ಎನ್ನ ಪೊಪ್ಪ

ಎನ್ನ ಪೊಪ್ಪ

ಆ ದಡ್ಡ್ ಕೈಟ್ ಬಡ್ಡಾಯಿನ ಬೇನೆ ಏತಾವು
ರಡ್ಡ್ ದಡಿಕ್ ಬಗ್ಗಿ ಅಬತರುಲು ಮಸ್ತಾವು

ಪುಗೆಲ್‌ದ ತೇರ್‌ಡ್ ಲೋಕನ್ ತೋಜಪಾಯಿ ದೇವೆರ್
ಪಗೆಲ್ ರಾತ್ರೆ ಪಂದ್ ತೂವಂದೆ ಅರಿಪಾಯೆರ್ ಬೆಗರ್

ಕಣ್ಣ್‌ಗ್ ತೋಜಾಂದಿ ಇರೆನ ಮೋಕೆದ ಒಸರ್
ಜೋಕುಲೆ ಎಡ್ಡೆಪ್ಪು‌ಗ್ ತೋಜಪಾವೆರ್ ಆಜುನ ಪಿಸಿರ್

ಕೆಂಡಿನ ಕಂತ್ ಕೊರಿನ ಕಾಮಧೇನು ಈರ್
ಕಂಡಂದೆ ಬೆಂದ್ ತಿನ್ಪಿನೆನ್ ಕಲ್ಪಾದೀನಾರ್

ತನ್ನ ಅಂಗ್‌ನೆ ದಂಗಾದ್ ಇಲ್ಲದಕ್ಲೇಗ್ ಕೊರ್ಯರ್ ಚೀಪೆ
ಏರೆಗ್ಲಾ ಪನಂದೆ ಒರಿಯೊರಿಯೆ ಈರ್ ನೋತಿನಲ ತೂತೆ

ಇಲ್ಲಗ್ ನಿರೆಲಾದ್, ಜೋಕುಲು ಪತೊನುನ ಬಿರೆಲಾದ್,
ಕೈಪತ್ತಿನಲೆಗ್ ಅರಲಿನ ಪೂವಾದ್ ಉಂತ್ಯರ್

ತಪ್ಪುಗ್ ಬಡುವಾದ್, ಬಡವುನ್ ತನಿಪುನ ಗಂಜಿ ವನಸಾದ್, ಬಡವೆನೆ ಆಂಡಲ ರಾಜೆಯಾದ್ ಎಂಕ್ ತೋಜ್ವರ್

ಕಪಟನೇ ಇಜ್ಜಂದಿ ಬಂಗಾರ್ದ ಮನಸ್ ದಾರ್ ಎನ್ನ ಪೊಪ್ಪ
ಇರೆನ ಮೋಕೆಗ್ ಸರಿಸಾಟಿ ಈ ಲೋಕೊಡ್ ದಾದಂಡಲ ಉಪ್ಪ

✍️ರಕ್ಷಿತ್. ಬಿ.ಕರ್ಕೇರ
ಪದವಿನಂಗಡಿ
ತುಲುವೆರೆ ಕಲ