ಪನಿಕಬಿತೆ.

ಪನಿಕಬಿತೆ

ಮನಸ್

ಕೈ ನೀರ್ದ್ ನಟ್ಟೊಂದುಲ್ಲೆರ್
ಅಂಗಣಡ್ ಸೇರ್ದಿ ಜನಮಂದೆ
ಕಾಪುವೆರ್ ಪನ್ಪಿ ಧೈರ್ಯಡುಲ್ಲೆರ್
ಭಕ್ತ ಜನಮಾನಿ ಮನಿಪ್ಪಂದೆ
ಮನಸ್ಸ್‌ನ್ ಪಿದಾಯಿಡೇ ದೀತೆರ್
ಜೋಡುಲೆನ್ ಏರ್ಲಾ ಕೊನವಂದೆ

ದಿವ್ಯಶ್ರೀ ಪುತ್ತೂರು
ತುಲುವೆರೆ ಕಲ

ಪಿಟ್ಟಿ ಕತೆ
ಕೇನಂದಿ ಬುಲಿಪು

ಈ ಸರ್ತಿದ ಪೊಯ್ಯೆದ ಬೇರೊಡ್ ಎಡ್ಡೆ ಲಾಭ ಮಲ್ತೊಂದಿ ಲಾರಿ ಲತೀಶೆ ಪರ ಲಾರಿನ್ ಮಾರ್ದ್ ಪೊಸತೊಂಜಿ ಲಾರಿ ದೆಪ್ಪುನ ಇಚಾರೊದ ಬಗೆಟ್ ಇಲ್ಲದಕ್ಲೆಡ ಪಾತೆರೊಂದಿತ್ತೆ. ಲತೀಶನ ಪುದರ್‌ಗ್ ಲಾರಿ ಪನ್ಪಿನ ಪುದರ್ ಬರ್ರೆ ಕಾರ್ನೊನೇ ಆಯನೊಟ್ಟು ಈತ್ನೆಟ ಬೆಂದಿನ ಪರ ಲಾರಿಯೇ. ಕೊರೊನೊದ ಪೊರ್ತು‌ರ್ದಿಂಚಲಾ ರಾತ್ರೆ ಪಗೆಲ್ಂದ್ ತೂವಂದೆ ಬಚ್ಚೆಲರಪೆರೆ ಪುರ್ಸೊತ್ತಿಜ್ಜಿಂಡಲಾ ತಿಗಲೆ ಬೆಚ್ಚ ಆಂಡಲಾ ತೆರಿಪಾವಂದೆ ಮೈನುರ್ತ್ ಬೆಂದ್‌ದ್ ‌ಕಾಲಿ ಎಲು ಮುಲ್ಲು ತೋಜೊಂದುಪ್ಪಿ ಪರ ಲಾರಿ ಮಾತ್ರ ಇಲ್ಲದೆದುರು ಪಡಿಲ್ ಬೂರ್ದಿ ಜಾಗೆಡುಂತೊಂದು ಈ ಪಾತೆರೊನು ಕೇಂದ್ ಕಣನೀರ್ ಜಪುಡಾವೊಂದಿಪ್ಪುನವು ಏರೆಗ್ ತೆರಿಯು ಪನ್ಲೆ…..?

…✍️ ಪದ್ಮನಾಭ ಪೂಜಾರಿ ಬಂಟ್ವಾಳ
ತುಲುವೆರೆ ಕಲ