ಭಾರತ್ ಸ್ಕೌಟ್ಸ್ &  ಗೈಡ್ಸ್

ಭಾರತ್ ಸ್ಕೌಟ್ಸ್ ಮತ್ತು ಗೈಡ್ಸ್ ಕರ್ನಾಟಕ
ಜಿಲ್ಲಾ ಸಂಸ್ಥೆ ಉಡುಪಿ

ಸ್ಕೌಟ್/ ಗೈಡ್ ಒಂದು ಅಂತರಾಷ್ಟ್ರೀಯ ಸಂಸ್ಥೆ. ಪ್ರಸ್ತುತ ಉಡುಪಿ ಜಿಲ್ಲಾ ಸಂಸ್ಥೆಡ್ ಜಿಲ್ಲಾಧಿಕಾರಿಲು ಜಿಲ್ಲಾಧ್ಯಕ್ಷೆರಾದುಲ್ಲೆರ್.. ಶಾಂತ ಆಚಾರ್ಯೆರು ಜಿಲ್ಲಾ ಮುಖ್ಯ ಆಯುಕ್ತರಾದ್ ಮಸ್ತ್  ವರ್ಷ ಕಾಲ ಸಂಸ್ಥೆನ್  ದುಂಬರಿತೊಂದುಲ್ಲೆರ್. ಪ್ರಸ್ತುತ ಭಾರತ್ ಸ್ಕೌಟ್ ಬೊಕ್ಕ ಗೈಡ್ ಕರ್ನಾಟಕ, ಜಿಲ್ಲಾ ಸಂಸ್ಥೆ ಉಡುಪಿ ಜಿಲ್ಲಾ ಮುಖ್ಯ ಆಯುಕ್ತೆರಾದ್ ಇಂದ್ರಾಳಿ ಜಯಕರ ಶೆಟ್ಟಿ ಜಿಲ್ಲಾ ಸಂಸ್ಥೆನ್ ದುಂಬರಿತೊಂದುಲ್ಲೆರ್.. ಸ್ಕೌಟ್ ಆಯುಕ್ತೆರಾದ್ ಜನಾರ್ದನ್ ಕೊಡವೂರು, ಗೈಡ್ಸ್ ಆಯುಕ್ತೆರಾದ್ ಜ್ಯೋತಿ ಪೈ ಮೇರು ಕಾರ್ಯ ನಿರ್ವಹಣೆ ಮಲ್ತೊಂದುಲ್ಲೆರ್.

ರಾಜ್ಯ ಸಂಸ್ಥೆ  ಅನೇಕ ಚಟುವಟಿಕೆಲೆನ್  ನಿರ್ವಹಣೆ ಮಲ್ಪರೆಗ್  ಜಿಲ್ಲೆಗ್  ವಹಿಸಾದಿತ್ತುದ್, ಪ್ರತಿ ವರ್ಷಲಾ ಸ್ಕೌಟ್ ಗೈಡ್ ಚಟುವಟಿಕೆಲೆಡ್ ರಾಜ್ಯಮಟ್ಟಡ್ ರಡ್ಡನೇ ಸ್ಥಾನಡುಪ್ಪುನ  ಉಡುಪಿ ಜಿಲ್ಲೆಗ್  ಈ ಬಾರಿ ಎಸ್. ಎಸ್. ಎಲ್. ಸಿ .ಬೊಕ್ಕ  ಪಿ.ಯು.ಸಿ. ಡ್  ಶೇಕಡ 90ಕ್ಕ್ ಲಾ  ಜಾಸ್ತಿ ಅಂಕ ಪಡೆದ ಮತ್ತು ಸ್ಕೌಟ್ ಗೈಡ್ ಚಟುವಟಿಕೆಯಲ್ಲಿ ತೊಡಗಿಸಾವೊಂದಿನ  ಪ್ರತಿಭಾನ್ವಿತ ವಿದ್ಯಾರ್ಥಿಲೆನ್  ಗುರುತಿಸಾವುನ  ಗುರುತರ ಜವಾಬ್ದಾರಿ ಕೊರ್ತುಂಡ್..

ದಿನಾಂಕ 30.05.2025, ಶುಕ್ರವಾರದಾನಿ  ಪರ್ಯಾಯ ಶ್ರೀ ಪುತ್ತಿಗೆ ಮಠ, ಶ್ರೀಕೃಷ್ಣ ಮಠದ ಆಶ್ರಯಡ್,, ಉಡುಪಿ ಜಿಲ್ಲಾ ಸಂಸ್ಥೆದ  ಆಯೋಜನೆಡ್ ಕಾರ್ಯಕ್ರಮ ನಡಪರೆಗಿತ್ತುದ್ ರಾಜ್ಯದ ಬೇತೆ ಬೇತೆ  ಜಿಲ್ಲೆಡ್ದ್  ಸುಮಾರು 1200 ಪ್ರತಿಭಾನ್ವಿತ ವಿದ್ಯಾರ್ಥಿಲು  ಪಾಲ್ ಪಡೆಯರೆಗುಲ್ಲೆರ್. ಕಾಂಡೆ  10.00ಗಂಟೆಗ್ ಉದಿಪನಾ ಸಮಾರಂಭ ನಡಪರೆಗುಂಡ್.. ಬೊಕ್ಕ ಪಾಲ್ ಪಡೆಪಿನ  ಮಾತಾ ವಿದ್ಯಾರ್ಥಿಲೆನ್ ಅಭಿನಂದಿಸಾವುನ  ಕಾರ್ಯಕ್ರಮ ನಡಪರೆಗುಂಡ್  ಪಂಡುದು ಉಡುಪಿ ಜಿಲ್ಲಾ ಮುಖ್ಯ ಆಯುಕ್ತೆರಾಯಿನ ಜಯಕರ ಶೆಟ್ಟಿ ಇಂದ್ರಾಳಿ ಪತ್ರಿಕಾ ಗೋಷ್ಠಿಡ್  ತೆರಿಪಾಯೆರು.

ಈ ಸಮಾರಂಭಡ್  ಪರ್ಯಾಯ ಶ್ರೀ ಪುತ್ತಿಗೆ ಮಠದ ಶ್ರೀ ಶ್ರೀ ಸುಗುಣೇಂದ್ರ ತೀರ್ಥ ಶ್ರೀಪಾದೆರು ಆಶೀರ್ವಚನ ಕೊರ್ರೆಗುಲ್ಲೆರ್.. ಕೆಲವ್ ಇಲಾಖೆಲೆಡ್ ಸಚಿವೆರಾದ್  ಕೆಲಸ ಮಲ್ದಿನ  ರಾಜ್ಯ ಮುಖ್ಯ ಆಯುಕ್ತೆರಾಯಿನ  ಶ್ರೀ ಪಿ.ಜಿ. ಆರ್ ಸಿಂಧ್ಯಾ ಮೇರು ಸಭಾಧ್ಯಕ್ಷತೆಡುಪ್ಪುವೆರ್.. ದಕ್ಶಿಣ ಕನ್ನಡ ಜಿಲ್ಲಾ ಮುಖ್ಯ ಆಯುಕ್ತೆರಾಯಿನ  ಡಾ. ಮೋಹನ್ ಆಳ್ವ, ಉಡುಪಿ ಚಿಕ್ಕಮಗಳೂರು ಸಂಸದೆರಾಯಿನ  ಶ್ರೀ ಕೋಟ ಶ್ರೀನಿವಾಸ್ ಪೂಜಾರಿ, ರಾಜ್ಯದ ವಿಧಾನ ಸಭೆತ್ತ  ಸ್ಪೀಕರ್ ಶ್ರೀ ಯುಟಿ ಖಾದರ್, ಉಡುಪಿ ಶಾಸಕೆರಾಯಿನ  ಶ್ರೀ ಯಶ್ ಪಾಲ್ ಸುವರ್ಣ, ಕಾಪು ಶಾಸಕೆ  ಗುರ್ಮೆ ಸುರೇಶ್ ಶೆಟ್ಟಿ, ಕಾರ್ಕಳ ಶಾಸಕೆ  ಶ್ರೀ ಸುನಿಲ್ ಕುಮಾರ್, ಕುಂದಾಪುರ ಶಾಸಕೆ  ಕಿರಣ್ ಕುಮಾರ್ ಕೊಡ್ಗಿ, ಬೈಂದೂರು ಶಾಸಕೆ ಶ್ರೀ ಗುರುರಾಜ್ ಶೆಟ್ಟಿ ಗಂಟಿಹೊಳೆ, ಮಾಜಿ ಸಚಿವೆ  ಶ್ರೀ ಪ್ರಮೋದ್ ಮಧ್ವರಾಜ್, ರಾಜ್ಯ ಸಂಘಟನಾ ಆಯೋಗದ ಶ್ರೀ ಪ್ರಭಾಕರ್ ಭಟ್, ಸಿ. ಮಂಜುಳಾ ಬೊಕ್ಕ  ಜಿಲ್ಲಾ ಸಂಸ್ಥೆದ ಪದಾಧಿಕಾರಿ.ಲು ಪಾಲ್ ಪಡೆಯರೆಗುಲ್ಲೆರ್.

ಪತ್ರಿಕಾ ಗೋಷ್ಠಿಯಡ್  ರಾಜ್ಯ ಸಂಘಟನಾ ಆಯುಕ್ತರಾಯಿನ  ಎಂ. ಪ್ರಭಾಕರ್ ಭಟ್, ಉಡುಪಿ ಜಿಲ್ಲಾ ಸ್ಕೌಟ್ ಆಯುಕ್ತ ಜನಾರ್ದನ್ ಕೊಡವೂರು, ರಾಜ್ಯ ಸಹಾಯಕ ಸಂಘಟನಾ ಆಯುಕ್ತೆ ಸುಮನಾ ಶೇಖರ್ (ಗೈಡ್ಸ್), ಜಿಲ್ಲಾ ಕಾರ್ಯದರ್ಶಿ ಆನಂದ ಅಡಿಗ ಉಪಸ್ಥಿತರಿತ್ತೆರು.