ಅಂಬಾಭವಾನಿ ದೇವಸ್ಥಾನ ಕೆಳಕಬ್ಯಾಡಿಡ್ ಆಟಿ ತಿಂಗಲ್ದ ತೆನಸುದ ಕಮ್ಮೆನ & ದೈವಾರಾಧನೆ ಮಾಯಿತಿ ಕಜ್ಜೊ.

*ರೋಟರಿ ಐಸಿರಿ ಪರ್ಕಳ ರೋಟರಿ ಸಮುದಾಯದಳ ಐಸಿರಿ ಪರ್ಕಳ ಒಡಿಯೂರು ಶ್ರೀ ಗ್ರಾಮವಿಕಾಸ ಯೋಜನೆ ಉಡುಪಿ ವಲಯ ಕಬ್ಯಾಡಿ ಘಟಸಮಿತಿ ಮೊಕ್ಲೆನ‌ ಒತ್ತುಸೇರಿಗೆಡ್ ಆಟಿ ತಿಂಗೊಲುದ ತೆನಸದ ಕಮ್ಮೆನ ಬೊಕ್ಕ ತುಳುನಾಡ್ದ ದೈವರಾಧನೆ ಮಾಯಿತಿ ಕಾರ್ಯಕ್ರಮ ತಾರೀಕು 13.8.2023 ತಾರೀಕುದಾನಿ ಕಾಂಡೆ 10.30 ಗಂಟೆಡ್ದ್ ಶ್ರೀ ಅಂಬಾಭವಾನಿ ದೇವಸ್ಥಾನ ಕೆಳಕಬ್ಯಾಡಿ ವಠಾರಡ್ ನಡತುಂಡ್..

• ಕಾರ್ಯಕ್ರಮದ ಪೂರ್ವಭಾವಿಯಾದ್ ಕಾಂಡೆ 9:00 ಗಂಟೆಡ್ದ್ ಜಾನಪದ ಗೀತಾ ಗಾಯನ ಪಂತೊ 2023 ಕಾರ್ಯಕ್ರಮ 1ಡ್ದ್ 10ನೇ ಮುಟ್ಟದ ಜೋಕ್ಲೆಗ್ ಬೊಕ್ಕ ಸಾರ್ವಜನಿಕೆರೆಗ್ ನಡತುಂಡ್.
• ಪಂತೊಡ್ ತೀರ್ಪುಗಾರೆರಾದ್ Ann ವೀಣಾ ರೇಂಜಾಳ Ann ಜೋತ್ಸ್ನಾ ಲಾಗ್ವಾಂಕರ್ ಬೊಕ್ಕ Rtn. ಗುರುಪ್ರಸಾದ್ ಕಾಮತ್ ಮೊಕುಲು ಪಾಲ್ ಪಡೆದಿತ್ತೆರ್.
  *Rtn. ಸುಶಾಂತ್ ಮೇರ್ ಪಾಲ್ ಪಡೆಯಿನ ಮಾತಾ ಪಂತಾರ್ಥಿಲೆಗ್ ಒಂಜಿ ಕೆಜಿ ಟೊಮೆಟೊ ಕೊರಿಯೆರ್..
• ಕಾಂಡೆ 10.30 ಗಂಟೆಡ್ದ್ ಆಟಿ ತಿಂಗಳ ತೆನಸ್ದ ಕಮ್ಮೆನ ಕಾರ್ಯಕ್ರಮದ ಸಭಾ ಕಜ್ಜೊ ಸುರುವಾದ್ .
• ಕಾರ್ಯದರ್ಶಿ ಗೀತಾ ಶ್ರೀ ಉಪಾಧ್ಯ ಮೇರ್ ರೋಟರಿ ಅಧ್ಯಕ್ಷೆ ಸ್ಮಿತಾ ಕಾಮತ್ ಮೆರೆಗ್ ಕೊರಳ ಪಟ್ಟಿ ಪಾಡಿಯೆರು. ಆರ್‌ಸಿಸಿ ಕಾರ್ಯದರ್ಶಿಲಾಯಿನ ಸತೀಶ್ ಮೇರು ಆರ್ ಸಿ ಸಿ ಅಧ್ಯಕ್ಷ ಜಯರಾಮ್ ಶೆಟ್ಟಿಗಾರ್ ಮೆರೆಗ್ ಕೊರಳ ಪಟ್ಟಿ ಪಾಡಿಯೆರು.
• ಕುದಿ ಗ್ರಾಮದ ಶ್ರೀಯುತ ರಾಘು ಮೇರು ಸುಗಿತೆರ್ .
• ರೋಟರಿ ಐಸಿರದ ಅಧ್ಯಕ್ಷೆರಾಯಿನ ಸ್ಮಿತಾ ಜಿ ಕಾಮತ್ ಮೇರು ಬತ್ತಿನ ಬಿನ್ನೆರೆನ್ ಎದ್ಕೊಂಡೆರು.
• ಸಮುದಾಯ ಸೇವಾ ನಿರ್ದೇಶಕೆರಾಯಿನ ರೋಟೇರಿಯನ್ ಪ್ರಭಾಕರ್ ಶೆಟ್ಟಿ ಮೇರು ಕಾರ್ಯಕ್ರಮದ ಪ್ರಸ್ತಾವನೆ ಮಲ್ತುದ್, ತುಳುನಾಡ ಸಂಸ್ಕೃತಿ ಬೊಕ್ಕ ಸಂಸ್ಕಾರ ನಮ್ಮ ದುಂಬುದ ಪೀಳಿಗೆಗ್ ಮುಟ್ಟಾವುನ ಪ್ರಯತ್ನ ಆವೊಡ್ ಪಂಡೆರ್.
• ಅಸಿಸ್ಟೆಂಟ್ ಗವರ್ನರ್ ರವರಾದ Rtn. ಕೆಂಪರಾಜ್ ಇವರು ಆರ್ ಸಿ ಸಿ ಸದಸ್ಯೆ ಶ್ರೀಮತಿ ಲಕ್ಷ್ಮಿ ಮೆರೆಗ್ ಮಟ್ಟೆಲು ದಿಂಜಾದ್ ಕಾರ್ಯಕ್ರಮದ ಉದಿಪನ ಮಲ್ತುದ್ ಆರ್ ಸಿ ಸಿ ಐಸಿರ ಮಲ್ಪುನ ಕಾರ್ಯಕ್ರಮ ಜನಕ್ಲೆಗ್ ಮುಟ್ಟೊಂದುಂಡ್..ಒವ್ವೇ ಕ್ಲಬ್ಬ್ ಗ್ ಇಂಚಿನ ಸಮುದಾಯದಳ ಇತ್ತುಂಡ ರೋಟರಿಗ್ ಒಂಜಿ ಶಕ್ತಿ ಪಂಡೆರು.
• ವಲಯ ಸೇನಾನಿ Rtn. ಚಂದ್ರಶೇಖರ್ ಅಡಿಗ ಮೇ ರು ರೋಟರಿ ಐಸಿರಿ ಒಂಜಿ ವರ್ಷದ ಬಾಲೆ. ಇನಿತ್ತ ಕಾರ್ಯಕ್ರಮ ಪರಿಸರಡ್ ಜನ ಜಾಗೃತಿ ಪುಟ್ಟಾವುನ ಕಾರ್ಯಕ್ರಮ .ಮುಲ್ಪ ಪರ್ಬದ ವಾತಾವರಣ ಸೃಷ್ಟಿಯಾತುಂಡ್ ಪಂಡೆರು.
  *ಆರ್‌ಸಿಸಿ ಕಾರ್ಯಾಲಯಗ್ ಪೋಡಿಯಂ ಕೊರಿನ ಆರ್‌ಸಿಸಿ ಅಧ್ಯಕ್ಷ ಜಯರಾಮ್ ಶೆಟ್ಟಿ ಗಾರ್ ಮೆರೆಗ್ ಒಡಿಯೂರು ಗ್ರಾಮ ವಿಕಾಸ ಯೋಜನೆದ ಅಧ್ಯಕ್ಷೆರಾಯಿನ ಸುಧಾಕರ್ ಎಸ್. ಕೆ ಮೇರ್ ಶಾಲು ಪಾಡ್ದ್ ಮಾನಾದಿಗೆ ಮಲ್ತೆರ್..
  ವಿಶೇಷ ಖಾದ್ಯೊಲೆನ್ ಇಲ್ಲಡೇ ತಯಾರ್ ಮಲ್ತುದ್ ಕನತಿನ ಒಡಿಯುಯೂರು ಗ್ರಾಮ ವಿಕಾಸ ಯೋಜನೆದ ತಂಡೊಲೆನ್ ಅಭಿನಂದನೆ ಮಲ್ತೆರು.
• ಕಾರ್ಯಕ್ರಮಡ್ ಉಪಸ್ಥಿರಿತ್ತಿನ ಲಕ್ಕಿ ಕೂಪನ್ ವಿತರಣೆ ಮಲ್ದಿತ್ತುದ್ 80 ಬಡಗ ಬೆಟ್ಟು ಗ್ರಾಮ ಪಂಚಾಯತ್ ಅಧ್ಯಕ್ಷೆರಾಯಿನ ಶ್ರೀಮತಿ ಮಾಧವಿ ಆಚಾರ್ಯ ಮೇರ್ ಲಕ್ಕಿ ಡ್ರಾ ಚೀಟಿನ್ ದೆತ್ತುದ್ ವಿಜೇತರಾಯಿನ ಶ್ರೀಮತಿ ದಿವ್ಯ ಮೆರೆಗ್ ನೆಂಪುದ ಕಾಣಿಕೆನ್ ಕೊರಿಯೆರು. 80 ಬಡಗ ಬೆಟ್ಟು ಗ್ರಾಮಸ್ಥೆರು ಪ್ರೀತಿಡ್ ಎದ್ಕೊನೊಂದ್ ಸೇವೆ ಮಲ್ಪರೆಗ್ ಅವಕಾಶ ಕೊರಿನ ಗ್ರಾಮದಕ್ಲೆಗ್ ಅಭಿನಂದನೆ ತೆರಿಪಾಯೆರು. ಇಂಚಿನ ಎಡ್ಡೆ ಕಾರ್ಯಕ್ರಮೊಡ್ ಪಾಲ್ ಪಡೆಯರೆಗ್ ಅವಕಾಶ ತಿಕ್ಕಿನೈಕ್ ಮೆಚ್ಚುಗೆ ತೋಜಾಯೆರ್.
• ಕಾರ್ಯಕ್ರಮದ ಮಲ್ಲ ಬಿನ್ನೆರಾಯಿನ ತಮ್ಮಣ್ಣ ಶೆಟ್ಟಿ ಮೆರೆಗ್ ಸಮುದಾಯ ಸೇವಾ ನಿರ್ದೇಶಕೆರಾಯಿನ ರೋಟೆರಿಯನ್ ಪ್ರಭಾಕರ್ ಶೆಟ್ಟಿ ಮೇರು ಶಾಲು ಪಾಡ್ದ್ ಪೇಟ ದೀದ್ ಮಾನಾದಿಗೆ ಮಲ್ತೆರ್. ತುಳುನಾಡ ಸಂಸ್ಕೃತಿದ ಒಟ್ಟುಡ್ ನಮ ಬದುಕೊಡ್ .ದೈವಾರಾಧನೆ ಪನ್ಪಿನವ್ ಸರಳವಾಯಿನ ನಮ್ಮ ಇತಿ ಮಿತಿಟ್ ಮಲ್ಪರೆಗ್ ಸಾಧ್ಯವಾಪಿನಂಚಿನ ಆರಾಧನಾ ಪದ್ಧತಿ, ತುಳುನಾಡುದ ಪೆರಿಯಕ್ಲು ಮಲ್ದಿನ ಈ ಆರಾಧನಾ ಪದ್ಧತಿಡ್ ಧಾರ್ಮಿಕ ಬೊಕ್ಕ ಮಾಂತ್ರಿಕ ಶಕ್ತಿ ಉಂಡು .ನಮ್ಮ ದೈವರಾದನೆ ನಾಶ ಆವೊಂದುಂಡ್ ನಮ್ಮ ಜೋಕ್ಲೆಗ್ ನಮ್ಮ ತುಳುನಾಡ ಸಂಸ್ಕೃತಿದ ಬಗ್ಗೆ ಅರಿವು ಪುಟ್ಟಾವುನ ಕೆಲಸ ನಮಡ ಆವೊಡ್ ಪಂಡುದು ಸುಮಾರು ಒಂಜಿ ಗಂಟೆ ಕಾಲ ನೆತ್ತ ಬಗ್ಗೆ ಮಾಯಿತಿನ್ ಕೊರಿಯೆರು.
• ರೋಟರಿ ಐಸಿರಿದ ಅಧ್ಯಕ್ಷೆರಾಯಿನ ರೋಟೇರಿಯನ್ ಸ್ಮಿತಾ.ಜಿ ಕಾಮತ್ ಮೇರು ಅಧ್ಯಕ್ಷೀಯ ಭಾಷಣೊಡ್ ತುಳುನಾಡುದ .ಪ್ರತಿಯೊಂಜಿ ಬಾಲೆಲೆಗುಲಾ ಅಪ್ಪೆ ಅಮ್ಮೆ ನಮ್ಮ ಆಚಾರ ವಿಚಾರ ಸಂಸ್ಕೃತಿನ್ ತೆರಿಪಾದ್ ಕೊರ್ಪಿನ ಕೆಲಸ ಮಲ್ಪೊಡಾತುಂಡ್ ಪಂಡೆರು.
• ಜಾನಪದ ಗೀತ ಗಾಯನ ಪಂತೊಡ್ ವಿಜೇತೆರಾಯಿನ ಜೋಕ್ಲೆನ ವಿಭಾಗಡ್ ಸುರುತ್ತ ಇನಾಮು ಸ್ವಸ್ತಿ ಬೊಕ್ಕ ರಡ್ಡನೇ ಇನಾಮು ಮನಸ್ವಿನಿ ಮೊಕ್ಲೆಗ್ ಸ್ಮರಣಿಕೆ ಬೊಕ್ಕ ಇನಾಮುನ್ ಅಸಿಸ್ಟೆಂಟ್ ಗವರ್ನರ್ ಕೆಂಪರಾಜ್ ಮೇರು ಕೊರಿಯೆರು.
• ಸಾರ್ವಜನಿಕೆರೆನ ವಿಭಾಗಡ್ ಸುರುತ್ತ ಇನಾಮು ಅನಸೂಯ ಬೊಕ್ಕ ರಡ್ಡನೇ ಇನಾಮು ಸಚಿನ್ .ಸಾಲಿಯಾನ್ ಮಲ್ಪೆ ಮೊಕ್ಲೆಗ್ ಸ್ಮರಣಿಕೆ ಬೊಕ್ಕ ಇನಾಮುನ್ ಶ್ರೀ ತಮ್ಮಣ್ಣ ಶೆಟ್ಟಿ ಮೇರು ಕೊರಿಯೆರು.
• ಜಾನಪದ ಗೀತಾ ಗಾಯನ ಪಂತೊದ ಸಂಯೋಜಕೆರಾಯಿನ ರೋಟರಿ ಐಸಿರಿದ ಸದಸ್ಯೆ ರಾಯಿನ ರೋಟೆರಿಯನ್ Dr.A. ಗಣೇಶ್ ಮೆರೆಗ್ ಮುಖ್ಯ ಅತಿಥಿಲಾಯಿನ ಶ್ರೀಯುತ ತಮ್ಮಣ್ಣ ಶೆಟ್ಟಿ ಮೇರು ಶಾಲು ಪಾಡ್ದ್ ಮಾನಾದಿಗೆ ಮಲ್ತೆರು.
• ಒಡಿಯೂರು ಗ್ರಾಮ ವಿಕಾಸ ಯೋಜನೆದ ವಲಯ ಕಾರ್ಯದರ್ಶಿ ಬೊಕ್ಕ ಸಂಯೋಜಕೆರಾಯಿನ ಶ್ರೀಮತಿ ಚಂದ್ರಿಕಾ ಮೆರೆಗ್ ರೋಟರಿ ಐಸಿರಿದ ಅಧ್ಯಕ್ಷೆರಾಯಿನ ಸ್ಮಿತಾ. ಜಿ .ಕಾಮತ್ ಮೇರು ಶಾಲು ಪಾಡ್ದ್ ಸ್ಮರಣಿಕೆ ಕೊರ್ದ್ ಮಾನಾದಿಗೆ ಮಲ್ತೆರು.
• ಕಾರ್ಯಕ್ರಮಗ್ ವನಸುದ ವ್ಯವಸ್ಥೆನ್ ಅಚ್ಚುಕಟ್ಟಾದ್ ಮಲ್ದಿನ ಒಡಿಯೂರು ಗ್ರಾಮ ವಿಕಾಸ ಯೋಜನೆದ ಸೇವಾ ದೀಕ್ಷಿತೆರಾಯಿನ ಶ್ರೀಮತಿ ಅಶ್ವಿನಿ ಬೊಕ್ಕ ನಿವೇದಿತಾ ಪೂಜಾರಿ ಮೆರೆಗ್ ಕಾರ್ಯದರ್ಶಿ Rtn ಗೀತಾ ಶ್ರೀ ಉಪಾಧ್ಯ ಮೇರು ಶಾಲು ಪಾಡ್ದ್ ಸ್ಮರಣಿಕೆ ಕೊರ್ದ್ ಮಾನಾದಿಗೆ ಮಲ್ತೆರು.
• ಕಾರ್ಯದರ್ಶಿ ಗೀತಾ ಶ್ರೀ ಉಪಾಧ್ಯಾಯ ಮೇರು ಸೊಲ್ಮೆ ಸಂದಾಯ್ತ ಮಲ್ತೆರ್.ಯಶೋದ ಕೇಶವ್ ಕಜ್ಜೊದ ನಿರೂಪಣೆ ಮಲ್ತೆರ್..
• .