ಆಧಾರ್ ಇಜ್ಜಿಡ ಕೊಲ್ಲೂರು ಮೂಕಾಂಬಿಕೆನ ದರುಶನ ಭಾಗ್ಯ ಇಜ್ಜಿ.

ಕೋವಿಡ್-19 ದ 3ನೇ ಅಲೆ ಬರಂದಿಲೆಕ್ಕ ತಡೆಪೊಡಾಂಡ ಕೆಲವೊಂಜಿ ಸರಕಾರದ ನಿಯಮೊಲೆನ್ ಪಾಲಿಸಾವುನ ಅಗತ್ಯ ಉಂಡು.

ಈ ನಿಲೆಟ್ ಪ್ರಸಿದ್ಧ ದೇವಾಲಯ ಕೊಲ್ಲೂರು ಮೂಕಾಂಬಿಕೆನ ಕ್ಷೇತ್ರೊಡ್ ದೇವಿನ ದರ್ಶನ ಭಾಗ್ಯ ತಿಕ್ಕೊಡಾಂಡ ದೇವಾಲಯಗ್ ಬರ್ಪಿನ ಭಕ್ತೆರೆಗ್ ಆಧಾರ್  ಅತ್ತುಡ ಸೂಕ್ತವಾಯಿನ ದಾಖಲೆ ಬೋಡು.ಇಜ್ಜಿಡ ದೇವಾಲಯದ ಉಲಾಯಿ ಪೋಪಿಲೆಕ್ಕ ಇಜ್ಜಿ.

ಕೇರಳಡ್ದ್ ಬರ್ಪಿನ ಭಕ್ತೆರ್ 72 ಗಂಟೆದುಲಾಯಿ ಮಲ್ದಿನ ಕೋವಿಡ್-19 ಆರ್ಟಿಪಿಸಿಆರ್ ನೆಗೆಟಿವ್ ಪಸೊಂದ್ ಬರೊಡ್ ಪಂಡುದ್ ಶ್ರೀ ಮೂಕಾಂಬಿಕಾ ದೇವಸ್ಥಾನ ಕೊಲ್ಲೂರುದ ಕಾರ್ಯನಿರ್ವಹಣಾಧಿಕಾರಿ ಪ್ರಕಟಣೆಡ್ ತೆರಿಪಾದೆರ್.