ರಂಗೋಲಿ ಬೊಕ್ಕ ಚಿತ್ರಕಲಾ ಪಂತೊ.

ಶ್ರೀ ಜ್ಞಾನಜ್ಯೋತಿ ಭಜನಾ ಮಂದಿರದ ಸುವರ್ಣ ಸಂಭ್ರಮದ ಪ್ರಯುಕ್ತ ಬೇತೆ ಬೇತೆ ಕಾರ್ಯಕ್ರಮ ಬೇತೆ ಬೇತೆ ಸಂಘಟನೆದ ಒತ್ತು ಸೇರಿಗೆ ಡ್ ನಡತೊಂದಿತ್ತುದ್ ಡಿಸೆಂಬರ್ 14 ತಾರೀಕು ದಾನಿ ಐತಾರದಾನಿ ಶ್ರೀ  ಸಾಯಿಬಾಬ ಮಂದಿರ ಮೂಡುಬೆಟ್ಟು, ತುಳುನಾಡ ಧ್ವನಿ ವಾಹಿನಿದ ಒತ್ತು ಸೇರಿಗೆ ಡ್ ಮೂಡುಬೆಟ್ಟುಧ ಸಾಯಿಬಾಬಾ ಮಂದಿರ ಡ್ ರಂಗೋಲಿ ಬೊಕ್ಕ ಚಿತ್ರಕಲಾ ಸ್ಪರ್ಧೆ ನಡತುಂಡ್.ಸುಮಾರು 200 ಕುಲಾ ಜಾಸ್ತಿ ಕಲ್ಪಾರ್ಥಿಲು ಈ ಪಂತೊಡು ಪಾಲ್ ಪಡೆದ್ ತನ್ನ ಕಲಾ ಪ್ರತಿಭೆನ್ ತೋಜಾಯೆರ್.

ಮೂಡುಬೆಟ್ಟು ಶ್ರೀ ಶಿರಡಿ ಸಾಯಿಬಾಬ ಮಂದಿರದ ಧರ್ಮದರ್ಶಿ ಶ್ರೀ ದಿವಾಕರ ಶೆಟ್ಟಿ ತೋಟದ ಮನೆ ಕಜ್ಜೊನ್ ಉದಿಪನ ಮಲ್ತುದ್ ಎಡ್ಡೆಪ್ಪು ಬಯಕಿಯೆರ್.ತುಳುಕೂಟಧ ಗುರ್ಕಾರೆರಾಯಿನ ಬಿ.ಜಯಕರ ಶೆಟ್ಟಿ ಇಂದ್ರಾಳಿ ಗುರ್ಕಾರ್ಮೆದ ಪಾತೆರೊಡ್ ನಮ್ಮ ಸಂಸ್ಕೃತಿ ಸಂಪ್ರದಾಯೊಲು ಒರಿಯೊಡಾಂಡ ಜೋಕುಲು ಅವ್ವೆನ್ ಬಿಂಬಿಸಾಂಡ ಮಾತ್ರ ಸಾಧ್ಯ.. ಧಾರ್ಮಿಕ ಕೇಂದ್ರೊಲು ಧಾರ್ಮಿಕ ಶ್ರದ್ಧಾ ಕೇಂದ್ರಗ್ ಸೀಮಿತ ಆವಂದೆ, ಸಾಮಾಜಿಕ ಚಿಂತನೆನ್ ದೀಯೊಂದ್   ಸೇವೆ ಮಲ್ತುಂಡ ಸಮಾಜದ ಅಭಿವೃದ್ಧಿಗ್ ಸಾದಿಬೊಲ್ಪು ಕೊರ್ಪಿನ ಕೇಂದ್ರ ಆದ್ ಮೂಡ್ದ್ ಬರೊಡ್ ಪಂಡೆರ್.ಈ ಪೊರ್ತುಡ್ ವೇದಿಕೆ ಡ್ ಜ್ಞಾನಜ್ಯೋತಿ ಭಜನಾ ಮಂದಿರದ ಗೌರವಾಧ್ಯಕ್ಷೆರಾಯಿನ ಆನಂದ ಪಿ.ಸುವರ್ಣ, ಅಧ್ಯಕ್ಷೆ ರಾಯಿನ ಹರಿಯಪ್ಪ ಕೋಟ್ಯಾನ್, ಕಾರ್ಯಾಧ್ಯಕ್ಷೆ ರಾಯಿನ ಎನ್.ಟಿ.ಅಮೀನ್,ಉಪಾಧ್ಯಕ್ಷೆರಾಯಿನ ಸತೀಶ್ ಕುಂದರ್, ಶಬರಿಮಲೆ ಅಯ್ಯಪ್ಪ ಸಮಾಜಂ ದ ಉಡುಪಿ ಜಿಲ್ಲಾ ಮಹಿಳಾ ಅಧ್ಯಕ್ಷೆ ತಾರಾ ಯು.ಆಚಾರ್ಯ, ಜ್ಞಾನ ಜ್ಯೋತಿ ಭಜನಾಮಂದಿರದ ಅಧ್ಯಕ್ಷೆ ರಾಯಿನ ಜ್ಞಾನೇಶ್ವರ ಕೋಟ್ಯಾನ್, ಮಾತ್ರ ಮಂಡಳಿದ ಅಧ್ಯಕ್ಷೆ ಸುಮಂಗಲಾ,ವೀಣಾ ದಿವಾಕರ ಶೆಟ್ಟಿ, ರಾಧಾಕೃಷ್ಣ ಮೆಂಡನ್ ಉಪಸ್ಥಿತರಿತ್ತೆರು.ಜ್ಞಾನಜ್ಯೋತಿ ಭಜನಾ ಮಂದಿರದ ಮಾತ್ರ ಮಂಡಳಿದ ಕಾರ್ಯದರ್ಶಿ ಇಂದಿರಾ ಸ್ವಾಗತ ಮಲ್ತುದ್, ತುಳುನಾಡ ಧ್ವನಿತ  ಮುಖ್ಯಸ್ಥೆರಾಯಿನ ಯಶೋದ ಕೇಶವ್ ಸೊಲ್ಮೆ ಸಂದಾಯ್ತ ಮಲ್ತೆರ್.ಪಾಂಡುರಂಗ ಮಲ್ಪೆ ಬೊಕ್ಕ ಭಾರ್ಗವಿ ನಿರೂಪಣೆ ಮಲ್ತೆರು.ರಂಗೋಲಿ ಬೊಕ್ಕ ಚಿತ್ರಕಲಾ ಸ್ಪರ್ಧೆಡ್ 200 ಕುಲಾ ಜಾಸ್ತಿ ಕಲ್ಪಾರ್ಥಿಲು ಬೊಕ್ಕ ಸಾರ್ವಜನಿಕೆರ್ ಪಾಲ್ ಪಡೆಯೆರ್.ಅಕೇರಿಗ್ ಗೆಂದಿನಕ್ಲೆಗ್ ಇನಾಮು ಪಟ್ಟಿಯೆರ್

ಸಂಗೀತ ಶಿಕ್ಷಕಿ ಶ್ರೀಮತಿ ಸುರೇಖಾ ಭಟ್, ಶ್ರೀಮತಿ ಸುಮಿತ್ರಾ ಕೆರೆಮಠ,ಜ್ಯೋತಿ ಎಸ್.ದೇವಾಡಿಗ,ನವೀನ್ ಮಾಬಿಯಾನ್ ,ಜ್ಞಾನೇಶ್ ಆಚಾರ್ಯ ಪಂತೊದ ತೀರ್ಪುಗಾರೆರಾದಿತ್ತೆರ್..