿಯೆರು.

ಮುದ್ರಣಾಲಯದ ಹಿರಿಯ ಮಾಲಕೆರಾಯಿನ ಸಿ. ಚಂದ್ರ ನಾಯರಿ ಸಾಲಿಗ್ರಾಮ, ಸತೀಶ್ ನಾಯಕ್ ಮಣಿಪಾಲ, ಮಂಜುನಾಥ ಗಡಿಯಾರ್ ಹೆಜಮಾಡಿ, ರಾಘವೇಂದ್ರ ಆಚಾರ್ಯ ಕೊಟೇಶ್ವರ, ಟಿ. ವಿಜೇಂದ್ರ ಪ್ರಭು ಕಾರ್ಕಳ ಮೊಕ್ಲೆನ್ ಮಾನಾದಿಗೆ ಮಲ್ತೆರ್..

ಸಂಘದ ಜಿಲ್ಲಾಧ್ಯಕ್ಷೆರಾಯಿನ ಪ್ರಕಾಶ್ ಜಿ. ಕೊಡವೂರು ಅಧ್ಯಕ್ಷತೆಡಿತ್ತೆರ್. ಕರ್ನಾಟಕ ರಾಜ್ಯ ಮುದ್ರಣಕಾರರ ಸಮನ್ವಯ ಸಮಿತಿ ಸಂಚಾಲಕೆರಾಯಿನ ಎಂ. ಮಹೇಶ್ ಕುಮಾರ್, ಸಹಸಂಚಾಲಕೆರಾಯಿನ ಅಶೋಕ್ ಶೆಟ್ಟಿ, ಉಡುಪಿ ಮುದ್ರಕರ ಸೌಹಾರ್ದ ಸಹಕಾರಿ ಸಂಘದ ಅಧ್ಯಕ್ಷೆರಾಯಿನ ಬಿ.ಜಿ. ಸುಬ್ಬರಾವ್ ಮೊಕುಲು ವೇದಿಕೆಡಿತ್ತುದ್ ಸಂದರ್ಭೋಚಿತವಾದ್ ಪಾತೆರಿಯೆರು.

ಉಡುಪಿ ವಲಯ ಅಧ್ಯಕ್ಷೆರಾಯಿನ ಪ್ರಶಾಂತ್ ನಾಯ್ಕ್, ಕಾಪು ವಲಯ ಅಧ್ಯಕ್ಷೆರಾಯಿನ ಸುಧೀರ್ ಬಂಗೇರ, ಬ್ರಹ್ಮಾವರ ವಲಯ ಅಧ್ಯಕ್ಷೆರಾಯಿನ ಜೋಸೆಫ್ ಬಾಂಜ್, ಕಾರ್ಕಳ ವಲಯ ಅಧ್ಯಕ್ಷೆರಾಯಿನ ಪ್ರವೀಣ್ ಶೆಣೈ ಬೊಕ್ಕ ಕುಂದಾಪುರ ವಲಯ ಅಧ್ಯಕ್ಷೆರಾಯಿನ ವಾಸುದೇವ ಸುವರ್ಣ ಮೊಕುಲು ವೇದಿಕೆಡ್ ಉಪಸ್ಥಿತರಿತ್ತೆರು.

ಸಂದೀಪ್ ಆರ್. ಪೈ ಮೇರ್ ಪ್ರಾರ್ಥನೆ ಮಲ್ತೆರ್. ಸಂಘದ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಜಿ.ಎಂ. ಶರೀಫ್ ಧನ್ಯವಾದ ಮಲ್ತೆರ್. ಯೋಗೀಶ್ ಕೊಳಲಗಿರಿ ಕಾರ್ಯಕ್ರಮ ನಿರೂಪಣೆ ಮಲ್ತೆರ್.