ಆರ್ಥಿಕ ಸಂಪತ್ತುಡ್ದ್ ಆರೋಗ್ಯ ಸಂಪತ್ತ್ ಬಾರೀ ಮುಖ್ಯ: ಜಯಕರ ಶೆಟ್ಟಿ ಇಂದ್ರಾಳಿ..

ಮಲಬಾರ್ ಗೋಲ್ಡ್ &ಡೈಮಂಡ್ಸ್ ಉಡುಪಿ,ಸತ್ಯದ ತುಳುವೆರ್(ರಿ) ಉಡುಪಿ-ಮಂಗಳೂರು,ಜ್ಯೂನಿಯರ್ ಫ್ರೆಂಡ್ಸ್ ಕೊರಂಗ್ರಪಾಡಿ ಉಡುಪಿ ಮೊಕ್ಲೆನ ನೇತ್ರತ್ವಡ್ ಪ್ರಸಾದ್ ನೇತ್ರಾಲಯ ಸೂಪರ್ ಸ್ಪೆಷಾಲಿಟಿ ಕಣ್ಣುದ ಆಸ್ಪತ್ರೆ ಉಡುಪಿ,ನೇತ್ರ ಚಾರಿಟೇಬಲ್ ಟ್ರಸ್ಟ್ ಉಡುಪಿ.ಮೊಕ್ಲೆನ ಸಂಯುಕ್ತ ಆಶ್ರಯೊಡ್ 100 ಜನ ಫಲಾನುಭವಿಲೆಗ್ ಧರ್ಮಾರ್ಥ ಕನ್ನಡಕ ಪಟ್ಟುನ ಕಜ್ಜೊ ಜನವರಿ 12 ತಾರೀಕುದಾನಿ ಉಡುಪಿದ ಮಲಬಾರ್ ಗೋಲ್ಡ್ &ಡೈಮಂಡ್ಸ್ ಡ್ ನಡತುಂಡ್.

ಕಜ್ಜೊನ್ ಉದಿಪನ ಮಲ್ತಿನ ಬಡಗುಬೆಟ್ಟು ಕ್ರೆಡಿಟ್ ಕೋ ಆಪರೇಟಿವ್ ಸೊಸೈಟಿದ ವ್ಯವಸ್ಥಾಪಕೆರಾಯಿನ ಬಿ.ಜಯಕರ ಶೆಟ್ಟಿ ಇಂದ್ರಾಳಿ ಪಾತೆರ್ದ್,ಮನುಷ್ಯಗ್ ಆರೋಗ್ಯ ಸರಿ ಇಜ್ಜಾಂಡ ಏತೇ ಆಸ್ತಿ ಅಂತಸ್ತು ಇತ್ತುಂಡಲಾ ಪ್ರಯೋಜನ ಇಜ್ಜಿ.ನರಮಾನಿ ಆರ್ಥಿಕ ಸಂಪತ್ತುಡ್ದ್ ಆರೋಗ್ಯ ಸಂಪತ್ತು ಬಾರೀ ಮುಖ್ಯವಾಯಿನವ್ವ್,ಈ ನಿಟ್ಟುಡ್ ಸತ್ಯದ ತುಳುವೆರ್ ತಂಡದ ಜವನೆರ್ ಬಡಜನಕ್ಲೆಗ್ ದಾನಿಲೆನ ನೆರವುಡ್ ಧರ್ಮಾರ್ಥ ಕನ್ನಡಕ ಪಟ್ಟುನ ಕಜ್ಜೊ ಶ್ಲಾಘನೀಯ ಪಂಡೆರ್.

ಕಜ್ಜೊಡ್ ಮಲ್ಲ ಬಿನ್ನೆರಾದಿತ್ತಿನ ಕಟಪಾಡಿ ಗ್ರಾಮ ಪಂಚಾಯತ್ ಸದಸ್ಯೆ ತುಳು ಚಿತ್ರನಟಿ ಪವಿತ್ರ ಶೆಟ್ಟಿ ಕಟಪಾಡಿ ಮೇರ್ ಸತ್ಯದ ತುಳುವೆರ್ ಬೊಕ್ಕ ಮಲಬಾರ್‌ ಗೋಲ್ಡ್ ದ ಕಾರ್ಯವೈಖರಿ ಗ್ ಎಡ್ಡೆಪ್ಪು ಬಯಕಿಯೆರ್.

ಸಭಾವೇದಿಕೆಡ್ ಮಲಬಾರ್ ಗೋಲ್ಡ್ &ಡೈಮಂಡ್ಸ್ ದ ಮುಖ್ಯಸ್ಥೆರಾಯಿನ ಹಫೀಜ್ ರೆಹಮಾನ್ ಗುರ್ಕಾರ್ಮೆಡಿತ್ತೆರ್.ವೇದಿಕೆಡ್ ಆಕಾಶವಾಣಿ ಕಲಾವಿದೆ ಭಾರತಿ ಟಿ.ಕೆ.,ಮಲ್ಪೆದ ಆಪದ್ಭಾಂದವೆರಾಯಿನ ಈಶ್ವರ್ ಮಲ್ಪೆ,ಪ್ರಸಾದ್ ನೇತ್ರಾಲಯದ ಪಿ.ಆರ್.ಓ.ಹರ್ಷ,ಮಲಬಾರ್ ಉಡುಪಿದ ಸ್ಟೋರ್ ಮೇನೇಜರ್ ರಾಘವೇಂದ್ರ ನಾಯಕ್ ,ಸತ್ಯದ ತುಳುವೆರ್ ಉಡುಪಿದ ಅಧ್ಯಕ್ಷೆರಾಯಿನ ಚೇತನ್ ಆಚಾರ್ಯ ಉಪಸ್ಥಿತರಿತ್ತೆರ್.ಸತ್ಯದ ತುಳುವೆರ್ ತಂಡದ ಸಂಸ್ಥಾಪಕೆರಾಯಿನ ಪ್ರವೀಣ್ ಕುರ್ಕಾಲ್ ಸ್ವಾಗತ ಮಲ್ತುದ್,ಸತ್ಯದ ತುಳುವೆರ್ ಮಹಿಳಾ ತಂಡದ ಸದಸ್ಯೆ ಶ್ರುತಿ ಸೊಲ್ಮೆ ಸಂದಾಯ್ತ ಮಲ್ತೆರ್.ವಕೀಲೆರಾಯಿನ ರಾಜಶೇಖರ್ ಕಜ್ಜೊದ ನಿರೂಪಣೆ ಮಲ್ತೆರ್.

ಸುಮಾರ್ 100‌ ಜನಕ್ ಧರ್ಮಾರ್ಥ ಕನ್ನಡಕ ವಿತರಣೆ ಮಲ್ತೆರ್.ಕಜ್ಜೊಡ್ ಜಯಕರ ಶೆಟ್ಟಿ ಇಂದ್ರಾಳಿ,ಹಫೀಜ್ ರೆಹಮಾನ್,ಬೊಕ್ಕ ಪವಿತ್ರ ಶೆಟ್ಟಿ ಕಟಪಾಡಿ ಮೊಕ್ಲೆನ್ ಸತ್ಯದ ತುಳುವೆರ್ ತಂಡದ ಗೌರವ ಸಲಹೆಗಾರೆರಾದ್ ಆಯ್ಕೆ ಮಲ್ತೆರ್.

ತಂಡದ ಪದುಕೆರಾಯಿನ ಅರ್ಜುನ್,ಅಶ್ವತ್,ರಜತ್,ಸೌಮ್ಯ ಪುತ್ರನ್,ಸಂತೋಷ್,ಮಹೇಶ್,ನಿತೇಶ್,ಸರಿತಾ,ಸುಧಾಕರ್,ಜಯ ಸಾಲ್ಯಾನ್ ಮೂಡಬಿದ್ರೆ ಉಪಸ್ಥಿತರಿತ್ತೆರ್.